جاي ادور
عن حظن لَم المشاعر
واستراح بحظن يفهمها الخواطر
من اسولف
ما اريد افكاري تتسمه غريبه
وما لگيت
وگمت اسولف وي جروحي
وتاكل بروحي السوالف
وبين صبري وآهي واحزاني ربيت
تعذبيت ..
لَحد ما شفتك محطه اتلم شكو مسافر غريب
وسافرتلك حزن طاغي اعله السواد
حمّلت ظعني ومشيت جروح غبشه
من شفت كلشي رماد
واعلنت قطع الوصال
وانت بس ليك الموده
وجاي حبل الحب اشده
العالم الثاني ركضلي
يريد يفتل الشداد
وين اروح
ماكو غير الموت ياخذني عليك
ماكو غير الدم سبيل
وقررت راح آنه اموت
بگلب كلمن ما يريدك
وانتَ عيشني اعله ايدك
عالمك شفته الحقيقه
وانتبه گلبي لطريقه
شفت كلشي يعيش من يدنه ليك
بعد ما عوفك حرام
وما ادور غير عالم
عالمك بيت السلام
وبالختام
يا حسين
بس الك حلوه الخواطر والكلام
#مسلم_الزبيدي
