أصحابي وأخواتي في الثانوية العامة.. عايز أفكركم بحاجة.. الشيطا | إقتباسات الطّب | 💙
أصحابي وأخواتي في الثانوية العامة.. عايز أفكركم بحاجة.. الشيطان مابيسبناش وإحنا داخلين على مواقف كبيرة زي إمتحانات ثانوية عامة.. امتحان بيقرر المصير.. هدخل كلية إيه.. وعلى أساسها نفسي في حاجة ممكن تيجي وممكن ماتجيش.. فالإنسان بيبقى متوتر.. وهنا قوة الشيطان.. "الشَّيْطَانُ يَعِدُكُمُ الْفَقْرَ".. ييأسك ويخليك تتشاءم من مستقبلك.. ويحسسك إنك داخل الامتحان هتنسى كل حاجة فلما تنسى مش هتعرف تجاوب.. ولما متعرفش تجاوب متعملش اللي نفسك فيه فمستقبلك يفسد! المستقبل بإيد ربنا.. أنا هعمل اللي عليا وأذاكر لإني أُمرت بكده.. أخد بالأسباب.. أما المكتوب على الجبين لازم تشوفه العين.. ولو ربنا مقرر لي أدخل هنا ولا هنا.. خلاص.. "اعملوا فكلٌ مُيسر لما خُلق له".. أنا هاخد بالأسباب أقصى ما أستطيع.. وأسلم لربنا سبحانه وتعالى.. الفكرة دي تدفع شيطان الخوف من ثانوية عامة.. بجانب طبعًا كثرة "لا إله إلا الله".. اللي بتطرد الوسواس الخناس.. فيسكن الإنسان بعد مذاكرته اللي عمل فيها اللي عليه ويدخل الامتحان وتكاله على الله.. فاطمئنوا.. ربنا يوفقكم ويشرح صدوركم ويجبر خواطركم فيما تتمنوه.. #الثانوية_العامة
