2023-05-13 06:51:11
كتيرين ح يتجاهلوا البوست، لكن ح أقولوا..
انا متأثر جداً على ضحايا الإغتصاب من النساء..
بفكّر إنو هل الأهل ح يتستّرو على القضايا دي عشان "السُّمعة"؟
و النساء و البنات ديل ما يلقو العناية الصحيّة المحتاجنّها؟.
بفكّر في محاولات الإجهاض بالطرق التقليدية في حالات الحمل، و المضاعفات الصحية من الممارسات دي.
زعلان على حياة المواليد ديل.. ذنبهم شنو يتولدو و يتعّيبو بأفعال أبهاتهم حياتهم كلها؟
قلبي واجعني من الضغط الأسرى على البنات بسبب "العذرية" و المعاملَة المُرة الح يعيشوها..
متأثّر شديد على ضحايا الإغتصاب من الرجال ، زعلان من حقيقة إنهم ما ح يتكلّموا، و إنهم ح يعيشو باقي حياتهم حاسين بإنهم معيوبين.
لو إنت/ي ضحية إغتصاب، عايزك تعرف إنو ما عندك ااااااي دور في حصول الإنتهاك ده، و إنو دي جريمة في حق نفسك قبل ما تكون جريمة في عين القانون أو المجتمع.
عايزك تعرف إنو الحاجة دي ما بتقلل من قيمتك كإنسان نهائي، و لا بتغّيّر في شخصك الجميل حاجة، و إنو رغباتك إنت بالتعامل مع الموقف أهم من رأي أي زول تاني مهما كان منو.
أتمنى إنك تعيش حياة كريمة و مليانه حُب. أتمنى ليك كل الخير .
550 views๏͈͈ مۣۗہصۣۗہطۣۗہفۣۗہى ๏͈͈͈͈, 03:51