قصائد منبريه مكتوبة2

2021-12-22 13:27:26 ((كل عام))



كــــــل عام وعـيوني تحــب عيونك
كــل عــام وأصل الخير من ماعونك
مرت سنه ومـــاخــادم بــــكل حيلي
هاي الـــــسنه مـجنون اصير بعونك

فــاتت مـن حــياتي سنين وأيام
وأنه ماوذرت روحي أعله الخيام
بس گلبي انـفطر يم باب الجروح
من شفت الدرب ومسومره الشام

من شفت الهزايل ودرب بـالنوگ عايـــل
مايل ليــش وياچ الزمن يـَ أم عون مايل

يــــاشــامهم بي خايف الليل
يــــاشــامـهـم مايعرف الهيل
سوگ وشماته الشام متروس
يبدي بخرابه ويـــنتهي بويل

كل عام أخدمنك
كل يوم أخدمنك
كل ساعه أخدمنك ... كل لحضه أحبنك

*********************

كل عام وآنه امجلسك تلگاني
كل عام وآنه اموكبك عنواني
ما ابتعد لحضات من دمعاتي
كل عام مشايه وفــلا تنساني

بس انته الوحـيد الضال وياي
عافتني يسرتي وحـتى يمناي
أحبك ماوراء الحب يالحسين
احبك والشمس صرتلها الفياي

شمس تصهر وجنتك وركض زينب أجتك
تگلب بيك وتــصيح يـخـويه مـا عرفتك

وشبيها الحوافر تسحگ اعليك
لَون بيدي يخويه بگلبي أخليك
راح اركـض وأطــفي النار بالنار
راح اركض ومتني ألي يواسيك

كل عام أخدمنك
كل يوم أخدمنك
كل ساعه أخدمنك ... كل لحضه أحبنك

*********************

كــــل عــــام وانـته ودمـعتك مذروفه
كــــل عــــام وچــفوفك تلم بـچـفوفه
عالشاطي وإيدك عالضهر بس شتگول
وعشـگك تـشوفه بــيا جــرح وتشوفه

حيره ومن ترد شتسوي شتگول
أحزامك فله من ضـهرك يمدلول
وگـلهم عــالنهر خــليته مطروح
اخوي وعالنـهر خـليته مكــتول

أخوي بعينه نبـله المخيم شنهي أگله
اذا لاگتني العيال بـعــد يـــادمع أهله

بلــــوانهم بــات العــطش بــات
بـــعيونهم محـــبوسه كــــلمات
بنضراتهم خوف أعله من خوف
بچـــفـوفهم طلعـت حــــرامات

كل عام أخدمنك
كل يوم أخدمنك
كل ساعه أخدمنك ... كل لحضه أحبنك

*********************

كــــل عــــام وأنته وزينـبك مهيوبه
بـــس يــــاهضيمه خيمــتك منهوبه
كل لحضه نبچي أعليك بچي الفاگد
كـــل عـــام كــــل خادم يشگگ ثوبه

اذا مـــو أنته مدري الخدمه لاوين
ومـــدري الناس هاي منين ومنين
مدري شلون عــشنه شلون ميتين
فاشل عمري اذا مو خدمةّ حسين

العمر من دونه فاشل وحگ ذيچ المهازل
ولا أحـسـبها الايـــام مثــل عـمر السنابل

بــسنيـنه مــعــدومه الايام
بــــعيونه بـيــبان لــلشـــام
بخدودنه دمعه وجرح حار
بـــرواحنه تــــلگاها الايتام

كل عام أخدمنك
كل يوم أخدمنك
كل ساعه أخدمنك ... كل لحضه أحبنك




عبد زينب
محمد الابراهيمي

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-12-22 13:27:26 هاي الحقيقه المفروض نأكد عليها ونقره

هاي الحقيقه وخل عدل نفهمها
موصدفه عالزهره هجم ضالمها
ولا ماعرفها وبالغلط هاجمها
قاصد مع سبق اصرار ومخطط لهالفكره

هذا الحقد من الغدير اتجذر
من شال ابو الزهره اصابع حيدر
جم واحد من الغيض وجهه اتغير
الماواصل لكلبه الدين تكدر الدنيا اتغيره

غيره وحسد عدهم والعقول ازغار
والجاهل امن اهل العلم دوم ايغار
يكرهونه جي هدم صنمهم هالدار
شتترجه من هيج عقول تعبد صنم من صخره

لو رايد اتعرف الي هجمو عالباب
روح اقره عنهم بالاصل والانساب
خلة رحم تلكه وعفونة اصلاب
وهالميزه من الله اتصير لكلمن يعادي العتره

هاي العقيده وبيهه رد الساني
الهجمو اضل ابغضهم وعدواني
شُلّت يمين الاول ويه الثاني
وماجامل ابهذا الراي اكره الجاس الزهره

لتغرك الناس بأسامي والقاب
عدوان والتاريخ سمّاهه اصحاب
صدِّيق اسمه وهو اكبر جذاب
والي تسمه الفاروق حفرة جهنم كبره


جلمة وان اول فتاوي المحنه
مصدر للارهاب واصل للفتنه
واعله الحجاهه من الله تنزل لعنه
كل الظلم والعدوان من هالحجايه الكشره

الماعنده غيره ابلا رحم يدفعها
ولا جنهه بت المصطفى ويصفعها
يشعل ابناره كاصد ايروعهه
ويسند عله ضهره الباب خاطر تزود العصره

واحد ابسوطه وواحد ابكعب السيف
التمو عله ام الحسن وسفه وحيف
داسو حرمهه واعتدو اهل الزيف
ولومه الوصيه الكرار من يوصل لحد خدره

مهدي عباس الهلالي

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-12-22 13:27:26 من وراءُ البابِ فاطم خطّت انواعَ الانين
ليسَ للأضلاعِ كانت  إنما تبكي الحُسين
____________

جانت ابكلشي الم..؟
ترسم حسين وخيم
وابتدّت بوداع ابوها..من لگوها... تبجي دم

ورسمت ابكل المنع.؟
حسرة الحاطه الجمع
وحاربت رغم امنعوها...وحاربوها... اعله الدمع

داست على احدود المنع وعاش بنصر رثيها
وما هوّنت عل الينذبح ولا خَف ابد بچيها
وشرحت شنو معنه اليحب؟ خوف ابصدى نحيبه
وعنه يذب مو بس عُمر  بكلشي صدح حچيها

اشحال ابنها الي تحبه  باچر ايذبحه الهجين
مايضل ضلع ابچيها     إنما تبكي الحسين....
_____________________
ناحت الــ_قلّت أدب ؟؟
من خلگ سوّت عجب
وداسو ابچلمه قدرها.....والعبرها .. هذا سب

وحسبت احساب الابن..
ذبحه يبدي امن الـ وأن
اهنانه حطت حيل اديها.. عن وليها... وبس تون

خلوا ابن عَمي حچت لا اكشفُ الدعاوي
عرفت اذا جاسو علي يلوح الابن نعاوي
انطگت لجل يبقى الولي هو الولي اعله ناسه؟؟
وما تنسبي رادت ابد  بيد النذل عِلاوي؟؟؟

والسبي يصبح لبنها  ذبح ثاني امن الوتين
وللـ وإن ماتبچي چانت...إنما تبكي الحسين...
______________________

بنص غدر وادم حچت..؟
چلمة الحق والبخت
وگالت ابنكر الولايه...اطيح رايه... شما علت

والسقيفه بكل زمن...
تكسر ابگلب ام حسن
بدّو گالت من خيالي..ويصفه تالي... اعله الظعن

صاحت على غاصب فدك.. اترك وطن حنيني
ولا مو الك هاي الارض...ارض العلي وبنيني
رادت تضم گاع وضِمه اتذبحه ابخلك سواجي
خافت يضل باچر غرب ظعن الولي الاميني

جانت اتحاول بديها  اتقلل الغربه وتعين
وما بچت غربتها فرداً....إنما تبكي الحسين

____________________
قبل كل اهل الدمع....
تبچي رادت منصرع
يمها يبچيها وتشوفه..تحب چفوفه.....  وتنفجع

دمعتّه اتهد الگلب...
توگع وترسم غرب
وامه لدموعه تهم....لكن تشم..دم وترب

طاحت خلف باب القهر..لكن ظهر ضَناها؟؟!
بهيئة جسد داسه الفرس وإنهد ركن هواها
ابوقت الرفس شافت خنگ..يفتر على التحبه
 وضلت تهِل دم و دمع وانسد نهر ضواها

وصاحت ابظلمتها وينك ياغصن روحي الحنين
لا لجل عتمتها ناحت......  إنما تبكي الحسين
_________________
ابطيحت المحسن بچت
وعن رضيع الطف حچت
وگالت ازغار الهواشم...جرح دايم.. وانتچت

عرفت اليفگدله ابن
وبعد ما مالي الحظن
هذا مات ابلايه صوته...ومايفوته... اي حزن

اهنانه اترِكت (احسين الابن) وعافت بچي لرِبيعه
وناحت على( احسين الابو) من يدفن ابرضيعه
عاشت  ألم هذا الدفن    وناحت لبنها اليعيده
ام وابنها ابحظنه ابن  غص ابسهم فجيعه

ما اظن يخلص حزنها    لا ولا تنسى الحزين
البچي العاش اعله محسن...انما تبكي الحسين...
.....
...
..
علي قيس الوريد

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-11-27 10:26:55 الليله باز کردن / نظر دهید

2021-11-26 13:49:19 كروب الباقيات الصالحات للحالات الانسانيه ومساعده الفقراء نرجوا انظمامكم لاجل لمساهمتكم في التبرعات والمساعدات

@rhma2021 باز کردن / نظر دهید

2021-11-26 13:03:42 كروب الباقيات الصالحات للحلات الانسانيه ومساعده الفقراء نرجوا انظمامكم لاجل لمساهمتكم ي التبرعات والمساعدات

https://chat.whatsapp.com/Dte567OYL7r3n8tN2KwKTl باز کردن / نظر دهید

2021-11-22 01:19:42 السلام عليكم ورحمة الله وبركاته
سوف ازور مولاي علي بن موسى الرضا عليه السلام.
من يريد ان يقلدنا الدعاء والزيارة يبعث اسمه هنا @abwameer93 باز کردن / نظر دهید

2021-11-20 19:43:12 غسل امي وكلشي شوف
وانه اعينك عالــضــــروف ها يبويه

ــــــــــــــــــــــــــــــــــــــ

بويه جفك شـو رجـف
واجهك اولونه اختلف
حقـك الضلع انخسف وجروحه كثره

كافي تحجي ويلجرح
بـعــد ميطـر الصبـح
والمحــنــه ماتصــح راحت الزهره

انه زينب يبويه انه الهدف كله
انه لكــل هظم تربه الـه وقبله


اليوم مولـود الطفـــوف
وهذا منهه اول خسوف هايبويه
ــــــــــــــــــــــــــــــــــــــ

عيون كل جف غمضت
وعلى باب امــي غفـت
والا مــعــاء اتگطــعـت انه سمعتهن

الفضه كالت من حجت
كلـتت اروحـلــه وشفت
دوري بالطف مــوكـــت بس انظرالهن

شفت الباب خصمك لمن يدفعه
والبسمار گــام يدخــلـه ويطلعه

روحي ضلت حايره
وعيني لمـي ناظره هايبويه
ــــــــــــــــــــــــــــــــــــــ
انه مــوزينب صـبــر
بسمي سبح وانتظر
سـوه نغسل هالكسر مد جفك الهه

جروح عندامي شكثر
ياعــلـــي لا تعتــذر
گلـي تغــســل ياكتر واختر سهلهه

فوك اضلوع امي هوس البسمار
وماخله كتر سالم يبو الطـهـار


كـل جــرح بيهه كلف
انه اغسله بجف ترف هايبويه
ــــــــــــــــــــــــــــــــــــــ
سوالـف اعيونك تظم
كافي تنظرلي بهظم
شوكي وي شوك يهم لمي الزجيه

صرت بت ضلع انهشم
وعين حـمـره وكلهه دم
وتنظــر خــــدري الخيم بالغاضريه


اطب الكـربله وبهيبة الزهره
ولو بلخيمه باب يجددو العصره

مدري شيظملي الزمان
وامشي جم ديره ومكان

هايبويه
ــــــــــــــــــــــــــــــــــــــ
يالتهل عينك هجـر
الدنيا غركت بلقهر
والنده بلا مستقر راحت زهرته

يلشمس بيدك ترد
للضلع كافـي تصد
الهجــر حـل والبعد خليهه سكته

صارت ونهشم وسفه ضلع للدين
انه اتيتمت وانته وحسن وحسين

راحت احظان الحنان
بعد ماشوف الجنان هايبويه
ــــــــــــــــــــــــــــــــــــــ
الدنيه بس فكد وحزن
ماكــو راحه لهل جفن
نــدفــن وســوه نـــون يم اغله الاحباب

رتاحت بكلبي المحن
غســل وجيب الجفـن
كــل كبــر فاتح حظن يختار الاطياب

نطفه نور الزجيه بدارك بهاليوم
عرفنه الليل تونه والظلام يحوم

حيره ماادري شكول
والمصايب ماتــزول هايبويه




سيد صادق الاعرجي

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-11-17 03:50:58 باجر تبدي النه اول رزيه
باجر ينكسر ضلع الزجيه
بدايه روايه.......وعضيمه النهايه
======≈============≈
باجر تبتدي أل النبي بلوه
عضيمه محتواها الباب والقوه
باجر ماتضل الفاطمه سلوه
يهشمون الضلوع وتبقى تتلوه

باجر يندفع باب الحبيبه
باجر تنولد اعضم مصيبه
هجوم البدايه ......وعضيمه النهايه
=====================
تره دار الوصي باجر يدخلوها
وأحاديث النبي بداره يحركوها
والقرآن واياته يطشروها
بنته فاطمه الزهره يشتومها

قرآن الجلاله يطشرونه
ضلع الكوثر امي يهشمونه

صور الله هايه..........وعضيمه النهايه
=====================
صورت الله امي انرسمت بنوره
وبمحكم كتابه الزهره مذكوره
بفضلها اعله العباد تكونت صوره
بس تفسيرها أضلاع مكسوره

تنطق بسمله الزهره من اجوها
عباد لاصنام العذبوها

معاني خفايه.........وعضيمه النهايه

====================
أصغر صوره بل قرآن نعرفة
الكوثر تعني امي بكل مواقفة
٣ آيات تحوي وربنه وقفه
زغيره تموت مثل الزهره وصفة


الضالم من دفع امي وصفعها
خله ١٨ كسره بضلعها

الدفع عنده غايه .....وعضيمه النهايه

=====================
خلف الباب لاذت رادت المئمن
عصرو فاطمه وضلوعها نكسرن
صياط الخيزران عليها يلتمن
يتشمت الطاغي بحالها تمعن

هاذه المختصر عن حالت امي
زينب اني والموقف هضمني


ختامي بدايه ..........وعضيمه النهايه



ضرغام منعم الكربلائي

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید

2021-11-17 03:50:58 أرحم دليلي... هونك يليلي
هاذ أنى حيدر.. فاكَد خليلي
ماتغفة العين .. تريد أم حسين
أرحم دليلي
......................................
يلجمني الهوى ياليل أرحم حالتي شوية
أختنكَ لو غمضت عيناي ماتشهكَ هوى الرية
الفاكَد ما يعرف النوم بس يسمع طوارية
وأنة فاكَد أغلى الناس روحي ومهجتي هية

فاكَد ضواهة ... سافر هواهة
ماترضى عيني... تهجع وراهة
شيبهة البين ... تريد أم حسين
........................................
آ يا حسرة الفاكَد ما تشبهة أي حسرة
شيبني الجفة وظليت أنحب وابجي عالزهرة
بس جرح الكَلب ياليل محد يعرف شكبرة
وبس كسر الخواطر ظال محد يكَدر يجبرة

اليدفن سنينة ... يموت بونينة
يبقة بلهفتة... وشوكَة وحنينة
وأعيون أثنين... تريد أم حسين
..........................................
خيبت الرجة ياليل ظلامك ريتة ياخذني
أبجي عالزجية أبعين وعين الثانيه أعلة أبني
ضعف شوفي وبديت أنهار راح أستسلم الحزني
من حرورة الدمعات ياليل أحتركَ جفني

نار المدامع ... فوكَ المواجع
وبروحي ظليت ... ياليل أنازع
جروحي ونارين... تريد أم حسين
.........................................
أمشي وبس ضوى النجمات هوة الي يدليني
حتى الكَمرة هم مرات تلجمني وتأذيني
تّذكرني بضوة الزهرة بدربي من تباريني
وحدي وبس خيال الهم بالظلمة يماشيني

بهمومي أكابر... ليلية أهاجر
وبعيني صارت... ديرة المگابر
روحي بكل حين ... تريد أم حسين
........................................
شيسوي الحبيبة يموت لمن يطفن شموعة
يكَعد يبجي والشوغات هنة يطّلعن أدموعة
أكسر كلشي ببن أدم بس لاتكسر اضلوعة
يندار الوجع لو مات تظل احبابة موجوعة

شكَد عالي وني ... ومحد سمعني
تجرني المصيبة... والهم دفعني
روحي من أسنين... تريد أم حسين
أرحم دليلي
............................................

حسين حمدان الدلفي

قناة الرجوع الى الله     @h_ameer1
قصائد منبريه مكتوبه   @h_ameer2
مجالس خادم الحسين   @h_ameer3
قصائد حسينيه مكتوبه @h_ameer4 باز کردن / نظر دهید