مساء الخير طلاب اجه الوقت اللي ننتظره الوقت اللي تبدون تطبقون | The way to excellence ✍️
مساء الخير طلاب اجه الوقت اللي ننتظره الوقت اللي تبدون تطبقون النصائح الحجيتهن الكم بالعطله فأحب انهبكم على شغله وهي النجاح والتفوق مو شي سهل ومن حجيت النصائح فهذني النصائح ما كدرت اطبقهن اله وره تعب واصرار فيعني اني دليتكم ع الطريق وانتم عليكم تمشون بيه وتتحملون مصاعبه لحد ما توصلون لنتيجه حلوه فمو مشكله اذا شخص فشل مره ومرتين وتلاثه مو معناهه النصائح فاشله او هو فاشل لا بل معناهه لازم اول شي يتحمل صعوبات النجاح وشروطه يلا يكدر يحقق النجاح والتميز واكو نصائح من اول مره ممكن تنجح واكو لا تحتاج صبر وتعوّد ومساعده يلا نكدر نحققهه لذلك لازم منستسلم وما نوكف لحد ما نوصل فأتمنى من الله ان يوفقكم في دارستكم ومطامحكم واي شي تحتاجوه اني هم حكون موجود وارد بالبوت على استفساراتكم
