سؤال صغير لأصحاب القرار يلي ما شفنا منهن حدا علأرض نحنا شو عملو ولادنا واخواتنا اخدوهن ولهي اللحظة ما منعرف وينهن
صرلهن سنة ونص تحقيق ولهلق مالهن تهمة وممنوع نعرف وينهن او نشوفهن او نزورهن او نعرف مين عيش او مين ميت مشان الله عتبروهن مسلحين ورجعوهن ع حضن الوطن متل يلي قتلو ودبحو واغتصبو من المسلحين متل مصالحات اعتبروهن كلاب وخلينا ناخدلهن اكل
اخي اعتبروهن شهداء او ميتين وخلينا نزور قبورهن ونشوف جثامينهن او جثثهن او اي شي عنهن ورواتبهن وقفتوها ونحنا ما لنا معيل غيرهن وعم نشحد لقمة الخبز اخي بدنا حل او قلولنا اذا عايشين بغابة وانو خلص لازم نخرس وتدوسو روسنا وكرامتنا ومالنا حق عند حدا دولة قائدنا حافظ الأسد ما ربتنا انو نسكت عن حقنا عم نناشدك يا سيادة الرئيس الله يطوللنا بعمرك تنظر بحالنا
لأيمت قضائنا رح يضل مسير لأيمت السلطة الأمنية رح تضل تدوسنا وتخوفنا لأن نحنا من الساحل ومنحب ومنعشق الوطن و السيد الرئيس منسكت كرامة الو كرامة لسيدنا حافظ الأسد كرامة لأهلنا وحبابنا يلي منخاف عليهن من هالسلطة الأمنية يلي مالها حق علينا بشي كل هالحكي مشان موقوفين إدارة الأتصالات سيدي الرئيس المفدى منتمنى تنظر لحالنا وترئف فينا وتاخدنا بعطفك مشان الله حدا يوصل هالشكوة للقيادة ماننا عبيد نحنا نحنا اهل الساحل والجبل يلي ما منسكت عالظلم نحنا اهلك يا سيدنا بشار مشان اارب تتدخل وتحللنا هالقصة نحن زوجاتن وابنائن واخواتن حالنا صعب كتير وماعم نقدر نوصل لخبر عنن وتسكر كل البواب بوجهنا مبقى شي نسويه إلا و سوينا نرجو منك النظر بحالنا و مشكلتنا .
