الله يبعتلك حناين ليش الكبار بالعمر بحبوه هالدعاء كتير .. ؟؟!! ما كنت افهم شو السّر بالحنيّة يلي بتخلي إنسان تاني من محبتو فيك من قلبو يتمنالك ياها بس كبرت شوي فهمت ، إنّو غالباً لمّا يكبر الإنسان قلبو بيقسى حتى عاللي بحبهن فَبتصير الحنية أو الرّحمة شي نادر نشوفو الله يبعتلك حناين يعني يبعتلك ناس تكون قلوبا رحيمة و سمحة توقف معك و تساندك بعز الوقت يلي إنت محتاجن فيه ، مو يتركوك بقلب بارد و ما يسألو يمكن هاد أحلى شي ممكن بالفعل نتمناه لأي إنسان منحبو ، يكون مُحاط بناس رحيمة فيه و قلبها عليه هالدنيي بدا حناين والله يبعتلنا حناين
