ليلة القاسم ع ........ وراك. مو ماي ذبيت الشمس وراك. بلفاتحه | ديوان (في سبيلك) بشار السامي :شعر منبري
ليلة القاسم ع
........
وراك. مو ماي ذبيت الشمس
وراك. بلفاتحه امبدله العرس
وراك........ وراك
..........١..........
كل ضوه من الماكو يبدي وانت بادي ابطني نجمه
ياكمر هل عندي شارب وكملت من كتلي يمه
تالي يتوذر خيالك بلطفوف ومن يلمه
انت من دون الفصائل زائد حسين اسمه دمه
اطيح. يم دمك الظايع وطن
اطيح. يمراية اوصاف الحسن..
وراك.....وراك
...........٢........
مدري ياهو المنه طايح انت لو كلبي التكطع
انت ميت مره وحده وروحي الك كل ساعه تطلع
يبني موعيني برحيلك حظني صار عليك يدمع
ومن كثر ماكلبك ابيض جروحك من بعيد تلمع
انوح. واتكلب انه وجثتك
انوح.. بلدمع صارت زفتك.
وراك.....وراك
............. ٣..........
ياغصن ساكيته روحي يبني انطرك يمتى تكبر
تكصر سنيني على جرحك والعطش بالخيمه يكثر
تراب البجرحك شيطلعه وانه اكوم وبسمك اعثر
من الطم يوليدي بعدك مدري بضلوعي شتكسر
يريت. الموت اليه ومو الك
يريت. بلموت روحي تبادلك.
وراك.....وراك
........ ٤..........
وين ماحط روحي لجمه وانت كلما جاي تذبل
هيل وبموتتك مونه الهذه بس بلموت تكمل
جرحك بكد روحي واكبر بس جرح مومال ينمل
وكفت الحنطه على طينك جنت بس الفركه منجل
اصيح. ظميتك التالي الكبر
اصيح. ماخذني ياريت الكبر..
وراك .....وراك
.......... ٥...........
ياخاطري الميت كسر ياطولي المحدب فكد
صيف الطف اتكتر وفه من اطلعت جبت البرد
هزيتهم هز النخل يطيحون يمك من تهد
انطيني شي من وجنتك جا بلسبي بيمن ارد
اروح من بعدك بدرب اليسر
اروح.. مجتوفه بحبال الكفر.
وراك..... وراك
..............
بشار السامي
