س/ عايزة أحصِّن نفسي من الجن، إزاي؟ ج/ سمعت الشيخ وحيد بالي ب | أَم عُبَيْدِ اللَّهِ | لِلنِّسَاء.
س/ عايزة أحصِّن نفسي من الجن، إزاي؟
ج/ سمعت الشيخ وحيد بالي بيقول مرة كنت بعالج امرأة من مس جني، فكلمني الجن وقلتله: اخرج. قالي: لن أخرج فقلت له: أخرج. فقال لي: أخرج بشرط! قلت له: وما هو؟ قال: أنا أخرج منها وأدخل فيك! فقال له الشيخ: أدخل فيّ، إن كنت تستطيع أدخل فيَّ!
فبكى الجن فقال له: ما يُبكيك؟ قال له الجن: لأني لا أستطيع أن أدخل فيك! أنت قرأت في هذا الصباح: لا إله إلا الله وحده لا شريك له له الملك وله الحمد وهو على كل شيء قدير مائة مرة.
فقال الشيخ صدق رسولي صلى الله عليه وسلم عندما قال: "مَنْ قَالَ لَا إِلَهَ إِلَّا اللَّهُ وَحْدَهُ لَا شَرِيكَ لَهُ ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ ، فِي يَوْمٍ مِائَةَ مَرَّةٍ ؛ كَانَتْ لَهُ عَدْلَ عَشْرِ رِقَابٍ ، وَكُتِبَ لَهُ مِائَةُ حَسَنَةٍ ، وَمُحِيَتْ عَنْهُ مِائَةُ سَيِّئَةٍ ، وَكَانَتْ لَهُ حِرْزًا مِنْ الشَّيْطَانِ يَوْمَهُ ذَلِكَ حَتَّى يُمْسِيَ ، وَلَمْ يَأْتِ أَحَدٌ بِأَفْضَلَ مِمَّا جَاءَ ، إِلَّا رَجُلٌ عَمِلَ أَكْثَرَ مِنْهُ".
ومرة بقول لراقي شرعي: طيب حضرتك مش بتخاف حد منهم يؤذيك؟ أو يضربك؟ فقالي: مادام مش مقصِّر في طاعاتي وعبادتي وقاريء أذكاري ميقدرش حد منهم يمسني بسوء، وحكالي موقف بيقول: في مرة قصَّرت في طاعتي تقريبًا نسيت صلاة العشاء ونمت، الباب مقفول عليا، والكلب سايبه في الورشة برا البيت، صحيت من النوم على أنفاس الكلب نايم على السرير جنبي وباب الأوضة مقفول! فقومت وقرأت آية الكرسي وبنظر للكلب لقيته اختفى!
ومرة شوفت شيخ راقي شرعي كان بيزعق في الجن والجن بيقوله: مليكة هتأذيك. فالشيخ بكل ثقة قاله متقدرش، ولا أبو مليكة يقدر ولا قبيلة مليكة بحالها تقدر، ومافيش حد يقدر يمسني بسوء إلا أن يشاء الله، وقام الشيخ مطلع من جيبة إزازة مسك، وزعق في الشاب -الممسوس- والجن أصلًا ال بيتكلم لأن الشاب فاقد الوعي، وقاله: قول لمليكة تحرك الإزازة دي من مكانها! قولهاااا! متقدرش عشان أنتوا ضعفاء "إن كيد الشيطان كان ضعيفًا" الجن قاله: لا أستيطع!
حقيقةً كنت مذهولة من الشيخ! سبحان الله ")) الشيخ هو ال كان بيضرب الجن، وقتها الشيخ قالي: ميقدرش يأذيكِ، دا ضعيف بيخاف من ريحة المسك، أنتِ مسلمة متوضية معاكِ أذكارك محافظة على فروضك، قوليله -يقصد الجن- أنا معايا كل دا، أنت بقا معاك إي؟ ولا حاجة أنت ضعيف أنا قادرة أحرقك دلوقتي واقتلك!"))
