من محرم كظن عشره ...بس بقت بالكلب جمره افزع بكل لحظه انام ... | قصائد منبريه مكتوبة2
من محرم كظن عشره ...بس بقت بالكلب جمره افزع بكل لحظه انام ....تعرظ بعيني الخيام من محرم ...من محرم __
اويلي امصيبت العطشان..ابد ما مثلج امصيبه بالي اشما سرح لبعيد... على الطف مدري شيجيبه واشوفن حرمه ما ادري... وحيده ويمكن اغريبه
اخوان ما عدها واهل .... متعوبه بت خير العمل يا ساعه يوصلها الاجل من محرم ...من محرم ____ اتخيل والدي ومذبوح...واجزع واترك المنظر اريد ارجع اشوف اردود..لكن والله ما اكدر رقيه اشلون راس حسين...شافت وبدم المنحر
اخيال اكمل مكدرت ...لكن ارقيه بطشت كون ميت ما عشت من محرم ....من محرم __ لو امي بجمر تعثر ...ويفزعها صوت الخيل مجرد ما اتخيلها... اطيح وما يضل بي حيل الله يساعدج زينب...وحدج نص ظلام وليل
شامت ايذكرج باخوج ... حرمه لكن ركضوج بالحجي اللاذع جووج من محرم ...من محرم ____ ياهو اليقبل اباخته ... تطب امكيده للسوك الشامت مو فقط محبس...اصبع من اخوها ايبوك العزيزه وعايشه ابعزه...على الذله ابد متلوك
ياهو من عدكم قبل...تمشي اخته ابلا اهل كون يا خذنه الاجل من محرم...من محرم _ ازغر واحد ابيتك ...اتخيل لو يودونه يشرب ماي يتروه..يشرب ما يخلونه ابركبته الناعمه مثلث....عطشان ويذبحونه
يا بشر ما تنعقل ... بالسهم صابوا طفل لوحه لكن تكتمل من محرم ...من محرم __ ياهو اليرضه نسوانه ...تطب بين الزلم كوه ابد ما تقبل الغيره...واصلا هيه مو حلوه لو تدرون يا وادم... يزيد ابزينب اشسوه
طبباها ابنص زلم .....سمعت انواع الشتم درس سوت بالعزم من محرم ....من محرم _____
#لاتنسوا_صاحب_الزمان_من_دعائكم قناة الرجوع الى الله @h_ameer1 قصائد منبريه مكتوبه @h_ameer2 مجالس خادم الحسين @h_ameer3 قصائد حسينيه مكتوبه @h_ameer4
