𝕀𝕂ℕ𝔼𝕋

2021-11-17 20:54:41 ​عندك سبوتــSpotifyـفاي بيه بث قرأن و لطميات مو بس اغاني و بودكاستات!!

أخذ الاكبر منها... أذا تستخدم سبوتفاي وتسمع قرأن سواء مجانا او بفلوس ف رح تدعم القارئ او الموسسة الدينية التابعة للمقطع الصوتي سواء باشتراك مدفوع مالتك او من خلال الاعلانات رح تطلع.

لان هذه اشتراك بريميوم جزء جبير منه يروح لحقوق صاحب المقطع الصوتي وغالباً الموسسة التابعة اله واذا جان بلاش ف اعلانات الريدي تروح ارباح الهم.

كل مقطع فيديو بالنت اله حقوق وسبوتفاي تدفع كلفة الحقوق على حسب "الاستماع" لهذه المقطع او حسب ارباح الاعلانات حسب كل دولة.

وبما ان العراق صار بيه اشتراكات رح يتشجع ناس تستخدمه حتى لو مجانا والمجاني يطلع بيه اعلانات ومن اعلانات تجي هم ارباح لسبوتفاي يعني كل استماع عراقي مجاني او مدفوع رح ينحسب ك أستخدام مدفوع تحاسب سبوتفاي عليه صاحب المقطع الرسمي $$.

من جانب الArtists مستقبل سبوتفاي بالعراق رح يكون راعي للطميات والرواديد ورح يكدرون يربحون فلوس $$$ ايضاً شباب رح يتشجعون يسون بودكاستات و اغاني عليه.

لازم تعرف ان سبوتفاي عدها برنامج خاص لتعديل واعداد الصوتيات "No experience required" من الصفر وحتى تنشره على منصتهم بدون الاستعانة بمهندس صوتيات. ابحثوا عن الموضوع والتوفيق للجميع. اللي يهمني انكم تشوفون للعالم ان سبوتفاي من فاتت عالعراق شافت اقبال على المحتوى الرسمي وعلى ضوئها الخدمات الاميركية الثانية رح تدعمكم بكل تاكيد مثل ما تدعم الامارات وبقية دول الخليج.

اللي يشجعكم على القرصنة واحد من الاثنين:
أما مستفيد, أو حديقة. أو مطي. لآن انت شاب وتريد باجر عكبة تحصل وظيفة وتشتغل وهذه شركات من تدعم بلدك رح تجيب وياها وظائف هواية تكدر من خلالهن تحصل فرصة انك تتعين بشركة محترمة وتكسب خبرات عالمية. لا تفكر بداخل صندوق مغلق وهو انك تفضل محتوى المقرصن لانه مجاني وانت ماتعرف بخارج الصندوق ان هالمحتوى مجاني انت دتاكل خر! من وراه وتخسر اكثر من هالكم فلس رح تدفعهن له.

#اناشجرة باز کردن / نظر دهید

2021-11-17 17:38:37 رسمياً صار متوفر بالعراق..

شخصي: اشتراك 4.500 دينار
عائلي: اشتراك العائلي 7200 دينار
طلاب: اشتراك 2500 دينار

اما بخصوص الحدقچية او رواد القرصنة اللي مامقتنعين ب 4500 دينار ف همين الكم عرض... اليك الطريقة.. تشتري اشتراك فاملي ب 86400 الف سنوياً

وتفعل 6 اشتراكات الك واصدقائك تقسموهن بيناتكم تطلع على كل واحد بيكم بـ 14400 دينار عراقي للسنة يعني تقريباً 1440 دينار عراقي للشهر.

حرفياً بلا شرف اللي يسمع أغاني مقرصنة بعد على هيج عرض راقي ومحترم. مثل ما احترموكم ووفروا الخدمة بشكل رسمي احترموهم همين وادعموا المحتوى الرسمي.

شجعوا الشركات تدعمكم حتى تتعاملون كبشر منا وهيچ. القرصنة مارح تفيدكم اذا اشتهرتوا ببلد القرصنة. ادعم الرسمي دائما وادعم تعب الناس وخليك تستخدم خدمات بكرامتك افضل ماتدعم القرصنة.

تطبيق القرصنة مال ايرثلنك اكل تبن على هيج حالة وانشالله بقية شركات تدعم العراق بشكل رسمي ورخيص اقل من 1500 دينار على خدمة صوتيات رسمية كلش كلش رخيصة.

أنطلقوا: https://www.spotify.com/iq-ar
#اناشجرة باز کردن / نظر دهید

2021-11-15 15:31:37 ​أحد شباب متابعين ديريد ينضم لكروب تيليكَرام مال تركيا ف كاتب سبب الانضمام هو انه يريد يلكَه شغل "أي شي شغل" من تشوف واحد كاتب اي شي معناه مستعد يشتغل عامل حتى.

وصدف قبلها بدقايق شايف فرصة عمل معمل سوري رايد عمال جدد
- معمل صمون.
- الدوام 8 صباحاً - 6 مساءاً.
- الراتب يومي بقيمة "8.98$" مقابل 10 ساعات عمل.

نعم هذه افرج رواتب الاشغال بالاسود اما وضائف القانونية اللي تتطلب منك استخراج اذن عمل ف رح يبدي راتب رسمي من 290-310$ "فرق 30-40$ عن الاسود"

علماً ان كَدامه مصاريف قيامة اول ميجي اهمها:
- اتعاب الاقامة السنوية +-100$
- استخراج هوية عمل قبل البحث عن عمل
- اجار بيت - مقدم اجار - تامينات
- اثاث | تامين صحي | مصاريف حياة

فوك كل هذه مايعرف لغة والكل يسعى الى انه يقطك.. لذلك النصيحة الدائمة اذا ماعندك فلوس وخبرة سابقة او احد يسندك دربالك تجي واذا ماعندك مهنة تدخلك وارد هم دربالك تجي. أني انقهر على هذولة اللي ماعدهم لا صنعة ولا يفهم يلزم ماوس لان مصيره يروح على وظيفة عامل او موظف براتب ميعبر ال 400$ لهذه السبب جماعة يحسون بالغربة وانهم مظلومين لانه جاي يبدي حيات من الصفر تماماً وهو ماعنده كل شيء سند اله.

تركيا هي مكان مناسب حتى تبني نفسك بيه بمرحلة من حياتك بس مو بداخل تركيا بل خارجها وانما وجودك بتركيا تستخدمه ك مكان امن حتى تعيش بامان لا اكثر ولا اقل. واذا هدفك تركز ع شهادة جامعية ف اقسملك بالالهة القديمة والجديدة أن اغلب العمال همه اهل الشهايد.

أشتغل على نفسك اتعلم مهنة على نت الفري لانسر شغله كارثي وربحه يخبل. تخيل أختي الصغيرة تطلع بالتاسك الواحد راتب مال 9 عمال يومي وماعدها اي شهادة جامعية مجرد بفترة كورونا حبة مجال وضلت تشتغل بيه "تطوعي/بلاش" الى ان طكَت وهذه الinsights مالتها للمبيعات على PayPal لسنة 2021 من ضمنها عقدين مستمرين لحد الان ك فري لانسر "On Call" ويه شركتين كلش طاكَات وتعرفوهن وبسببهن اضطرينا نفتحلها شركة ومحاسن الصدف صارت ان ميصير تفتح شركة ك عراقية الا تكون خارج العراق وتركيا كانت دولة مقبولة.

اذا هسه انت اللي تسوي كالتالي:
- تشتغل على نفسك وتتعلم تستخدم Google دائماً
- تبحثلك عن أكثر من صنعة تضبطها تطلع منها وارد يومي
- تطور لغتك الانكليزية ولغة البلد اللي رايحله
- تبني نظرة حقيقة عن البلد اللي رايحله وتروح سياحة اولا قبل لا تفكر تروح ك لجوء او هجرة او انتقال دائمي.
- تبتعد عن اي واحد يشجعك انك تجي وانت ماعندك الامكانيات فوكَ لانه بكل بساطة اما طلي او يريد يورطك فقط في سبيل هو يكسب قوته اليومي مثل يوصلك من مطار او يطلعلك اقايم او يستغلك بالترجمة.

علماً انك اذا كنت نصاب واخ كحبة ف رح تعيش لتخاف على سبيل المثال قبل فترة طبيب تركي زلكَ باحد التغريدات كَال "ماقاهرني غير ان اني اشتغل واتعب واسوي عملية وبلنهاية احصل 2500$ والمترجم يحصل 2500$ عالحاظر" نعم المترجم هو عدوك الاول اذا ماچنت تعرف لغة ف احذر منه دائماً وال10$ تنطيه ياه مال ترجمة حطها بطيزك لما هو موديك على دكتور دياخذ منه 2500$ مقابل فقط يبيع ضميره ويترجملك غلط باستثناء بعض الزينين والطيبين اللي يشتغلون بعقود/رواتب ويه مستشفيات مشهورة واللي اكيد اسعارهم مرح تعجبك.

#اناشجرة باز کردن / نظر دهید

2021-11-15 13:04:39 ​قبل 3 أيام توفت شابة عراقية/كردية في بحر ايجة بعد رحلتها هي وزوجها للخلاص من البقعة الزفرة هاي. أسم الشابة ديلان يوسف "Dîlan Yusif" وبعض العرب سموها "ديلان علي" المهم ان اليوم وصل جثمانها لكردستان العراق.

والمغردين حول قضيتها يصفوها بانها كانت هاربة من الوضع المعيشي بكردستان وفساد حكومتهم بكوردستان العراق.. اما نحن نعتقد انها هي وزوجها وطفلها ماكانوا هاربين بل ذاهبين للبحث عن حياة أفضل ومستقبل افضل بيه حكم عادل من مجتمع نقي وحكومة وقانون اكثر عدالة من هالبقعة اللي حتى بموتها استخدموا خبر وفاتها من اجل أسباب سياسية سواء ضد او مع.

هذه الجانب السلبي من مصير اللي ممكن يروح تهريب او قچق او غير قانوني اما حياة جديدة او موت. زوجها وطفلتها ما أعرف اذا مسموح ننشرهم لكن رح احطهم بأول تعليق انشالله يكَدرون يروحون او يوصلون لأروبا بشكل نظامي بعد اللي صار على الأقل الطفلة مارح يتطمن الواحد عليها الا توصل لبلد يحترم حتى الحيوان مو مثلنا.

#اناشجرة #RIP #ديلان_يوسف باز کردن / نظر دهید

2021-11-15 00:52:49 ​بتركيا أندك ب بمنو تريد بس لا تنتدكَ بالحيوانات عدهم اهتمام بالحيوانات فضييييييييع ويخبل وخصوصاً بالبزازين...

اليكم فيديو متداول لشباب ثنين عرائيين بتركيا شديسوون تيكتوك ببزونة انتشر بوكالات الاخبار التركية واثار الرأي العام اليوم چان كل الاتراك يحچون على العراقيين وعلى ان ال1 وكسور مليون لاجئ عراقي شديسوون بتركيا وخصوصاً محافظ Bolu صرح انهم مالين المحافظة وبلدهم مابيه حرب (للاسف اللي جاي بفلوسه واللي متجنس هم يعتبروه لاجئ)

---------------

بالحقيقة اني نصيحتي لاي احد جاي على تركيا او ياخذ نصيحتي أكله ك امان لاعلى درجة كصداقات ومعارف "أبتعد كل البعد عن العرب بصورة عامة وخصوصاً اللي انت رح تتعرف عليهم هناك مو اللي تعرفهم من العراق" بكل صراحة وبدون مجاملة حتى اني اوصله فكرة او رسالة ان يبتعد حتى عني لاني مطبق نفس الفكرة مثله للامان ورغم صعوبة الاندماج لكن عايش بسلام وهذه انترنت موجود لا احس بغربة ولا زربان غير لما افوت ب سفارة او قنصلية عراقية من اجل معاملة احس باقصى درجات الذلة وصدكَني انت اذا تطبق هالشيء هم رح تعيش بسلام ورح تحصل #مشاكل_اقل ان وجدت واذا ماتكَدر تتحمل ف ياعيني سوالف #ابن_بلدي و #تراب_الوطن و #الغربة_صعبة ومدري شنو بطلها و لا تجي افضلك اذا متتحمل ببخلاف ذلك ف رح تتحمل العواقب لان ينخبط الزين ويه الشين ولطفاً اذا انصب عليك ف لا تحچي على تركيا او على العراقيين بتركيا مثل هذولة الفوك اللي علمود ثنين زبايل مامربين شملونا بهالذلة والتنمر فقط لاننا نشارك هذول المامتربين نفس هالدم الجايف.

وبخصوص خبرتك وانك مينصب عليك ومدري شنو ف اني ماداكَلك ماتلكَه زينين لكن داكَلك بالوضع على حقيقته بدون مجاملات وبدون مينصب عليك ونصيحتي رح تعرفها ويه الوقت اذا رح تجرب.. وما اختلف وياك ان الانسان بسبب ميعرف لغة رح يحتاج معلومات ف على المعلومات هاي كَروبات مزبلة للعراقيين انضم واسال ورح تحصل اللي تريدة حتى احنا مسوين كروب تيليكَرام سري للمعارف فقط وهدفه بس تبادل معلومات الحياة لا شوفني ولا اشوفك وكلش مفيد.

#اناشجرة #العربي_الفاشل باز کردن / نظر دهید

2021-11-14 17:57:55 للتذكير:
من خلال تطبيق 3UTools "مجاني" تكَدر بأداة اسمها IDevice Verificition تطلعلك Report بيه كل معلومات الجهاز المهمة اللي بالصورة ويشاركها وياك رح تحتاجها هالمعلومات بلبحث خصوصاً لما تشتري جهاز مال أيفونات البالة المجددة (مزبلة بالعراق) او لما تتعامل ب خدمات الIcloud. باز کردن / نظر دهید

2021-11-14 00:49:33 صفحة WDRforyou ذكروا ان اكو وثيقة اوربية ضد كل المهربيين/السماسرة اللي بدو يشتغلون من الان والموجودين بالمانيا من جنسيات عراقية و سورية كلهم مكشوفين ورح يبدي ملاحقتهم ومعاقبتهم.
بخصوص صفحة فوك تابعوها كلش تفيدكم باخبار الاوضاع اعلاه. اما الصورة من احد التعليقات هناك ببوستاتهم رغم ان تعليقها للعينتين وقح, لكن انشالله تحسون بشعورها الدتحسه هالبنت باخر سطر من ثاني تعليق فعلاً هي برزتلكم الراحة النفسية الدتعيشها من انت ضامن اهلك وعيالك بامان وبمستقبل رائع وبلد امن.
"دچي براحتچ خلتشبع السچين "
#اناشجرة #العربي_الفاشل باز کردن / نظر دهید

2021-11-13 16:01:30 ​أني ماحب احجي عالموضوع حتى لا اعتبر اشجع على الهجرة الغير شرعية لكن رح احچي نضرتي عن الموضوع:
السناريو الحالي لحد الان مستمر مثل ما صار ب 2014-2015 تماماً.
- قطعوا الطريق السفر
- تصريحات بين دول بدت
- اعلان اجتماعات طارئة بخصوص لاجئين
- لاجئين خيمو وبدت قصص المأسي تنعرض لكسب الرأي العام
بالنهاية اللي رح يصير كالتالي:
رح يوافقون على اللاجئين وفور ان قطعوا الطريق همه اثبتوا ان خلص اللي راح يعني رح يطب, #لكن الشيء الصادم والجديد ان هالمرة الشعب الاوربي نفسه غالبيتهم ضددددددددددددد اللاجئيين.
لان شافوا وجبة 2015 من العاهات والمغتصـbـين والقتـLـة اللي وصلوا هناك وانخبطوا الزين ويه الشين. ف هالمرة المجتمع نفسه والعرب اللي راحوا قبل صارو يتعاونون ويه السلطات ضد العرب اللي رايحين
وهنا بدت الطائفية كالتالي:
- تحديداً السورييين جماعة المعارضة بده يبلغ على الشيعة/سنة ويه النظام اللي يسموهم "الشبيحة" بدوا يبلغون ويتعاونون على ترجمة وابلاغ عن كل كروبات وتجمعات الهجرة
- العرب اللي نجحوا بالاندماج تلقائياً تعاونوا ايضاً وداراقب التفاعل الكارثي والجهد المبذول بالبلاغ عن هالحالات.
السلبيات الحالية الديعيشوها:
- جو برد قارص جداً الاطفال وكبار السن اكو جزء كبير احتمال رح يموت بيهم الى ان يحين الوقت
- تجار الموت والمافيات اشتغل سوكَهم ورح يبدون ياذون وينصبون ويلعبون على الناس اللي دتسمع اعلامياً وتريد تروح همين
- الجماعات المتطرفة الغربية مارح يعوفوكم مثل قبل لان همه يدرون القادم شنو ف لا تستبعد رح تصير حالات عنصرية قوية جداً
- الاختلاط ويه المجموعات رايحين جداً مو مناسب على الاقل للعوائل او للافكار المختلفة من الاخير فوت على كروباتهم ورح تشوف لعبان نفس
يبقى السؤال بالنسبة الي لجماعة التعليقات المتطرفة "لله يلعنهم/بلاد الكفر"!! كلش دا انغث لما اشوف هيج ناس بتعليقات وبنفس وقت هو موجود بكروب هجرة لاوربا ياعيني الاسلاميين اللي قافلين على اوربا شعدكم رايحين بدول الكفر والارهاب والزندقة وهيج مستقتلين عليها ؟ مو الافضل نبقى ببلادنا الاسلامية الطاهرة ؟ انت اخوية الشيعي وين رايح وعايف ارضك المقدسة ؟ انت السني تاج راسي تريد تبدل مكة ب ببرلين ليش ؟ اذا انتو تروحون چا والقدس منو يحررها اني لو الTop Fans بالصفحة؟
// الصورة من احد قنوات التيليكرام \\
#اناشجرة #العربي_الفاشل باز کردن / نظر دهید

2021-11-13 01:50:41 للتذكير متوفر دفع بايبال للفواتير وشراء منتجات والخدمات مقابل زين كاش العراق

ايضاً ضمن بلاك فرايدي متوفر امكانية شراء عروض اببسومو appsumo.com

سد ب سد دون اي عمولات او فائدة واذا كان مقابل كربتو انا ممنون منكم. اذا عدكم صديق محتاج هالشيء دزو عليه لطفاً باز کردن / نظر دهید

2021-11-12 21:42:50 رسمياً الليرة التركية هبطت ل 10 ليرة مقابل الدولار الاميركي باز کردن / نظر دهید