كيف تبدأ الترم التاني بقوة! ممكن تستغرب إني بقول ترم تاني والو | Ahmed Shawki - أحمد شوقى
كيف تبدأ الترم التاني بقوة! ممكن تستغرب إني بقول ترم تاني والوقت صغير والمنهج كبير لكن هقولك إننا لو نظمنا وقتنا كويس هتقفل فيه مفيش حاجة صعبة على إنسان بالعزيمة والإستعانة باللّه. تعال هقولك من خلال تجربتي:- قربك من ربك لازم تقرب من ربنا ومش عيب إنك تقرب منه لغرض التوفيق العيب إنك تقرب من اللّه ولما تنجح أو حتى تفشل ترجع وتبعد عن اللّه. إعرف إن قربك من ربنا هو التوفيق في حد ذاته وإبدأ حُط لنفسك وِرد قرآني وقرر إنك تبدأ بداية جديدة بعيدًا عن درجاتك الترم الأول ولو تقدر تقرأ كل يوم قبل المذاكرة سورة يس صفحات قليلة لكن حقيقة لما بيكون عليا إمتحان بقرأها قبل ما أنزل بحس بتوفيق ربنا معايا تنظيم الوقت قال رسول اللّه -صلِّ اللّه عليه وسلم- {نعمتان مغبون فيهما كثير من الناس : الصحة والفراغ} حاول تعمل لنفسك جدول ليومك مش لازم تنزنق نفسك قرب الإمتحانات وجدول بسرعة وكِدا لأ روح زي الشاطر أعمل جدول جميل وعلى طريقتك ويومك ماشي إزاي ومتسألش حد عن جدوله لإن يومنا مش زي بعض المهم شوف يومك فيه إيه نحط الأول الخطوط الحمراء-الثوابت- زي ورد القرآن والأذكار(أذكار الصباح والمساء)والصلاة و10د رياضة علشان تفوقك وتبقى نشيط والدراسة وتعملهم في خانة لوحدهم ومن الجميل إنك تزود حاجة بسيطة برا الدراسة لإن مش معقول هتذتكر 24ساعة! ممكن عِندك كورس ذا أمريكان إنچلش الحلقة بحد أقصى 20د خُدلك واحد في اليوم أو حتى في الأسبوع وشوف نفسك بعد سنة! وممكن برضو لو أنتَ عاوز تبقى بريفكت في النحو عندك سِلسلة تعلم النحو من الصفر لـ محمد صلاح وممكن قراءة كِتاب مفيد إختار حاجة واحدة بس متشتتش نفسك! إبعد عن الناس السلبية بجد واللهِ حتى لو أنتَ بيرڤكت برضو إبعد عنهم اللي يقولك المواد صعبة أوي مش هننفع نجيب مجموع، إحنا فاشلين وهنشيل لإن دول هيرجعوك مش هيقدموك أبدًا بّر والديك من أسباب النجاح في الحياة لو علاقتك بيهم من أحسن حاجة حسنها كفاية دعوة الست الوالدة وأنتَ نازل الدروس حاول ترضيهم. إصحى بدري اللي هيقولك ذاكر في إي وقت وعادي دول بيقولوا أي كلام هقولك أنتَ غلطان علشان ساعة الفجر شيء تاني خالص ولإنها أصيبت بدعوة الرسول-صلِّ اللّه عليه وسلم- {خيركم في بكوركم} فحبذا ساعة الفجر طب أنا مش بعرف أصحى بدري بُص لازم تاخد بالأسباب نام بدري أصحى بدري، يعني ما تنمش الساعة 12وعاوز تصحى الساعة 3الفجر لأ تبقى زي الشاطر وتنام الساعة 9أو 8 العشاء وإصحى 2أو 3الفجر مادة الكورتيزون بتبقى في قمة وهيّ اللي بتساعدك في التركيز بدرجة كبيرة وساعتين الصُبح خير من أربع ساعات بليل. خليك مُساعد ساعد صاحبك لو في شيء صعب عليه أنتَ ربك خليك اللهمّ بارك فاهم مثلًا المسألة دي-توفيق من عند ربنا- ليه متساعدش زميلك؟ صدقني مش هيقلل من معلوماتك بالعكس هيخليك مذاكرها كويس جدًا. متقارنش نفسك بحد أنتَ غير زميلك أو ابن عمك ظروفك مختلفة عنه تركيزك مختلف عنه طريقة المذاكرة مختلفة توفيق ربنا ليك مختلف عنه فبلاش المقارنة ثم بلاش كُل واحد في مسيرته بيختلف ومش لازم تقعد تسأل عن درجات زمايلك متراكمش دروس إياك ثم إياك إنك تراكم دروس عليك وتيجي من الدرس زي الشاطر تذاكره ولو أنتَ بتاخد أون لاين بعد الدرس على طول تمسك دفترك وتلخصه وتحل عليه وحاول تخلي يوم في الأسبوع لإستدراك دروس الأسبوع كُلها وتشوف إيه الحِته اللي واقعة منك وهتلاحظ التغير •وقبل ما تذاكر الدرس الجديد راجع على القديم. إبعد عن الفون جرب اقفله أول أسبوعين في الترم علشان دماغك متتشتتش ولو تعرف تقفله خالص لإنه هيضيع وقتك غالبًا ومتفتحوش إلا في الدراسة. إحسّن الظن باللّه إعرف إن ربنا مش هيضيع تعبك أبدًا ( وَأَنْ لَيْسَ لِلإِنسَانِ إِلَّا مَا سَعَى وَأَنَّ سَعْيَهُ سَوْفَ يُرَى ) إثق إنك مطلوب بالسعيّ وبس النتائج توفيق من اللّه وأوعى تغش "إسقط بمجهودك، ولا تنجح بمجهود غيرك" حتى لو هتغش سؤال حرام توكل اللّه ولن يضيعك. -وكِدا نكون خلصنا لو التزمت بيهم بإذن اللّه هتجيب الإمتياز في شِوال.
