5 حاجات استفدتها من كتاب صباح استثنائي بعد الانتهاء من قرائته
١- رنة التليفون بتاعك بتأثر علي مزاجك طول اليوم، تخيل انك تصحي علي رنة بتوتر اعصابك الصبح، اكيد اكيد هتقفل موبايلك وتنام تاني وتقوم وانت مودك وحش.
الحل : حط نغمة بتحبها وبتحسسك بالسعادة.
٢- لما بتكون مستغرق ف النوم وتسمع المنبه بتكون غير مدرك بشكل كامل لأهمية انك تصحي.. وممكن تبيع الدنيا بحالها ف سبيل انك تنام تاني فبتعمل زر الغفوة
الحل: حط موبايلك بعيد عنك عشان تقوم تقفله.
٣- مقاومتك لسة ضعيفة وممكن بعد ما تقفله ترجع تنام.
الحل : اشرب كوباية ماية وخد الفوطة بسرعة وروح اغسل سنانك واتوضي وصلي الضحي
٤- ترتيب السرير هو اهم واعظم انجاز ممكن تعمله الصبح وتشكر نفسك عليه طول النهار، مجرد ما ترتب سريرك هتحس انك مسيطر علي يومك
٥- متمسكش الموبايل اول كام ساعة من يومك، وعوضًا عن ده، افطر واعمل شوية تمارين خفيفة، ولو انتي بنت انصحك بشغل البيت، اكتر حاجة رواق علي الصبح
ألقاكم في كتاب آخر
