2021-04-26 02:28:57
سردة حزينة..
قلها: #وينك إلي ساعة عم دقلك
قالتلو: *آسفة حبيبي ما انتبهت
قلها: #قومي عالشباك بسرعة زنطرت
قالتلو: *شووووووووو !! إنت مارح تبطل هالعادة ..؟؟
-وبتنط من تختا عالشباك
قالتلو: *هههههه تقبر قلبي شو بتجنن وإنت مزنطر
قلها: # .. بتنزلي ولا بطلع !؟؟
قالتلو: *لا لا نازلة ههههه
-بتركد لعندو الشوارع فيها كم شخص وشوية برودة..
قالتلو: *ههههههه أنوفك أحمر
قلها: #كرمال وحدة جدبة نزلت بهالبردات
قالتلو: -ههههه ياعمري
قلها: #حاج تضحكي
-بتطلع ع إيدو معو قفص وفيه عصفورين
قالتلو: *ياااااي شوو هاد بجننو ياقلبي حلويين
قلها: #هي أنا وإنتي ليكي كيف شايف حالي عليكي
قالتلو: *هههههه تؤبر قلبي
-بتمسك القفص وبتطلع فيون بتتأملن..
#وبقلا : هالعصفور رجالك إذا متت أنا
-بتضربو كف خفيف...
قالتلو: *بعيد الشر عنك خراس
قلها: #روحي طلعي صار أنوفك أحمر كمان انتي
بتقلو: *بحبببببببك كتيييييير
بقلها: كنت حجيب ببغاء..وانا بحبك يصوصتي
-بتمسك القفص..
بتقلو:*خليه إلك الببغاء ياغليظ
-بتركد عالبيت...
-وهو بيرجع عمهمتو...
-تاني يوم الصبح..
-عم تتصل عليه ماعم يرد..
-انشغل بالا..
-راحت ناح بيتو..
-ناس متجمعة..
-كلو لابس اسود..
-كلو عم يبكي..
سألت بينا وبين حالها: *شوفي شو صار مين ؟؟
-أسئلة كتير عم تدور ببالا ..
-دخلت البيت بهدوء والناس عم تبكي..
-هنيك بالزاوية قاعدة امو..
*اي هي امو ..
*ليش عم تقتل بحالا وتبكي .. ؟؟؟ شوفي ؟؟ ..
-بلشت تستوعب أنو هوي ما عاد موجود ..
-عيونا بلش الدمع فيون يهر وهي مصدومة..
-سألت صبية بهدوء ..
*شوفي ؟؟؟
-بتقلا : الله يرحمو إبنها مبارح بالليل استشهد صابو قناص ورجعلا محمل..
-بينا وبين حالا صارت تحكي وتمشي.
*ابنا !!! مين ابنا ؟؟؟ لا ابنا حبيبي...وحبيبي وعدني مايتركني..
لا مو صح .. هاد مو ابنا مو حبيبي انا لا ..
-صحيت من صفنتها لقت حالا صارت حد بيتا ...
-بكل هدوء وصدمة طلعت عالدرج ..
ودخلت البيت ..
-بكيت وانهارت بكي كل شي حواليها تكسر ..
-صرختها وكلمة اللا ماعم تفارقها..
-صوتها مبحوح من صرختها ..
-بإيدها سنسال ع شكل نبض القلب وبين النبض( حرفو )!
-كان هدية منو ..
*وين رحت ياعمري ؟؟؟
*وعدتني ماتتركني وين رحت...
-غصت بالحكي وغمضت عيونا ..
-صرخت الااااااااخ من قلب محروق...
-وهي عم تشد حرامها بقوة وطمرت وشا فيه ..!
-مين حاسس فيها ! ؟؟
-فجأة ...
-رفعت راسها بسرعة وقامت مسكت قفص العصافير ..
-قعدت عالأرض شوي شوي ..
-عم تمرر ايدها عالقفص بهدوء..
*ماكنت عم تمزح ياروحي قلتلي رح موت وهاد رجالك بعدي ..
*ياريتا كانت مزحة ..
*ياريتني متت قبلك
-بكيت وبكيت وبكيت وكم اخ ويالله صرخت ..
-فقدتو وكان #وطنا #روحا #مستقبلا #لمسة حنيتا #عصبيتها #رضاها #كان حياتها #كان عمرا
#ضحكتها #دمعتا #حبيبا #ابوا #اما
#ضمتو_تطيرها_للسما_وشو_كانت_تحب_تطير ...
#بعد فترة.....
-صحيت من ذكرياتها ..
-مسحت دموعا حطت نضارتها ..
-باست قبرو بحرقة قلب ومشيت
#ســلــطــانــ_الــســوري.
34 views23:28