استشهاد الامام السجاد ع .................... ماتوا هلي وبس ان | ديوان (في سبيلك) بشار السامي :شعر منبري
استشهاد الامام السجاد ع
....................
ماتوا هلي وبس انه
وي عمتي العطشانه
عافوني كلهم وين الاهواه.
ماتو هلي وبس انه
...........١..........
متغرب بديرت عطش بيهه العرف ضاع
مجتوف وبيش انتجي لوطحت علكاع
ثكل الحديد بركبتي ويحزهه كل ساع
ياوسفه بمتون الرمح مايرهم اذراع
انه الملگه والشيخ انه ابن المضايف
ويضربوني مجتوف انه وبيش اشاكف
عمتي انسبت كدامي
والدم وصل لجدامي
كل لجمه بيهه اتصيح ويلاه
عافوني كلهم وين الاهواه
ماتو هلي وبس انه
................٢..............
جسمي صفه بضعف الرمح بس دمعي متروس
يحسبوني راس على الرمح لو حسبوا الروس
سومر بياض اعيوني شو من حر الشموس
هوه انه ادري اول غصن يمشي بوسط فوس
لمن جابو حبال ابد ماعفتهه
بحبل عمتي زينب انه الي جتفتهه
الدنيه دارت بيه
وجتفت جف ارقيه
انه البجه مو دمعه عيناه
عافوني كلهم وين الاهواه
ماتو هلي وبس انه
............ ٣..............
ذاك الضوه بسن الررمح ذبلان الاوصاف
جن طين خلوه بشمس متفطره الشفاف
وجفوف زينب عمتي خاواهه الچتاف
زينب البيهه ينحلف ياوسفه تنشاف
اذب روحي علكاع يريدوني كوه
يضربون الاطفال وانه بلايه قوه
وحافر نظرته بعيني
بي اثر دم حسيني
انه العليل الكيده اذاه
عافوني كلهم وين الاهواه
ماتو هلي وبس انه
...........٤................
زحمه لهسه املك جسد والگمر بس راس
بلفي نبت راس السهم موعين عباس
كلهه على زينب عمتي شو تنظر الناس
من بعد ابو فاضل صفت مابين الارجاس
شبه طلعت الروح وشعور المنيه
دمع فكد اللعزاز كل مغربيه
بطول يتلكوهه
شمسويه ويأذوهه
تعاين لخوهه اليبست اشفاه
عافوني كلهم وين الاهواه
............. ٥.............
شدوا رجل طفل بطفل ال مايرحمون
خاطر يجرون الحبل وكلهم يطيحون
ظلت تطيح من الجلد بلگاع المتون
وتراب من كد العطش ظلوا يشربون
الطفل يشرب ادموع ودمع ماكو عنده
يمد شفته كل ساع تدور على خده
كل موقف انه اتهدم
كلهه تصيح ياعم
حال العطاشه كلبي چواه
عافوني كلهم وين الاهواه
................ ٦.............
يحدون بلگيد العلي كل مايگعدون
حتى انه تنحز ركبتي كدام العيون
شسوينه خاطر ننسبي منه شيريدون
حفاي من بلد البلد بينه يفرون
ولان خشنه الحبال نزف جف رقيه
وسف بنت الحسين صفت خارجيه
غير الدمع ماعدهه
فكدت حظن والدهه
يذكروهه كلما تغفه بجفاه
عافوني كلهم وين الاهواه
....................
بشار السامي
