((الليالي الزينبية)) وين چنه اوين صرنة أطشرت ذيج المحنة هسة ي | قصائد منبريه مكتوبة2

((الليالي الزينبية))

وين چنه اوين صرنة
أطشرت ذيج المحنة
هسة ياوسفة يخوتي
كلمن بديرة اندفنة

ياحيرة عذابي بالدفن حيرة
وانه بديرة ابد ماتعرف الغيرة
يا عازة اخوتي الكلش جبيرة

القبل جانو ,, لو صحت يتراكضون
بگاع غربة ,, بعد ما ظنهم يجون
بلا گرايب ,, تالي غمضت العيون

آه يا لوعتي ,, آه ياحسرتي ,, آه ياغربتي
____
من عفتهم بالترابة
كلمن احتار بعذابة
وانه من عزي ودلالي
سحگة جدامي الخرابة

عفتهم بالترب وابتدت آآهاتي
من درب السبي وذيچه معاناتي
لحد جنازتي ما طفت حسراتي

بالترابة ,, عفت جم غالي ع روحي
ياهضيمة ,, نحت حد ماخلص نوحي
هاا يخوتي ,, ما يلچمنكم جروحي
____
شحچي موتتني السوالف
جدمي من الغربة خايف
بيدي من ماتت رقية
ويلي من ذيچ المواقف

يحسين السوالف ظلت ابالي
چم غالي الك داريته چم غالي
بس انه بغربتي ماشفت حالي

من عتابي ,, خوية خاف اجرح دليك
لچن جانت ,, كلفة ياخويه وصيتك
بس عطاشة ,, ماتو اعذرني دخيلك
____
بغربتي عافوني اهلي
وغيرتلي الغربة شكلي
والشمس كسرت عليه
روحي طلعت ويه ظلي

مشيت بلايا رآية وكافل ظعوني
شمس الظهر كلش غيرت لوني
لو شفتوني هسه ما تعرفوني

مو هذيچ ,, التعرفوها من العباية
غيراني ,, دربي وجروح السباية
حته اخوية ,, گال عني ياهي هاية
____
والله ياخوتي مصيبة
قصتي صارت رهيبة
انه بالتابوت و اسمع
وين اهل هاي الغريبة

لا يوم الدفن لا بأربعينيتي
اشوفنكم تجون لغربتي أمنتي
يوصلكم سلامي جانت وصيتي

هااا يخوتي ,, ذكرياتي حسرة النه
گرب موتي ,, وما شفت واحد تعنه
وانه اصيحن ,, وين چنة اوين صرنه
____
حسين علي التقي
قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4