محتاجين ف حياتنا ناس حلوة تشبه روحنا وقلبنا محتاجين ناس تطبطب علينا مش بأيدها، بقلبها وإحساسها بيك محتاجين ناس تحول يومك ١٨٠ درجة بمجرد بس ماتبص ف وشهم أو حتي تكلمهم محتاجين حد كدا يفرفشنا ويدلعنا ويضحكنا من قلبنا ويمسح همومنا بأستيكة كأنها محصلتش محتاجين ناس لا تعاتب، ولا تلوم، ولا تتهم، ولا توجع قلبك ودماغك أول ماتشوفك محتاجين ناس تبقي دكتور نفساني لينا، مهمتها بس تسمعنا من غير ما تقطعنا، نتكلم فحضنها، نعيط نصوت نخرج كل الكبت اللي جوانا معاهم من غير مايزهقوا ولا نسمع كلمه معلش منهم لمجرد المواساه محتاجين ناس تفهمنا من نظرة عنينا من ضحكتنا البهتانه اللي مخبية وراها وجع الدنيا ودموع العالم وبتشوفنا من جوه من غير ما نتكلم وأما نتكلم ناخد راحتنا وعارفين أننا بنتكلم مع نفسنا وأن كلامنا أترمي في بير ملوش آرار محتاجين ناس لو كلمناهم وأحنا زعلانين، تقدر وتستوعب أننا مش وحشين،، بس مضغوطين وغصب عننا ومنبررش ليهم لأننا عارفين أنهم هيسامحونا وهيحتونا محتاجين ناس بسيطة تبسط كل حاجة ليك وتحسسك أن الدنيا بخير محتاجين ناس جدعة تكون ف ضهرك سند وعارف ومتأكد أنك ليك غلاوة عندهم ومش محتاج تخبي عيب ولا تظهر بحاجة مش فيك أو تضغط علي نفسك عشان ميزعلوش وتنول رضاهم حتي لو علي حساب نفسك عشان تتقي شر كلامهم أو نظراتهم أو عتابهم أول ما يشوفوك خليكم كل الناس دي لأننا فعلا محتاجين يكون ف حياتنا ناس زي دي، ناس تكون الدفا، ناس تكون بوء ميه ف صحرا وأنت ميت م العطش ترويك، ناس تكون غطا ليك في عز الشتا، ناس تكون حته سكر بعد علاج مر، ناس حلوة، وصحبتها حلوة، جميلة، وحنينة تشبه أمك فى حنيتها وأبوك فى أحتوائه @Antonman2 @Darknes1s1
