2021-01-30 13:50:55
رضيه ،وبدون ما أتعب رجع لي حقي من سلمى لمن دخلت في ضفوراا
ومرت الأيام وكل يوم جديد نحنا من كومة مشاكل لي مشاكل جديدة ...،وسلمى وساجدة كاانو بشغلو أغاني في البيت بي أعلي صوت ولمن أقول ليهم ما صاح وعلي الأقل خلو أبوي يتم السنة أو شغلوها بصوت شويه مرخي لأنو ما ظريفة الناس تجي عشان تعزي وتسمع صوت الأغاني
وسلمى وساجدة بردو وبقوولو لي أمشي أشكي لي أبوك في قبروو
وكناا طبيعي في حالة من الضغط النفسي لي ضغط نفسي أشد،
لمن في يوم جاات خالتو الرضية وكانت ياا داب داخله من الشارع وكان معاها عمال وقالت ليهم بكل صوت عالي ....
عايزة أكسر الجزء داا وتقريبا الجزء كان أكبر من نص البيت
وأمي كانت بتعاين ليها لمن قالت لي العمال عن إذنكم ودخلتنا الغرفه وقالت لي خالتو الرضيه كل شي نحنا إستحملناا بس كونك تكسري جزء من البيت التعبناا فيهو دي حاجة مستحيل أسكت ليك عليها يا الرضيه ....
وخالتو الرضيه كانت بتصرخ بصوت عالي لمن بصوت الصراخ بناتا دخلوو الغرفه
وكانت بتقول لي أمي حقي وأنا حرره فيهو يا رحمة
وكمان عندك إعتراض ؟!
ولا نسيتي إنو عندي زيك وأحد في البيت داا
وأنا كنتا بعاين يمين وشمال وما عارفه كيف أتصرف و الغرفه الكانو قاعدين يتناقشو فيها دي غرفتي ،وأمي المسكينه قدر ما حاولت تقنع خالتو الرضيه إنو ما تكسر جزء من البيت
بس الرضيه كانت مصررة وبتزيد في الشكل والعناد
وأنا بخطوات متسارعة مشييت علي دولأبي وطلعتا ليهم الورق المخفي ليهو سنين وسنيين وقلتا ليهم
إنو البيت داا مسجل بي أسم أمي وهم ما عندهم فيهو ولا ربع مترر
والرضيه بعد ما سمعتني وشافت الورق كانت بتصرخ وقالت لي الورق داا مزوور وكلناا بنعرف كيف نزور وطلعت من البيت وجررت جابت ليها محامي وجات راجعه بسرعه
وأنا لمن طلعتا الورق لي المحامي قال ليها الحقيقه الصادمة إنو الورق حقيقي مئيه المئيه ...
والرضيه بعد ما سمعت كلأم المحامي
كانت بتصرخ وتكورك زي الدخلت في صدمة وكانت بتقوم وتقعد وهي هايجه شديد حتى ما عاينت لي وجود المحامي وأنا حسيت بيها زي العندها حالة نفسيه وكانت بتصرخ وهي بتقول لينا أنا عشان البيت داا عملتا نفسي لسسه في عصمة محمد ، وكنتا حاده زي زيك يا رحمه تجي في النهاية تقولي البيت بي أسمك وكيف يحصل داا
وليييه أنا طول عمري أقل منك بالنسبة لي محمد
وطول عمري أنا وبناتي صفر علي الشمال بالنسبه ليهو قصرناا معاهو بي شنوو نحنا
وكانت بتصرخ بصوت عالي وهي بتدعي علي أبوي وبتقول الله يحرقك زي ما حرقتا حشاي وإن شاء الله تكون من أصحاب جهنم زي ما خليت عيشتنا كلها جهنم ي رب ...
وأنا وقتها ما قدرتا أستحمل كل الدعوات دي لي أبوي ربنا يرحمو وأمي كانت بتعاين ليها وبتبكي ،وأنا بسرعة مشيت عليها وقلتا ليها ...يا الرضيه عشان خاطر التربة بس ما تدعي ،و الميت ما ليهو غير الرحمة
ولا خلاص إنتي نسيتي فضلوو عليك وإنو عشان ولدك وعمائل ولدك باع الوراها والقدامو وجاانا لا يد وراء ولا يد قدام حتي العربية الكانت مصدر رزقو ما خلأها ،وأمي باعت ..بيتاا وباعت الدهب وما خلت شي ؟!،وكان نسيتي داا كلو معقوله تنسي إنو أبوي هو الوحيد الوقف معاك أيام موت أمك والشال البكاء منو غير أبوي ؟!ودا غيرر بيتك الكان فيهو مشكلة في البناء الكسر وبناء ليك البيت من أول منو غير أبوي ؟!معقووله نسيتي كل دا يا الرضية وفي النهاية تنكري حق أبوي ،وكمان تدعي عليهو يا شيخه حرام عليك إتقي الله وكنتا بعاين ليها في عيونااا وقلتا ليها إنتو شلتو حقكم وبزيادة وكمان غير القرش ، شلتو من صحة وعافية أبوي من الوجع الدخل فيهو بسببكم لمن جاتو جلطة ...ومات بي قهرو منك إنتي ومن ولدك وبناتك وبعد داا كلوو تدعي أبوي ؟!! تدعي عليهو بدون خجله ؟!
وهو إنتي يا الرضيه وصلتي مرحلة إنك تدعي عليهو تاني عايزة بحقوو شنوو ؟!وهو إنتي خليتي فيها حق بعد دااا؟!
ويلااا سرريع إتفضلي أطلعي برره من البيت دا إنتي وبناتك وأحسن ليكم ترجعو بيتكم وما عايزة أشوف رجل وحدة فيكم تاني في البيت دااا وواضح ؟!
والرضيه كانت بس بتعاين لي زي الدخلت فيها صدمة لأنها ما كانت قادرة ترد لي بحرف الأ سلمى وساجدة طلبو ليهم ترحال وسحبوها من البيت سحب
وبعد ما سلمى وساجدة ركبو أمهم في الترحال أنا جريت عليهم وأنا ببكي ،وقلتا ليهم أبوي في حياتو كان دااير الحنية بيناتنا عشان كده كان إحتجتو لينا في إي شي وفي إي وقت تعالو وكان عندكم النيه ترجعو لينا بالخير وتقعدو معانه بالنيه السليمة مرحب بيكم ..
وسلمى وساجدة ما نطقو بكلمة وعااينو لي من فوق لي تحت وركبو في العربية ...
وأنا لمن رجعتا البيت لأقتني أمي في الباب وهي بتبكي وكانت زعلانه شديد وقالت لي ما كان نفسي تعملي كده يا حنين البنات ديل في النهاية فيهم ريحة المرحوم وهم في النهاية أخواتك
قلتا ليها يا أمي إي شي في الدنيا دي وعندو حد وأنا والله زاتي ما كان نفسي يطلعو من البيت بس إنتي ما سمعتيها وهي بتدعي علي أبوي كيف يا أمي ؟! أبوي عمل ليها شنو
868 views10:50