2018-02-05 15:21:41
طلعت لدرجان والبيت ظلمي سرت اسأل الجيران وين سارت امي
دعيت يمه قالت أمي انتي عيجعلش في السترلاتهمي.
يا والدة ياتاج فوق راسي
ياضو عيني حين أسير واجي...
ياوالدة لاتغضبي عليا ادعي وكل خير عيجي صليا..
لاغيبش يمه ساعة ولايوم. إن غاب صوتش ماعرفت نوم...
ياوالدة ياروح داخل الروح وياسبايا في المكان مطروح...
يا والده ريتش قريب جاره ..
يشكي عليش القلب ماجرى له .
ياوالده يامّ العيال وامّي ..
عيجعلش في الستر لاتهمي ..
ياوالده يامي قد انتي امي ..
ولا عصيتش فالحليب سُمي ..
ياوالده ياقات وسط حولي ..
خلاش لي يا بازيه لعولي ..
ياوالده يامي وياضنينه ..
ياحبة المرجان يا رزينه
.ياوالده ياحبة الحوايج
ياكسوتي في العيد والزوايج
ياوالده صلي لناوصومي
وادعي لنا فجر حن تقومي
وصلت للحجرة داعيت يمة
وسار من قلبي غثى وغمة
ما تفعلوا لي يا الثلاثة اخوه
وبسرت امي هي غدا وقهوة
وانا فدا لامي ولو شنتني
وساعة الباطل ما فلتتني
يا والدة درك النسا عياني
درك النسا هو سم في الصياني
قد كنت عند امي داير خزانة
واليوم عند الناس للهيانة
يا الوالده يامكحله ودُهنه
من حين فارقتش مالقيت فُهنه
1.0K views.......... The Queen, 12:21