ملا جعفر البديري

2020-08-31 13:36:30

باز کردن / نظر دهید

2020-08-05 20:32:04 سحكتنه لجمتنه يموت بهيده عوفنه
ارحمنه كتلتنه بسجن لا تعذبنه
حوافرجن شجاهن هشمن صدره
صحت توه الشمر كام وكطع نحره
***************
عفته غافي بالصحاري وعالترايب دمه يجري
ايكلي زينب خويه الحكي خلي فوك الكاع ضهري
ردت اشبكه وخفت الجمه حسين الزمه امنين مدري
امن الحوافر خويه كلي والله ضل يوجعني ضهري

الزميني احضنيني يزينب لا تعوفيني
يالحنينه الهوه وينه اجر النفس خليني
شفت حسين متوسد عله الغبره
صحت توه الشمر كام وكطع نحره
****************
كمت انادي يالحوافر بله كافي وعوفي ضلعه
حرت اشيله امن الترابه لو ادور عن اصبعه
صدر اخيي اسهام كله وكوه يحجي حسين اسمعه
الكاع تجوي وهوه عاري مجفي وجها وهذا وضعه

عله اجروحه بجت روحه تسعر بيه نيرانه
اشكثر ضامي النحر دامي وحته اشفافه ذبلانه
افييله بعباتي ونحب بكتره
صحت توه الشمر كام وكطع نحره
********************
فوك جسمه الخيل جلت اثيابه اعاين سلبوها
بدم لحيته اشكد تخضب وحته العمامه خذوها
كام ينضر للمخيم ايشوف الخيام احركوها
بلايه رحمه الشمر كلهم بعدو زينب عن اخوها

يطعنونه يسحكونه ولا جنهم يعرفونه
الدمع غربه يبس كلبه اميه ما يشربونه
ليش الخيل تسحك ضلعه وتكسره
صحت توه الشمر كام وكطع نحره
***************
الشمر كاعد فوك صدره وبيده خنجر كمت المحه
طاح كلبي ويدي رجفت وكتله اوكف لا تذبحه
بهيده كتله ويه اخيي جرحي يكبر من تجرحه
اشكال كلبك من ذبحته راسه ينزف فوك رمحه

رحت يمه وشفت دمه وصحتلك يا شمر عوفه
الهظمني اكثر ابو الاكبر يسد عيونه بجفوفه
زينب ماتت وعدلت الف مره
صحت توه الشمر كام وكطع نحره
******************





كتله خويه اكعد اكعد لا تخليني وتسافر
ليش خويه مجفي وجهك بيك شمسويه الحوافر
جا ضحكتك وين راحت الجيش كله اعليك داير
الما يلوحك خويه منهم ضل يطعنك بالخواصر

وكف كلبي وحك ربي حرت اشلون اشيلنه
اكلبنه وندهنه بس يحجي ردت منه
مات حسين اخوي وكلبي شيصبره
صحت توه الشمر كام وكطع نحره
**************
تمت
تحسين الخفاجي باز کردن / نظر دهید

2020-07-10 14:43:21

باز کردن / نظر دهید

2020-07-10 14:42:55

باز کردن / نظر دهید

2020-07-10 12:10:35 باز کردن / نظر دهید

2020-07-09 13:07:07 The account of the user that owns this channel has been inactive for the last 5 months. If it remains inactive in the next 30 days, that account will self-destruct and this channel will no longer have an owner. باز کردن / نظر دهید

2019-03-27 16:46:46 #قصائد_مولد_الامام_علي ع

#مہؤسہسہهہ_مہنہبہريہونہ_للآلحہآنہ_آلحسـينهہ

متبـــاركين يا شيعة علي

بيت الله مهدك فــاز اليــودك
دوم آنه افخر ابحبك يحيدر
--------------------------------------------
انته امامي بيك التزامي انته الوثيقه
واللي يضدك والما يودك ضيع طريقه
واللي يجحدك ما راعه حقك وعاف الحقيقه
وخان الوصايه عاف الولايه لا ما نطيقه
يوم القيامه كلمن غرامه
وكل احنه نحشر ابحبك يحيدر
---------------------------------------------
بيك المناعه وصك الشفاعه بيدك تلزمه
ظل بيدك الصك والباري خصك انته التختمه
والما يحبك وضّحها ربك تاليته ظلمه
ايطب الجهنم وهناكه يندم متفيده ندمه
يشوف النهايه بحب الولايه
شيعه انتقدر ابحبك يحيدر
---------------------------------------------
ربك تعالى ابقدرة كماله كمّل خصالك
وانته يحيدر للامه جوهر آيــة كـمـالك
نهج البلاغه بيه الصياغه اتوضّح جمالك
ماكو مثيلك ماكو بديلك منهو ابــدالك
حيدر يغالي بس انته والي
للامه مصدر ابحبك يحيدر
---------------------------------------------
حبك فضيله وانته الوسيله الرب الجلاله
حكمك نعرفه ما يخفه وصفه حكم العداله
شخصك تميز بالحك تعزز نوره وخصاله
نورك توضح للامه اصبح بــدر ايتلاله
حيدر طباعه جود وشجاعه
ما نوكع ابشر ابحبك يحيدر
---------------------------------------------
حيدر عله الشر جن موت الاحمر والشر تحدد
سيف العداله رمح الرساله راية محمد
انته نصيره اختارك وزيره والباري يشهد
البحبك افصح ميزانه يرجح وبالجنه يخلد
انته امامي بيك اعتصامي
حكمي ايتقرر ابحبك يحيدر
---------------------------------------------
هادم هبلهم قالع حصنهم نالوا هزيمه
امفشل خططهم قاتل عُمرهم اهل النميمه
واللي يحبك سار اعله دربك يقهر خصيمه
يا وسفه حبنه صار ابزمنه ينعد جريمه
اصبح ذبحنه لعدانه سُنه
وانطينه منحر ابحبك يحيدر
---------------------------------------------
خادم اهل البيت عليهم السلام عمار العيساوي



مؤسسة منبريون للالحان رقم 1
@ahmed_alziwar1

مؤسسة منبريون لنشر القصائد 2
@ahmed_alziwar2

مؤسسة منبريون للمقامات3
@ahmed_alziwar3

مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA باز کردن / نظر دهید

2019-03-27 16:45:10 #قصائد_مولد_الامام_علي ع

#مہؤسہسہهہ_مہنہبہريہونہ_للآلحہآنہ_آلحسـينهہ

متبـــاركين يا شيعة علي



ياطيور الطايره ابچبد السمه
رفرفي الجنحين عد حامي الحمه
گلبي أخذيه .. لعلي وديه
@@@
بالله ياطير السمه لرفرف جنح
منيتي كل يوم من يطلع صبح
للنجف ياطير لو زاير تصح
اخذ روحي الشوگ سوه چم جرح
...
وي جناحينك يرف گلبي هوى
ولجروحي بالنجف صح الدوه
جرحي داويه .. لعلي وديه
@@@
لو تحط هناك بالصحن الشريف
خلي روحي تنعم ابذاك المضيف
گلبي من حبه رسم سهم او نزيف
وبس ربيع النجف والعالم خريف
...
محلا گبة حيدره تلمع ذهب
وشوگي رايد وگفتي فوگ العتب
ومهجتي بيه .. لعلي وديه
@@@
صحن حيدر صحن من جنة علا
والملايك للزياره نازله
والله ياذاك النفس بي حله
وانا عد بابه ونادي ياهلا
...
اوگف بهالروح عد بابه جريح
وياعلي طبيت بيوان الضريح
ومن اناديه .. لعلي وديه
@@@
چن خليه عسل عد مير النحل
بين زاير بين داعي وابتهل
وماكو واحد يمه فاقد للأمل
بس يصيح ادخيل ياخير العمل
...
يلثم الأعتاب ويطب لعلي
مشفى للآهات والهم ينجلي
دخيل حييه .. لعلي وديه
@@@
نحضن الشباك بضلوع الصدر
وخاطر المحبوب بالحب ينجبر
مانعد اهناك بيامه العمر
وشي أكيد ذنوبي عنده تنغفر
...
مكحل عيوني بجلالة حضرته
وبس أتاني من ولينه نظرته
مرادي ينطيه .. لعلي وديه
@@@
علي جنه الله واتحبه الجنان
وعلي إلنه بالحشر اعظم ضمان
علي مو لحظه ويحدوها بزمان
وعلي مو بس بالنجف عنده مكان
...
علي ساكن بالموالين الهرش
وإله طبعًا كون روحي تنفرش
بصدري خليه .. لعلي وديه
@@@
اي وحگ الزهره جنيت ابعلي
وگلبي شوفه من محبته ممتلي
عفت كلشي حتى خلي وي هلي
كون حبه بس مرامي وموئلي
...
ألي عنده حيدره گلي شفگد
ولا ماعنده علي شلي وجد
أمري بيديه .. لعلي وديه
@@@
علي احمد الحمود
١٠-٣-٢٠١٩
مولد الأمير ع



مؤسسة منبريون للالحان رقم 1
@ahmed_alziwar1

مؤسسة منبريون لنشر القصائد 2
@ahmed_alziwar2

مؤسسة منبريون للمقامات3
@ahmed_alziwar3

مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA باز کردن / نظر دهید

2018-12-02 22:37:06 #هي_رسائل_من_قلب_يكاد_ان_لا_ينبض



احبك •• اضيع بكل نفس من يعبر ابدونك
احسك •• امان الله وحنانه التارس اعيونك

ادورك شهــــگه بنفاسي
ارسمك كلشي بحساسي
هجرتك واعتذر مولاي
اني ادري الهجر قاسي

▬▬▬▬▬▬▬▬▬▬▬▬▬▬

اعتذارات•• أقدمهن واحس جلماتي سوده
حرامات •• اخون الـ الله خالقني علموده
شجم جمعه الجزتني••• والك ما قربتني
حرامات••حرامات

▬▬▬▬▬▬▬▬▬▬▬▬▬▬



وين انتَ يالمَهدي ــ خَلصْني من عندي
انــــه وين وانتـــِـظارك صـــــار ويــن
روحي اخذها عليـك مشيت الحسين

▬▬▬▬▬▬▬▬▬▬▬▬▬▬



صار الغروب ـــ انــــسدت البوب
وكل غريب الليــله يم احبابه راجع
انت ماجيت ـــ ولا الك بيــــت
وفرغت من الناس يالمهدي الشوارع
بهالظلام تروح وين ؟؟؟

▬▬▬▬▬▬▬▬▬▬▬▬▬▬



كســرة الخاطـــر ثگيله على اليتانون
اتعودت دوم بــغيابك تحچي العيون
وين ما الگـــالي حيل اركض واتانيك
ثگيل هجرك ما بـعد تتـــحمله امتون

مـسافات .. عـشت عمري اعد خطوات الوداع
رسالات .. اضل احچي ابمغيبك واترس الگاع

▬▬▬▬▬▬▬▬▬▬▬▬▬▬



يحيل الله شكــــثر باچي
شچم مغرب تفر روحـــك
آه على السبي شـــحاچي
الله يـــــهون اجـــروحك

يبو گلب الـــصدگ صافي
شچم جمعة الخذت لونك
اضنــــــك لســه مــاغافي
الله يـــسـاعد عيـــــونك

▬▬▬▬▬▬▬▬▬▬▬▬▬▬



اريد بشوفتك احضه •• ولو ساعة ولو لحظة
ولو گد رمشت العين
بعطفك سيدي اشملني •• اريدك كون تجعلني
عبد واباب الحسين

▬▬▬▬▬▬▬▬▬▬▬▬▬▬



الله يساعدك مولاي
نوايانا صدك سوده
على البيبان رايح جاي
والبيبان مسدوده ... باز کردن / نظر دهید

2018-09-14 02:27:32 باز کردن / نظر دهید