2022-02-15 10:52:11
میرنوروز
میر نوروز رش اوفتاوه وه هر ولاتی
ورگشته دل ناگرو وا خاطراتی
سفر دیر و دراز شهر شیراز
افتاده وا ویر بلی عسکری ساز
« یکصد و سی و سه از بعد هزاری»
میرنوروز اوما وه دی د نو بهار ی
زادگاهش باغ جایدر لرسونه
گۉتنه که قورسونش دیلرونه
زنه ای کرده زمون شاه سلیمو
وا صفوی و قزلباش داره پیمو
شرح حالش که د اشعارش دیاره
شعر او درمون درد بی قراره
میر نوروز رت وه کلاته ملک مموس
هالووو گپ تا کوچک اومان پابوس
دختری بالا بولنگ د هالوونش
د کلاته دیلرو بی هوم زوونش
ها بوئم که سرنوشتم هه چنونه
هه چنو که جایدر یا دیلرونه
سیصد و سی بی و هفت بعد هزاری
روز سیزده وه دری د نو بهاری
د جوار سیمره د واوکون پل
پا نیام د ملک نیدل د قلا گل
تا زمونی شیر مادر بی خوراکم
سیمره حک بیه د صفحه پلاکم
نی وه یادم کل پیچک د دس پایام
خانوادم بردنم تا ملک پاپام
ملک پاپام چی بهشته ؛ آوسونه
میر نوروز گته : بهشت لرسونه
« تاوسو د آوسو وزنه سواری»
« زمسو د خورماوه و پا بخاری »
ای دله سی آوسو هه میزنی زار
یه تون و یه سرسراو یه دیین یار
لینک کانال
http://T.me/dokhtarebalageryve
─┅ JOIN ┅─
#دختر_بالاگریوه
پی وی
@d_balageryve
556 views07:52