قصائد منبريه مكتوبة2

2021-04-24 05:26:21 حسرة يتيمه

دار الاهل اضلم صفه يالضاوي جنت اعليهه
والبيت احس جن مگبره جي والدي مابيهه

فگد الابو يكسر ضهر
وانه اتعبت من القهر
جي والدي مابيهه
--------------------------------------------------
دار الاهل اضلم صبح من راح حيدر عني
ابوجهي مرسوم اليتم بس الهضم كاتلني
الماعاش حرمان الابو اعله النوح لا ليذمني
الراح من عندي علي وين الذي يفهَمني


گلي شسوي للگلب لو يوم راد اعزازه
يوميه الغروب اختنگ بنتك تصير اجنازه

من المشو مامش خبر
وانه اتعبت من القهر
جي والدي مابيهه
----------------------------------------------------
دار الاهل وحشه صفت بس الدمع يبرالي
واشعنده وياي الزمن يوميه اودع غالي
جرح امي لسه ابمهجتي جرحك علي شل حالي
حيد العرب راسه انطبر وانه الهجر جتالي


ابنيه وصعب فدگ الابو اوبحلامي انطر ملگه
ورده وگصه بيه العطش ترويني منك شبگه

من الحزن گلبي انفطر
وانه اتعبت من القهر
جي والدي مابيهه
-------------------------------------------------------
يادار اهلنه اشگد حلو من جان حيدر بيهه
جانت الفرحه ابكل كتر لمن يطب راعيهه
من هد عليِّ ذاك الفجر والدنيا مدري اشبيهه
حتى النفس صاير جسر وبريتي ضل يجويهه


من يوم طبروو هامته والنوم فارگ عيني
راح الضوه من السلف من راح ضي اسنيني

ايامي بس دمع وسهر
وانه اتعبت من القهر
جي والدي مابيهه
-------------------------------------------------------
بالنومه ماصار الحلم باليقضه صاير حلمي
طوله ارسمه ابخاطري ولگاه واگف يمي
اركض عليه ابلهفتي وتعثر انه ابهمي
اشبگ المامش من افز شو والدي مو يمي


متعوده لحضان الابو هوه إلينيم ابنيته
يوميه اموت ابحسرتي ع الصعبه صارت جيته

من ونتي ذاب الحجر
وانه اتعبت من القهر
جي والدي مابيهه
------------------------------------------------------
بالباب يوميه انتضر من جفه انطر دگه
ممصدگه عن عيني مشه وهجي تصير الفرگه
ياروحي بطلي لوعتج للراح مامش ملگه
ورجع يتيمه كل مسه وبعبرتي مختنگه

ياعني كفي دمعتج الراح ما يرجعلج
المات ميرده البجي اولافرحه تكتل حزنج

صار الجره شاء القدر
وانه اتعبت من القهر
جي والدي مابيهه
---------------------------------------------
علي سليم الحسناوي
قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-04-24 05:06:44 ماذا تعرف عن هذه القصيدة

باز کردن / نظر دهید

2021-04-17 18:35:04 الامام علي علية السلام بين الحرب وحُكم الدولة....

فــرو يتعاله النداء
علي للميداني جاء
طبها شـــــــــالع بابهه وكاسر گفاها
علي شـــــيخ الدنيا مايركض وراها
گام يفتر بيهه ريــــــح الله ويردهه
ادخيل چفه العشره عالعشره لواها
علــــــي بالعركه رزن.....وطگته اتوگف العقل
علي هوه ابو الحسن.....لا يمــــــــل ولا يچل


علي حيـــل الله الثگيل
يشمر الخيل اعله خيل
اضهورهم مــن يجبل ايموت بزرها
طلّع الفقار مگـــــــــــبل من ضهرها
كل حرب والهه علي وما الهه غيره
اصگور هاشم بالحرب محد گدرها
علي ياگول وفعل.....يرگع بسيفه ويشگ
باب خـــــيبر توّبه.....بعد گــــــالو ينطبگ


علي يا اول آمـــــــير
فارش ابيته الحصير
علي ابحُـكمه رادو ايكضون لزمه
شبر واحد ما لگــو مكتوب بسمه
غير مالات الله ماحـــــط ابشليله
علي متعـدي الرجوله وفاق علمه
علي ينــــقاس بنبي.....هوه الاول والاخير
وين اكو واحد غني.....ويفطر ابيت الفقير


غيره ما الـــــهه مثيل
علي ماينطي الدخيل
والحميه براسه تحـــلف والشهامه
علي سيد عالعرب حــــــد القيامه
ماكو خد ابوكـته ما مر اعله چفه
علي ياكشخة محــــــمد واليتامه
من يفر ابســــبحته.....الگاع تفتر بالزلم
علي اشجابه للعرب.....يمه فارسهم قزم

شاكر الصيمري
قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-04-14 05:42:26 باز کردن / نظر دهید

2021-04-12 18:45:00 شفت المهر مـايل      وتمايلت فــــــوگه
اوگف يبعد اختك    يحسين لاتـــــوكع
شفتك يدفعــونك    من كثرت اسهامك
ابطيحتك تـــدري     ياخويه راح اطلع
من الخيمه طلعــــــتي الياكتر
دير عيونك على اخيام الخدر
بلكي اتشوفك رقيه وتنـــتضر
أجل موتك يحرگــــونه الضهر

خويه حسين ياخويه

لو حيلك ايعيـــنك       اتحمل اصـــــوابك
ودير المهر صوبي       ورجع يبو اسكـينه
اوميلي بالــــــرايه       بعدك عدل خــويه
لو طفو اعيــــونك      ليش اگـطعت بينه
ميت خويه لون بعــــــــدك عدل
الله ايعينك كثر رمـــــــــي النبل
ثگلت جدمي وبده ايزيد الحمل
اخيامك ضلت حبل يگطع حبل

خويه حسين ياخويه

حرت امشي للحومه      وخاف انته ماميت
واختك يشــــوفوها      واتموتك الطــــــلعه
بين العده وبيـــــنك       محتاره شيجــيبك
ردت اعرف شــلونك     بس چفــــك اترفعه
صارت فزعه وگلــــت ربي شكو
وحده ابنصهم عليــــه داير عدو
صحت اعليهم ترى ماعنـده اخو
وين الگـــــــــالك گمر يفزع منو

خويه حسين ياخويه

اسمع حــــــوافرهم       وما اسمع الصـوتك
اتراب ويعج فوگـك      وماشوفك اشصاير
يبن امي رد مهـــرك      ماجابك اشــــــماله
واتلگـــــــته اسكينه      مكسورة الخـــاطر
جاب ابضهره طرف مـــن الهدم
منك عابر على اگــــــفاه السهم
امسح عينه وتصــب اعيونه دم
وين امضيعك ترى حيلي انهدم

خويه حسين ياخويه

هدو على اخيــامي والماحــــــرگ بيـده
يشلع تراچـــــــــينه ماكفّته اهدومــــــك
دنيا ولفـــــــت لينه وگاع الله بس هيمه
لو بيك احس گومه چا نركض انگـــومك
كلشي اگبالي اشوفه مــو صدگ
معبر صارت ضلــــوعك للسحگ
بيمن نطفي الخيم مـــن تحترگ
الحرمه التركض يخويه تنسبگ

شاكر الصيمري
قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-04-12 10:49:25 حسين ابفضلك شفت الخير اللي ماشفته
مشكور شكد راحمنه الله بفضلك انته
الله ايديمك يا محبوبي....... يالبيك ايغفرولي اذنوي
_______________
مُذنب وسوولي اهل السوء واهس
الناس تترس خير وانه اذنوب تارس
بس ارد وارجع واكولن واني جالس
ينمحن لمن اروحن للمجالس
ابدمعي اعليك امنكع ثوبي يالبيك ايغفرولي اذنوبي
_________
من ارد لخيرك ابسوء انهضم
فوك ذنبي الما يكفيله رقم
حته تمحي اذنوبي احاول باللطم
كل قوتي مو للحم اوصل للعضم
شما كثرن تمليلي اكلوبي يالبيك ايغفرولي اذنوبي
_________
زيني كطره وشيني لو ينعد بحور
باجر امنيمرني موت ابياهي اطبن للكبُر
هاذ ضني شما اريد ابحث وادور
ذنوبي سوده ابمجلسك يصفن بخور
شكرا يالساترلي اعيوبي يالبيك ايغفرولي اذنوبي
__________________________
عاشكينك لان مُذنب بالملا
لو يجيك تسامحه تكله هلا
وتستر اعيوبه وتضمه امنالفلا
وانت ضامي وطايح ابنص كربله
ساترني بصيتك مو ثوبي يالبيك ايغفرولي اذنوبي
_______________________________
مثل كلبك يالحنَين وين اكو
صايرنه اخوان عم وام وابو
الينصه لاجلك انته تطيه العلو
الوطن مُر وبس عزائك بي حلو
بالمحشر بس اشر صوبي. يالبيك ايغفرولي اذنوبي
_________
#علي_نبيل_الكربلائي

قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-04-11 19:04:57 عباس ياجمال عيونك
عباس كلهم يهابونك
خزرتك جتاله
من تصد خياله
يا جمال عيونك
...................
موت الاحمر كلها تدري لو ابو فاضل نزل
من نزل سرفن اردانه هذا تربات الفحل
سيفه باليمنه تلامع للخدر هذا كفل
يسرته تكتب قصيده حسين نص المستهل

ياهو يلفي كباله
من يصد خياله

ياجمال عيونك
ياجمال عيونك
...................
شرعبت عنده الحميه وهوس بخاجيته
صعدت الغيره عله راسه من شمر جفيته
خله عسكر بني ميه لسه ساكت صيته
صفكت هاي الهواشم كالت اله تعيده
عاد صولت حيدره
هذا سبع الكنطره

ياجمال عيونك
ياجمال عيونك
----------------
من خل ليها كفيلي الموت نازل جادة
صيح عله الجيش صيحه شرداها القادة
تونست هاشم لبنها وهوستله السادة
تونست كلها عمامه الموت هو مراده

مراد هاي الوادم
ينطي كمر هاشم

ياجمال عيونك
ياجمال عيونك
@@@@@@@@@@

من برز كافل خواته خله بيهم خوفه
زلمه منهم فنه يدنه فنه يرفع شوفه
يرفع جفوفه كفيلي يشمره عبر الطوفه
هذا بن بدويه تدري معدلات جفوفه

من رسوم خياله
شردت الخياله

ياجمال عيونك
ياجمال عيونك
@@@@@@@@@@

والنعم من الكفيل وغيرته وناموسه
شاهد حسين وتناخه نخوته المدروسه
لن جمع خوته غياره وصاح عالي بصوته
هوس الكفال بدوي خلي نسمع هوسه
اهو اهو
الشط لجدامج زينب
جابه يسحول بيه

---------
كلمات خادم المنبر
ملا ابو رقيه الفاطمي

قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-04-10 18:33:03 جنون يادين المـــــــــــواكب
جنون فرض الخدمه واجب
هاك اچوي گلبي بالخيــــــام
واجروحي ارزقها جرح شام

هاي عيوني وحط بيهه امصابك
كون احساسي اتوضيه بــترابك
ماشايف بالدنيا بــــــــس خيرك
ياسر گلبي المدفــــــــــون ابابك

ياحزن غطى اسنيني
ياحزن تارس عيـــني
ياحزن من ابچــــيلك
ياحزن يحله اونيـني
_________________

ضياع دنيا ابلا مـــــــأتم
ضياع چنه وصرنه اوادم
الماعاشگ خيـــــمه فگد راي
الماحب الجربه شـــني الماي

لاتحسب روحك شايل شيــــمه
لو ماتحرگ گلبـــــــــك عالخيمه
عيش عيشة ذاك البلبـــــر هايم
شاب المهدي وشيب من ضيمه

كربله جرح الساده
كربله ذبحت قـاده
كربله الرايد دمــعه
كربله بيهه امراده
_________________
هيام يادرب المجـــــــالس
هيام شيخ الخدمه عابس
يامالك روحـــــــــي والعيون
فدوه امتوني المتن ام عون

ما ادري ابعابس شنهـي انطيته
بس ادري اتگطع مــــــن جنيته
وين الله وتاخذ بيـــدي الايدك
يامحلاها اليلگـــــــــــاك ابنيته

سيدي سر دمعـــاتي
سيدي وياصفنـــــاتي
سيدي بس مرضاتك
سيدي كل دعــــواتي
_______________
حرام ماتنزل دمعتي
حرام ياسيد نعمــتي
ترخص لحسيني شكو ادموع
واسهر كل ليلي بچــــي ولوع

من نسمع بالخيل ايسحگـــونك
كون اضلوع انثــــــوب لعيونك
ليش انفاسك خنگـــتهه الوادم
هوه انته المفروض ايشمــونك

تنسحگ هاي الكــسره
تنسحگ يبـــن الزهره
تنسحگ واليتطـــشر
تنسحگ ياهو ايجبره
_________________
غريب واليعشگ غربتـــك
غريب يرفع صيته بختك
عاشرتك عشرة وحــس بيك
تقبلني ابعيبـــــــي شجازيك

مو حگي امن الطم وعمي الناضر
حيل يلچمني شما اســــمع عاشر
انه الفاگد شيخ وكـــــــــــل بيته
عاش محبوبي وتبـــــــــاً للحافر

والرمح بيــك اتعله
والرمح محــد مثله
والرمح من شيباتك
والرمح شيّــب كله

خادم القصيده
شاكر الصيمري
قنوات مؤسسة فاطميون
قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید