2021-08-28 16:29:18
-بيتوارد علينا كلمة "ملتزم وملتزمه" ولما حد يقولك فلان ملتزم يبقي خلاص ارهابي ويع!؟
طب ازاى اصحح فكرة ان الملتزم مش ارهابي!!
-بأن افهم معنى لفظ "الالتزام" !
اولا الالتزام هو المحافظة على اوامر الله بقدر المستطاع والابتعاد عن نواهيه قدر المستطاع!!.
يعني مثلا الصلاة دى تكون كيانك
-اول ما يأذن تقوم جري للصلاة وكأنك وراك سفر هيضيع منك..ليه!!
عشان الصلاة هى الاساس بتاع الشاب/ة الملتزم وصلاة الفجر بتصلى فجر هاا فجر مش صبح ؟!
المواظبة على صلاة الفجر دى كفيلة عشان تكون ملتزم فعلا.
طيب مثلا ايه تانى!؟
ان اكون بحاول ابعد عن المعاصى وحتى لو مقدرتش اقول يارب كرهني في الذنب دا انا مش قادر.
تحاول تجاهد في ان انت تطيع الله جدا .
طب ذليت وعصيته؟!
يبقي تتوب تانى،ما هو الملتزم مش نبي معصوم يا رفيق .
حقيقة الالتزام..."الكتاب والسنة ".
معاك قرآن امسكه وتدبر ولو آيه واحده ..." أفلا يتدبرون القرآن ام على قلوب أقفالها" ؟!
اللى مش بيتدبر القرآن دا بيكون زى قفل على قلبه والقفل دا لازمله مفتاح ومفتاحه تدبر القرآن.
ايه معنى التدبر؛!
معناها ان امسك الآيه وافضل افكر ايه سيب نزولها ،وايه المقصد منها .
مش أقرأ واجرى من غير ما استفيد!!
الالتزام يعني غض البصر وكف الأذي...اشوف بنت ماشيه اغض بصري واشوف شاب ماشي اغض بصري غض البصر دا للطرفين "نساء ورجال" .
مش اشوف البنت او الشاب ماشي وافضل مبحلق واقول ما هى النظرة الاولى ليك والتانيه عليك!!
لاا انت كدا بتفتح باب فتن كبير،انت لو فضلت تبص لكل حد ماشي بنظرة الاولى يبقي انت هترجع اليوم كله بسيئات!
نحاول نمنع اعيننا عن الوقوع في الحرام،نحاول نطبق سنة الرسول،نحاول نجاهد لحد ما نوصل لبعض من الصلاح.
كلنا بنخطأ الاهم ان احنا نجعل الخطأ دا درس وعبرة للندم ومنرجعش للمعصية تانى أبدا .
الاغانى اول ما تيجى قدامى اهرب منها هروب بشكل مباشر،الغناء دا اساس الفتن والعياذ بالله.
الغيبة والنميمة دول من اشد النفاق في الدنيا ونحاول نتجنبهم جدا .
وبالنسبة للتعلق بأى شئ حرام...فلازم تفوق وتبعد...تبعد بشكل مباشر مع الاصرار على عدم العودة ابدا.
احنا عاوزين الجنة...
فهنطبق التعاليم اللى رسول الله الزمنا بيها واحنا تجاهلناها...!!
احنا غلطنا كتير يا شباب...بس "ان الله غفور رحيم "
يلا نروح لله ونقوله ياااا الله رجعنالك واحنا مش في ايدنا حاجه غير ذنوب وراجين منك المغفرة وانت حولنا وقوتنا وملناش غيرك...قوله ياارب ردنى اليك انا مش عاوز الذنوب،انا لما بكون مع نفسي بعصي،اجعلنى اخشاك كأنى اراك...اشكى لله واوعى تمل.
الالتزام معناه فهمت الدين صح .
ومش محتاج غير ان انت تكون مع الله.
اللى بتحط ميكب وهى خارجه ربنا قال " ولا يبدين زينتهن " واللى خارجه بعطر "أيما امراة استعطرت فمرا على قوم فالتمسوا ريحها فهى زانية" اتغيري وتوبي.
الشاب اللى بيعمل القزع في شعرة بلاش عشان الرسول نهى عنه .
الاتنين اللى بيكلموا بعض في الحرام اصبروا الحلال اجمل .
اللى ماشيه بهدوم ضيقة ورب الكعبة القبر اضيق !!
اللى مش حابه تلبس فضفاض من دلوقتب بكرا هتلاقيه صعب لان انتِ استحللتى الحرام عشان اهوائك .
محدش مننا ضامن عمره،كلنا بنعافر عشان نوصل لله واحنا كويسين .
اللى اذى حد يروح يطلب سماحه لان حقوق العباد ربنا مبيسامحش فيها ومحدش ضامن عمره...!
كلنا محتاجين نراجع يومنا ونشوف اخطأنا في ايه وفي مين...!
ونعزم بكرا بأن احنا مهنعملش كدا تانى .
الجنة جميلة يا شباب وعاوزين نلتقي فيها... .
بلاش نخسر الجنة عشان لحظات الدنيا الفانية .
بلاش نستحل الحرام عشان منضعفش قدام االكبائر ونحللها كمان .
بلاش ننظر للأماكن اللى مفيهاش حد بأنها محدش شايفني فأعصي عادي فيها...؛!
لا مفيش مكان ربنا مش موجود فيه .
بلاش ويلا نتوب ونرجع لله.
فاتتك صلوات صليها.
قصرت في حاجات كتير اجبر نفسك وغير منها...
محتاحين نفوق من غفلتنا دي...
بلاش ذنوب من انهارده...
قلها بقلب صادق:-
"ياااارب اهدنى الصراط المستقيم"
#حقيقة_الالتزام_الخوف_من_الله
#آلاء
🜝 @OYKOwner
🜝 @gaintoflearning
🜝 @black_o_man
163 views., edited 13:29