عقلي - خلص هذا اليوم التعيس اللي بلا معنى جان عبارة عن ملل ازع | .
عقلي - خلص هذا اليوم التعيس اللي بلا معنى جان عبارة عن ملل ازعاج صوت الناس اللي تتهاوش بالشارع والاسواق اللي يتحاربون على الزبون بينهم وصوت السيارات اللي اكرهه وكلام الناس وانتقادهم للبعض يحسسك انت اللي دا تحجي وبعدين تراجع افكارك تكول ليش دا احجي هجي وليش سمعتهم اصلا تفهمني شقصد مو
ضميري - اي فاهمك يسطا بس منو كالك اطلع وراقب الناس ليش ما تركز بحياتك وبس وتهتم لدراستك وشغلك وتعوف كل هل افكار السلبيه انت شاب عبرت مرحلة المراهقة كافي هاي الأفكار المزعجة شوي كون ناضج حس بنفسك لا تخلي كلام الناس ياثر عليك انت اقوى من كلشي
مشاعري - خلصتو ؟ اني شنو موقعي من الاعراب حسو بيه تره تعبت ما تحمل كل هذا الانتقاد والحياة التعيسه اريد اجرب أعيش وي ناس واصدقاء لطيفين واعيش قصة حب مثل الناس اني اريد انطلق ليش توكف بطريقي يا ضمير ؟
