السلام عليكم انا الدكتور عبدالقادر سفلو خريج جامعة حلب 2019 حا | ما يهمك في الامتحان الوطني 2021
السلام عليكم انا الدكتور عبدالقادر سفلو خريج جامعة حلب 2019 حابب قدملكم شوية نصائح اتبعتهم اثناء دراستي للفحص الوطني والحمدلله حصلت على علامة 87
بالاول اعتمدت بالتركيز ع التفاصيل وبعد ٤ أشهر اختبرت نفسي ببعض الاسئلة لكن للأسف كانت النتيجة مخيبة عرفت انه طريقتي مو صحيحة فالتجأت لأحد أصدقائي وهو من الاطباء الي حصلوا على علامة عالية بالفحص الوطني على مستوى سوريا
نصحني بأني أتجاهل التفاصيل وماخوض فيها كتير لانها مفيدة كثقافة عامة بالطب اما بالامتحان فأقل فائدة وممكن تشتت ذهنك باختيار الجواب الصحيح وخاصة مع ضيق الوقت بالفحص(دقيقة للسؤال الواحد) ونصحني اعتمد اسلوب الحفظ والفهم معا
مثلا افهم بالبداية الفيزيولوجيا المرضية لحدوث المرض وقتا بعرف أغلب الاعراض دون الداعي للحفظ بالاضافة انه بساعد على تسهيل مبدأ الاستبعاد في الامتحان
وكمان حفظ معلومات هامة (مثلا ما هو اشيع سبب. ما هو التأثير الجانبي الاشيع. ما هو الاستقصاء الاشيع....)
أكيد رح تقول مافي وقت لفهم كل الاليات بسنة وحدة وخصوصا اذا في تقصير بالسنوات السابقة
قلت متلك.. ومع هيك ركزت ع الامراض الهامة وفهمت اليتها وكانت النتيجة مرضية الحمدلله
هي تجربتي حكيتها لتستفيدوا ان شاء الله حطيت أسئلة هامة للفحص الوطني بحيث تركز على مواضيع مهمة وبتكرر بالامتحان مشان هيك عملت قناة بحط فيها كل يوم بعض الاسئلة المفيدة بالاضافة الى غروب مناقشة اذا في عندكن سؤال الاسئلة رح تكون متنوعة بحيث تشمل جميع المراجع لكن حاليا الكتلة الاولى بشكل اكبر من الكتلة الثانية لانها الأضخم أما الكتلة الثانية رح ينزل عنها ان شاء الله في اقرب وقت
بسعدني اني فيدكم بهالمرحلة وبالتوفيق جميعا ومن الله الاجر
رابط القناة لتضيفوا رفقاتكم يستفيدوا @Dr_Abd_alkader_saflo