2021-09-23 11:45:20
- نقلاً عن طالبة وكلامها بالضبط:
خل اسولفلكم عن يوم النتائج
طبعاً اني سترونك ( قوية وكذا) وما اهتم ومن هالامور وكضيتها افيك براس اهلي واني مخايفه من النتائج واني عادي شيطلعلي خل يطلع ما اهتم
من كالوا باجر النتائج طار النوم من عيني الليل كوله اني كاعده وخايفه وبس ادعي ومادري شسوي من القلق
دا اكلب بالانستا شفت هذا الاقتباس (لقد نام تاركاً حلمه في ودائع الله فايقضه الله على نور الاجابه) من قريته حسيت براحه نفسيه ضليت اردده لحد ما نمت غفيت
وكعدت من الصبح كابلت التلفزيون والتلفون وكعدت انتظر واهلي كولهم يمي هم مثلي ينتظرون وقلقين
اني بداخلي ميته خوف واكول لاهلي عادي اصلاً ولا مهتمه هيه صارت صدوك ونزلوا الرابط اني فحطت بچي لاسترونك ولا بطيخ اريد افتحه وميحمل النت ضعيف واني ابچييي اليشوفني يكول اسم الله هاي منو ميتلها
مرت ربع ساعه والرابط ميفتح الى ان اخر شي دزوا كم اسم من مدرستنه بالكروب وجان اسمي وياهن وقريت درجاتي وجان معدلي ٩٧.١ وويه الدرجه يصير ٩٨.١ صحت بعلوا صوتي حت الجيران سمعوني ولكم ٩٧ وما احس الا اهلي كولهم فوكايه يحضنوني وهلاهل وچكليت وفرحه ماتنسي
الله يرزقكم نفس هالفرحه يارب ولا يضيعلكم تعب
ولو طولت بس كلت شوي اعيشكم اللحظه وارفع عدكم الادرينالين
22.0K viewsعمر علاء الجبوري, 08:45
م
