دموع الأنين في رثاء الطاهرين 💔الشاعرة ليلى زغيب

2022-08-03 11:48:25 #مسلم_بن_عقيل
جديد محرم الحرام ١٤٤٤هجريه قصيدة لمسلم بن عقيل بعنوان (السفير المغدور)


حسين ما دريت شصار مسلم غدرته الكوفه
وحيد يم باب طوعه ريتك حاضر تشوفه


غدرت الكوفه بسفيرك لا تجيها يا حسين
مسلمك حاير وحيد من دمه يهمل العين
مو على نفسه دمعته اي وحگ طه الامين
ما يهاب الموت مسلم وصولاته معروفه

ظل ينادي ياحسين ريت صوته تسمعه
لا تجي للكوفه أبداً بالغدر گلبك تفجعه
مثل ما بالحسن سوت وخلته يهل مدمعه
بيك تغدر يا امامي وهالجرح لا ما نروفه

گلبي من حزنه عليك بهمه مولاي اكتوى
ريت صوتي يوصلك ويه نسمات الهوى
لا تجي بظعنك امامي ولا تحل بنينوى
انفطر گلبي من غدرهم وهذا ما ريدك تشوفه

انه مسلم يا امامي بغربتي گلبي ينوحك
البايعك بكتاب ادري سيف غدره الي يلوحك
وانته ريحانة محمد كلفه يا غالي جروحك
تنذبح برض العراق وتبقى عاري في طفوفه

من البعد ارسل سلامي يا ابو الاكبر علي
انه افديك بحياتي وتبقى عزوه لكل هلي
خايف الكوفه تجيها وابرمح راسك يعتلي
وبدرك الشع بسمانه بكربله يصبح خسوفه



تمت بعون الله تعالى
خادمة الزهراء // ليلى زغيب





الشاعره ليلى زغيب
اين الطالب بذحول الانبياء وابناء الانبياء
https://t.me/Doumooalanin باز کردن / نظر دهید

2022-08-01 09:44:07 #النزول_في_كربلاء
جديد محرم الحرام ١٤٤٤هجريه قصيدة بعنوان (بهاي الارض) تقرأ نعي ولطم


تحير مهر الحسين من وصل للغاضريه
وگف سبط النبي وهلت عيونه جريه


من شاف مهره تحير خاطب ليوث الحريبه
شنهي اسم هالگاع واهمل دموعه سچيبه
ردوا اصحابه ليها شكثر اسماء يبن النجيبه
عقر والطف ونينوى وبعد اسمين عند البريه

گال جاوبوني وعددوا ليها كل الاسامي
گالوا غاضريه وكربله يا سبط طه التهامي
گال ابهالارض حطوا ارحالي ونشروا اعلامي
عندي علم بيها من النبي وحيدر وصيه

نصبوا الخيم يرجالي وابهيده نزلوا هالحرم
هاي الارض بيها ننچتل وتغرگ بنهر من دم
كلكم يأنصاري تموتون وانه ويه شيال العلم
بيوم عاشر هالشهر نبقه جثث فوگ الوطيه

اهنا ننذبح يأصحابي وحتى طفل البالمهد
تسبح نينوى بالدم وينفصل راسي من الجسد
وراسي يعله اعله الرمح وانه مفطور الچبد
وتالي يأصحابي ترض جسمي الاعوجيه

بهالارض هاي يحبابي تنخسف كل البدور
واعلينه تمر الحرم وهيه امچتفه اعله الكور
تنادي وداعة يا الغوالي اوتهل الدمع منثور
وفوگ هزله باليسر تنصب اعلينه عزيه



تمت بعون الله تعالى
خادمة الزهراء // ليلى زغيب





الشاعره ليلى زغيب
اين الطالب بذحول الانبياء وابناء الانبياء
https://t.me/Doumooalanin باز کردن / نظر دهید

2022-07-31 18:12:12 #خروج_الحسين
جديد محرم الحرام ١٤٤٤ هجريه وداع ام البنين ووصيتها للعباس قبل الرحيل قصيدة بعنوان (عينك عليها)


عباس ضي عيني ما وصيك بحسيني
ما تريد احچايه يا صاحب الرايه
عباس ضي عيني

ادري بيك الزود والكل يعرفون
تفدي حسين بالراس يا نور العيون
تخلي الخلگ بفعالك يمه يحارون
تموت انت وللسبط لا ما يقربون

تقدم عيونك اله يا ابن عقد الوله
تحمل نفس وفايه يا صاحب الرايه
عباس ضي عيني

قبل ما ترحل اسمع يا ابو النوماس
عندي يا يمه طلب يا رفعة الراس
ابهالسفر عينك اعله زينب يعباس
اريدك تحمي خدرها من الانفاس

لا تحس بالخطر ياابن فارس مضر
خلي روحك عبايه يا صاحب الرايه
عباس ضي عيني

احچايتي كلهه ييمه اعله العقيله
لا تلوح الشمس اختك يمه دخيله
ما أريد نسمة هوى تفرهد الشيله
هاي بت حيدر علي وامها الجليله

رايتك كون اعليها من الشمس تحميها
زينب اختك آيه يا صاحب الرايه
عباس ضي عيني

بالدرب احرس ظعنها من الخطر
هاي بت الصميده وبيها تدري يا گمر
روحك افديها ولا يهل دمع النظر
هاي زينبنا العقيله هاي ام الخدر

زينب تدري بيها حيل اخاف اعليها
يمه هذا رجايه يا صاحب الرايه
عباس ضي عيني

ادري باليجري عليها برض الطفوف
عندي علم من الولي بيوم الحتوف
لچنه گلبي يعتصر ولوني مخطوف
لمن تظل عالنهر مگطوع الچفوف

لمن تنام اعالنهر وهيه بدروب اليسر
ترسل دمع شچايه يا صاحب الرايه
عباس ضي عيني



تمت بعون الله تعالى
خادمة الزهراء // ليلى زغيب




الشاعره ليلى زغيب
اين الطالب بذحول الانبياء وابناء الانبياء
https://t.me/Doumooalanin باز کردن / نظر دهید

2022-07-30 23:02:20 #خروج_الحسين


مثل موسى وطلعته ابليل
طلع من المدينه احسين
يوضح راد نهج الله
رسم بالطف نهج للدين
بالغاضريه ،،،، وضح قضيه

&&&&&&&&&&&&&&&&

مثل موسى الكليم احسين ،،، طالع راد وجه الله
ما يرضى الفساد ايسود ،،، صرخ هيهات للذله
رسم خط النصر بالدم ،،، لجل الدين ما يبلا
الحقيقه ما تريد اثنين ،،، خطهه بدمه للمله

بخط واضح كتب للجيل
خطه بدم وريده احسين

بالغاضريه ،،،،، وضح قضيه

&&&&&&&&&&&&&&&&&&&


دين الله اشتكى الالام ،،، لحسين اشتكى همه
طلع غاضب شبل حيدر ،،، شهر سيفه ونذر دمه
شاف الدين لنه يموت ،،، وتخلُف صاحَب الامه
بكل غالي فدى للدين ،،،، وحتى المهجه متهمه

غصص للامه راد يشيل
صف ارواح بالصوبين

بالغاضريه ،،،،، وضح قضيه

&&&&&&&&&&&&&&&&&&&&


صدح صوت الحقيقه اهناك ،،، بالطف كل مضامينه
بساحات الشرف والعز ،،، قدم كل قرابينه
للحق رفع راياته ،،، وكتب بادماه نياشينه
ودين المصطفى بحسين،،، نقش بالدم براهينه

عالارماح وغدا ترتيل
يقره اعله القنا يسن "ياسين"

بالغاضريه ،،،، وضح قضيه

&&&&&&&&&&&&&&&&&&&&

هالثوره تريد اعلام ،،،للحق صوت يرفعها
صرخه من علي الكرار ،،، بلسان الحره نسمعها
يزيد وظلمك اشما طال ،،،صرخه وماترجعها
احسين بثوره برض الطف ،،، اصول الدين رجعها

من على نوگ الهزيل
كملت درب الحسين

بالغاضريه ،،،،،وضح قضيه

&&&&&&&&&&&&&&&&&&&

عقيلة حيدر الكرار ،،، تدگ اعروش كل ظالم
صحيح اطفال بس عدها ،،،وكفيل اعله الثرى نايم
لكن لبوة الاحرار ،،، سيف اتسلط وصارم
فضحت كل بني سفيان ،،، ابلاغة كل بني هاشم

لسان احجاره من سجيل
يفرغ عن ابو الحسنين


بالغاضريه .....وضح قضيه


تمت بعون الله
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://t.me/Doumooalanin باز کردن / نظر دهید

2022-07-30 13:03:26 #المهدي_والمحرم
استقبال صاحب الزمان لشهر محرم الحرام قصيده بعنوان (نزف الجروح)

تقرأ بعدة اطوار نعي ولطم


هل اهلال المحرم وللمهدي نعظم الاجر
عيون السمه بالحزن دمع ودموم هالتمطر


شهر عاشور يالمهدي بيّن بالسمه اهلاله
احتار القلب بهمومه على حسين و عياله
ننزف دمه ويه الصبر من نذكر الخياله
ولو نذكر افعال العده من عدنه يحتار الصبر

هاي الليله مهدينه يم جده اويهمل العبره
ساعه يحضن الشباك وساعه ينظر الحضره
وساعه يهمل دمومه لنه شايف الزهره
قميص حسين بيديهه وحيل تلطم عالصدر

لفى مهدينه وي امه وقصدوا للنهر هاليوم
بمايه من اجت عينه من عينه تسيل دموم
لفتله الزهره بحجايه تناشد غدت عالجيدوم
يا هو العذر وتقدمه بگمر عدنان من تغدر

جاوبني ينهر وگول ومايك مهر لام حسين
انه الزهره احچي وياك مني مصوبه الضلعين
ضلع صوبه المسمار وضلع صابه سهم العين
من طاح الگمر عباس اتوذر خدري واتطشر

طلع مهدينه وي امه ودموع العين تتحدر
اهنانه زينب اعله التل وقفت للسبط تنظر
اهنانه اطفال محتاره وخيم بالنار تتوجر
اهنانه المهد يوليدي يتنطر ساعة التظهر

تمت بعون الله تعالى
خادمة الزهراء / ليلى زغيب


الشاعره ليلى زغيب
اين الطالب بذحول الانبياء وابناء الانبياء
https://t.me/Doumooalanin باز کردن / نظر دهید

2022-07-30 12:38:03 #النزول_في_كربلاء
جديد محرم الحرام ١٤٤٤هجريه قصيدة لنزول كربلاء بعنوان (حط الرحل في كربلا)



نزلت ظعون الهواشم في اراضي كربله
حامل الرايه بوفاضل عيونه حراس لهله


حط ارحاله بو السجاد ونادى خويه بوفاضل
انصب خيام الغوالي بيدك انت آ يا كافل
خلي زينب تستراح مكلف ركوب المحامل
بهيده نزلها يخويه يا كفيل العايله

طمن گليب العقيله لا تحس بأي جزع
خويه تدريها اختنه تنرعب من هالجمع
لهسه زينبنا يخويه تعاني من كسر الضلع
خلي عينك عالخيام البيها زينب نازله

احرس بعينك خيمها وانشر البيرگ عليها
وصية الكرار اختنه وانت تدري شوصى بيها
يابو فاضل هاي زينب لا تهل دمعة عينيها
مخدره زينب يخويه وللفضايل شايله

هالارض بيها المنايا خويه كل احنا نروح
نعوف زينب للرزايا وبالگلب نزف الجروح
زينب تشاهدني خويه عالرمح راسي يلوح
بين خيل وخيمه تلهب دمعة اختك هامله

زينب بعاشر محرم خويه تحتار بأمرها
توگف اعله التله خويه تشبح اعليه بنظرها
تنادي خويه حسين الحگ شابگه الراس بعشرها
وانت عالشاطي رميه وخيمة اختك شاعله



تمت بعون الله تعالى
خادمة الزهراء// ليلى زغيب




الشاعره ليلى زغيب
اين الطالب بذحول الانبياء وابناء الانبياء
https://t.me/Doumooalanin باز کردن / نظر دهید

2022-07-29 22:55:46 #عبدالله_الرضيع
جديد محرم الحرام ١٤٤٤هجريه قصيدة بعنوان (ذبلان الورد) للطفل الرضيع تقرأ بعدة اطوار



شمعه اعله طولك ...عبدالله يبني
بغدر اعتنولك ...عبدالله يبني

عبدالله يا ريع العمر بگليبي جمره
عطشان يمه تنذبح حيف اعله قطره
بيك افجعوني يلولد اهاتي حسره
خالي المهد آه عيوني تهل عبره

من المهد اخذوك....عبدالله يبني
بيا جرم ذبحوك...عبدالله يبني

خالي المهد يوليدي خلفلي لوعات
لمهدك ألولي يلولد ويردلي حسرات
عبدالله سالوفة حزن ولعمري اهات
يمه اهزه للمهد واناغي شوغات

بعيوني سمهك....عبدالله يبني
بغدره يفطمك....عبدالله يبني

اهاتي تشعل بالصدر تچوي ضلوعي
يا حزن الي بالگلب آ من دم دموعي
يا يمه وابسهم النحر طفوا شموعي
عبدالله يا زهر الورد گطعوا فروعي

يا غصن الورد ....عبدالله يبني
محروگ الچبد... عبدالله يبني

يا ناري ما تطفي ابد تشتعل علدوم
بيا جرم يمه اشوفك سابح بلدموم
شسويتي نبلة حرمله خلفتي الهموم
فگدك كسرني يلولد واگليبي ملچوم

مصابك هظمني....عبدالله يبني
بگلبي لچمني....عبدالله يبني

زغيرون ابني يا خلگ وانطفى شمعه
صفت حياتي بعده دمعه اعله دمعه
صوته يناغي بالمهد چني اسمعه
اصفن مكانه خالي الگلبي يشلعه

الكاروك خالي....عبدالله يبني
دمعي يلالي.....عبدالله يبني



تمت بعون الله تعالى
خادمة الزهراء// ليلى زغيب





الشاعره ليلى زغيب
اين الطالب بذحول الانبياء وابناء الانبياء
https://t.me/Doumooalanin باز کردن / نظر دهید

2022-07-29 19:54:47 رد ردود شهر عاشور وبيه الدمعه هماله
شهر الحزن والحسرات مكدر يظهر هلاله
بي نسمع صدى الصيحات علمنا طاح شياله
في وينه ابو الكلفات يدرك اهله وعياله

خادمة الزهراء // ليلى زغيب

#عظم_الله_اجوركم_يا_صاحب_الزمان باز کردن / نظر دهید

2022-07-27 23:23:10 قصیده بدایة محرم

محرم لا تجيني.. مصايب تدمي عيني
نهارك ودر الحيل.. مصايب تلفي بالليل
محرم لا تجيني
▣========▣◈▣========▣

فــرت روحي بالنوح. بدرب الموحش
تروح.
وبصدري الاذيــه
كلبي بعلته حيران. جارح فكد الاخوان
راوانــي المنــيه
بشوفة هذا لهلال دمعي لوحده همال
وحزني ايعم عليه

كلبي بحزنگ ايشيل... نهارك ودر الحيل
محرم لا تجيني


. الشاعره مـــريم العبوديه اســيرة الاحزان
▣========▣◈▣========▣

دمعي وحده يجري واتحــير بأمري وأتـــذكر مصــايب
تصيح بروحي الاحزان وبيه الحيل عدمان الفكد الحبايب
بفكري ٱصور اطوف.. خيل ونار ولخوف وکلبي بهمه ذايب

واسمع صوت الصهيل انهارك ودر الحيـــل
مــــحرم لا تجـــيني

أزهار جبار الجياشي
▣========▣◈▣========▣

عسن لا هل ونظره ..بدليلي خله جمره
من اذكر ذبحــهم
اشوفنهم على الكاع....بحــــر الشمس الاســباع.
ما واحد رحمـــهم
بیهم داست اخيول .بضلوع حسين وتجول
شمت بينه شمرهم

وصحت الويل ياويل
انــهارك ودر الحــيل
محــرم لا تجــيني

ام حسين الفريداوي
▣========▣◈▣========▣

بشوفک گلبي ملجوم. جروحي تنزف ادموم
من اذکر الــعاشر
تخنک روحي حسره..اهلي بذاري الغبره
وگلبي بهمه حایر
اظل بغير وليان. ودمع الحزن بركان
بجروحي اکابر

دمع اطفالي یسیل
نهارک ودر الحـــیل
محرم لا تجيني

خادمة الزهراء // ليلى زغيب
▣========▣◈▣========▣

عذابك نحل الروح وكثره ابزينب اجروح ومضيعه دلالي
دمع اطفالي مسفوح.. حولي ادور وتنوح
وتريد الغـــوالي
غريبه اوحدي ظليت معصب حزني شديت انوحن للجرالي

اشوف اهلي مچاتيل
انهارك ودر الحيل
محرم لا تجيني

أم عــ ــلــي الـحـلـفـي
▣========▣◈▣========▣

لجمني اهلال الجــروح المصايب بیه تــلوح
ورجف دلالي بخوف
شفته الموت الاحمر ونار ابنصه تسعر
وخيل وجثث وسيوف
جمر يسعر بالخيام. ويحـــرگ جـــدم الایتام
وعده بخيولها تطوف

الدهر بضعوني ايميل
انهارك ودر الحـــيل
محرم لاتجـــيني

الشاعرة ام زهراء الزيداويه البصراويه
▣========▣◈▣========▣

تمت بعون الله تعالى
بـ ــاقـ ــلام خـادمـات أهل البيت ع
بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان
الشاعره فرح الساعدی الملقبه
الدره الفاطمیه
نسألكم الدعاء
بتعجيل الفرج لصاحب الزمان (( ع))



الشاعره ليلى زغيب
اين الطالب بذحول الانبياء وابناء الانبياء
https://t.me/Doumooalanin باز کردن / نظر دهید