عايز اقول كلام في بالي، لو ح تواصل أقراو، ما ح تواصل ما تبداو. | خواطر سوداني🌚❤️
عايز اقول كلام في بالي، لو ح تواصل أقراو، ما ح تواصل ما تبداو.
انت : لو بتحب واحده ومُقتنع بيها إنها ح تصونك ، اتزوجها حتى ولو كُل خلق الله معارضينك، كافح عشانها لأنها ما حتتكرر في العُمر تاني! وانتِ : ما توافقي غير لما تلاقي الشخص المرتاحه ليو ومتقبلاه وتحسي انو ح يخاف الله فيك وح يصونك ، لانو دا حقك الربنا شرعو ليك. مناسبة الكلام دا شنو يا مصطفى ، إتذكرت قصة حقيقية لواحد اسمو حَمَد ، حب واحده من باكستان، كُل اهلو عارضوا انو يتزوجها وقالوا ليو دي باكستانية، فما اشتغل بكلامهم فاتزوجها ومشى عاش في مكان تاني ، وجاب منها اولاد كتيرين كُلهم حفظوا كتاب الله، وصوتهم أروع من بعض في قراءة القرآن الكريم، لو تسمعهم تبكي وجسمك يتهز ويقشعر من الخشوع والصِدق و الروعه..
ومات " حَمَد " وبعد ما مات بسنتين بالضبط ، واحد من أولاده بقى إمام الحرم المكي. واهله كُلهم بقوا يتقربوا منه ويتباهوا بيه ، بعد ما ابعدوهوا ، تعرف مين ابنه الأصبح إمام الحرم؟ الإمام الشاب ، ماهر بن حَمد المُعيقلي
