#غدا_عيدكم طلاب #البكالوريا_والتاسع غدا' أول يوم له تأثير فعل | دمشق التعليمية

#غدا_عيدكم طلاب #البكالوريا_والتاسع

غدا" أول يوم له تأثير فعلي بحياتك وبعدها أكيد بحياة أسرتك ومجتمعك وحياة الناس يلي رح يكونوا معك بالعمل يلي رح تمارسه بعد ما تحددلك هالامتحانات خط سير عريض من مسارات حياتك.. وبجوز الموضوع يكون أكبر من هيك ويمكن بيوم من الأيام انت تكون شخص موثر بالمجتمع والبلد ويمكن تحدث شيء يصل تأثيره لناس كثير بالعالم.
كل العظماء كانوا صغار ومروا بتجارب كثيرة وأغلبهم مروا بتجربتكم اليوم
لهيك انت لازم تروح عالامتحان وكأنك رايح تخط بقلمك خارطة طريق للعالم كله وللبشرية بأسرها
لذلك لازم تروح عالامتحان مفعم بالثقة، مفرط بالغرور، مبالغ بعزة النفس والأناقة.. لازم تروح وكأنك رايح تجيب شهادة الدكتوراة أو تجيب قرار تعيينك كوزير أو سفير أو مدير،
تقعد عالمقعد وتطالع قلمك بثقة وتستقبل ورقة الامتحان وكانها مذكرة أو كتاب بدك توقع عليه بقلمك يلي رح تحتفظ فيه كذكرى طول العمر لأن كل وسائل الاعلام بالعالم موجهة كميراتها على القلم يلي بإيدك وهو يخط عالورقة يلي قدامك شيء مهم وجميل في حياة كل الناس مو بس بحياتك والناس كلها أمام الشاشات بترقب بنظرها بعيون لامعة شو رح يعمل هالقلم بحياتهم..
هيك بتوصل لهدفك عزيزي الطالب.. وغير هيك مابتوصل غير لفراشك ومخدتك ولحافك.
بالتوفيق طلابنا الغوالي .. صانعي المستقبل

بقلم الأستاذ زكريا الغزالي