بمعني مش لازم بوست على كل مواقع السوشيال ومش لازم ستوري يوميًا بكل حدث بينكم مش لازم كل خروجة تتخرج تنزلوا صورها ولا كل خطوة تاخدوها تكتبوا عنها ..
خطوبة بسيطة فيها الاب والام والاخوات واعز الاحباب وتلبيس الدبلتين وشكرًا
الكلام دة مش هباءً دة لحفظكم انتم سواء من العين او من النفوس المريضة اللي حواليكم وحفظًا لقلوبكم
الحياة الزوجية ابعدوها عن السوشيال تماما ومتتأثروش باللي حواليكم متخلوش حد يعرف عنكم حاجة
كم البنات اللي بتفسخ خطوبتها الفترة دي كتير جدًا جداا جدا وكل واحدة منزلة بوست انها سنجل قلبي زعلان عليها
حاسة انها بعد ما كتبت قصيدة في كابشن الخطوبة مش عارفة تكتب كلمتين على بعض فاكتفت انها تقول سنجل..
لو اتبعنا ( أسروا الخطبة) لا هنحتاج نعرف الناس كلها وقت ما لا قدر الله محصلش نصيب ولا هنحتاج ننزل بوست بكلمة تزعلنا ولو لدقيقة ولا هنحتاج نفكر في سبب نقوله للناس اللي تسألنا الفرح امتى ولا هنوجع دماغنا
الخطوبة اتفاق بالزواج لسة هنشوف بعض ننفع مع بعض ولا لا مناسبين لبعض ولا لا والاساس في الخطوبة انها بتتفشكل الخطوبات اللي بتنجح دي استثناء
والخطوبة مش معنى انها اتفشكلت يبقى لازم يكون في سبب كارثي او عيب كبير في حد من الطرفين، ببساطة خالص متفقناش وربنا يبدله خير مني ويبدلني خير منه والود والاحترام محفوظ
لكن اللي بنشوفه دة لا اتربينا عليه ولا هو صح ولا من الدين صدقا الواقع الي احنا عايشين فيه بقا صعب جدا وكل يوم بنشوف وبنسمع مواقف صدقا تحزن لي بقا فمن لأولى نلجأ للصح من البدايه
