صباح الخير...... ! ' اعتزل ما يؤذيك' ..... الجمله دي سمعتها | جبر الخواطر
صباح الخير...... ! " اعتزل ما يؤذيك" ..... الجمله دي سمعتها و بسمعها كتير جدا جدا ... بصراحه لما جيت ادقق في معناها اكتشف اني لو اعتزلت اللي هيؤذيني يبقي انا كده هعتزل عالم كامل ومش انا لوحدي بس وانت كمان هتعتزل عالم كامل .. طب احنا ليه قبل ما نعتزل العالم ده مش بنحاول ان احنا نصلحه او نعدل فيه ونصحح اخطائه .. مش يمكن العالم ده كان في يوم عباره عن ملجأ لينا واحنا مش حاسين ... مش يمكن العالم ده ممكن يتحسن بعد الاعتزال .. طب لو جينا نحسبها ... انا لو اعتزلت العالم ده كله وريحت دماغي وقررت اني ابدا مع عالم تاني صدقوني هعتزله !! اه والله هعتزله لان تأثير العالم الاول موجود وسايب أثر عميق جدا ... فعشان كده قبل ما تعتزل الشئ نفسه حاول تصلحه ... لعل وعسى تلاقي شئ مختلف في العالم التاني وتتمسك بيه وتقرر تنسي الاول تماما .....! Yasmeen
