2022-07-20 19:46:15
نزله علي الاكبر
....
من الخيم. فارس هجم. نار وشرار بوجنته
ذب برگعه. و ل الله اندعه. ظلمه الشمس يم شامته
اي هذه الاكبر ياناس للحرب شد احزامه
........................
نازل. شايل موسيف ايمانه
ذلهم.. اركبهم. لجفه عطشانه
من الضوه مكحل العيون مرايه طالع خياله
عمه سكاي الخيام هذه يصعب قتاله
النهر شافه عطشان خله طينه ومشاله
دمكم نشف. لمن هتف. موت وعلى الطف معتلي
ياسائلي. انا علي. ابن الحسين ابن علي
بجروحه غيرت عباس فنه الوصل لخيامه
اي هذه الاكبر ياناس علحرب شد حزامه
............ ٢............
رمشه. يفرشه فيي علخيامه
شعره. كمره. ليل اباحلامه
شذره فص عينه فيروز مايكوم اليصدهه
كربله بسم الحسين وابنه الاكبر حصدهه
ظربته ماكو ميزان كفه صار علكدهه
شايل شكل. ماينحمل. من كد جماله وهيبته
لمن طلع. بغانم رجع. ايجيب الثكال بطكته
من برز ماظل رجال بلحرب شايل هامه
اي هذه الاكبر ياناس للحرب شد احزامه
............. ٣...........
غتره. خظره. لفهه على زلوفه
شردوا. لبدوا. من طكهه اجفوفه
صاحو بطاهه هلشاب عنده كلش توارد
احنه ماشفنه شلال بلحرب مهره صاعد
ياعطش شويهب صار لوهجم هوه بارد
صاحو سوه. انحارب ضوه. من يقترب نفكد نظر
سد الدرب. خلصوا گصب. يم هيبته الجيش انكسر
والشمر ظم روحه وصار يتحجج بالامه
اي هذه الاكبر ياناس للحرب شد احزامه
........... ٤............
اتسرفن. دخن. شيفظ اعناده
ترجل. زلزل. والروس امراده
علنخل شمر الروس صم تراب وشمرهم
كله يتلمس الجيش يمه فكدوا نظرهم
طكهم بكاع الطفوف كامو وهم سطرهم
دك لافته. انه الفتى ابن الغريب الهاشمي
قاضي الحرب. لمن اطب. يحكمهه بلحق صارمي
بلرمل ظموهه الروس صارو شبه نعامه
اي هذه الاكبر ياناس للحرب شد احزامه
............٥............
يسطر. يشطر. نصين الاحه
فرهم. ذرهم. من فوك اجناحه
صاحو دخيلك حسين رجع ابنك خلصنه
صرنه جن قطعة قماش بيد الاكبر يكصنه
منه جيه تلبد الروس ظل تراب بكصصنه
من اعتنه. كلشي انحنه. القائد رجع باخر سطر
نصهم بجوا. واتوهمو. لامو علي هذه الكمر
قباض الارواح وياه يمهد الدرب كدامه
اي هذه الاكبر ياناس للحرب شد احزامه
..................
بشار السامي
ملاحظه.. ذرهم من فوك جناحه
(الجناح) هوه اسم الفرس الخاص لمولاي علي الاكبر ع
1.2K viewsedited 16:46