2021-08-20 22:29:49
اختبار كل اسبوع لـ يوم الخميس الخاص بمادة اللغة الإنجليزية لطلبة السنة التحضيرية .
-
اولاً | الاختبار ينقسم لـ 3 اقسام .
1 / رايتنق .
2 / سبيكنق .
3 / لاب .
القسم الاول | الرايتنق .
مبدئيًا اول اختبار بيعطونكم ورقه فيها جهتين ، وش تتكون منه ؟ .
الجهة الاولى بيكون فيها كلمات من الفوكاب وقطعه اسفلها ، وانتو تحطو هالكلمات في الفراغ المناسب عشان تكملون القطعه تقريبًا 5 كلمات + يجيبون لكم 5 كلمات تصنفونهم ( noun, verb, adjective ) .
الجهة الثانيه بتكون سؤال بهالشكل : Make complete sentences from the words , وطبعًا بالاسفل بيكونون حاطين كلمات ترتبونها وتكون جملة .
-
بعدها الاختبار بيتطور تدريجي ، وبيكون لفترة كذا الصفحه الاولى نفسها لكن الصفحه الثانيه بتتغير وبيكون يجي موضوع او سؤال وتكتبون فيه رأيكم كـ برقراف وهالشي بيكون عليه تدريب كيف طريقة الكتابة الصحيحة و ايش المطلوب منكم تكتبون كل اسبوع .
مثلاً يكون العنوان : Write a paragraph describing your own special possession or collection.
طبعًا العنوان يكون مستوحى من اليونت اللي خذتوها بالاسبوع نفسه وبيعطونكم تعليمات عن طريقة الكتابة كما ذكرت ومبدئيًا بتكتبون 5 جمل فقط مع المستويات والاسابيع راح توصلون 15-20 جملة ولازم فالبرقراف تكتبون جمل/ه فيها القرامر اللي اخذتوه بنفس الاسبوع ، ومدة الاختبار 50 دقيقه اذا م تغير لكم .
القسم الثاني | السبيكنق .
مبدئيًا المس بتعطيك سؤالين الى ثلاثه ممكن وانتِ تجاوبين ب جملة صحيحه وكذا خلص السبيكنق .
بالبدايه بيكون سهل وبسيط .
مثلًا : What is a disadvantage of living in the forest, Do you live in a bus?
كل حرصهم مبدئيًا بيكون انك تقدرين تجاوبين على الاسئلة القصيرة والـ yes/no question بإجابه صحيحه وبرضو راح يتغير ويتطور مع المستويات وبتوصلون اخر مستوى يجيك سؤال وتفكرين فيه بحدود دقيقتين وتتكلمين بوقت معين يتحدد لك كأنك تقدمين برزنتيشن عن السؤال اللي جاك ب افكارك الشخصية .
القسم الثالث | اللاب .
هالقسم فيه اكثر من جزء وطبعًا كله اختياري وبيكون على جهاز كمبيوتر ومدته كامل برضو 50 دقيقه .
1 / ليسننق : بيعطونكم مقطع صوتي وعليه اسئلة ، ومقاطع صوتيه تكتشفون جوابها من القرامر اللي درستوه .
2 / ريدنق : بيعطونكم قطعه مقال او قصه او اي حاجة وعليها اسئله تتعلق بالموضوع اللي بتقرونه ومو شرط يكون الجواب واضح قدامكم بعضها يحتاج تكتشفين الحل بفهمك للنص .
3 / قرامر : مثلًا فقرات تكتشفون وين الغلط او تختارون الجملة الصح بين عدة جمل بناءً عاللي درستوه .
4 / فوكاب : مثلًا يجيبون كلمه وتختارين التعريف او عكسها او نفس الرايتنق تحطين الكلمه المناسبه في الفراغ المناسب او تصنفينها ( noun, verb, adjective ) .
-
بكذا تكون أنتهت اختبارات كل خميس .
وكل قسم له درجة خاصة فيه ، لكن م ياخذونها كاملة يعني وش ؟ كل اسبوع تختبر فيه ياخذون نسبة من درجاتك في هالاختبارات .. بالعربي كأنك تعوض اي نقص وتتلافى لان هالماده اختباراتها كثيره صح لكنها للفايده .
والامثلة اللي حطيتها لكم اخذتها من واقع اختباراتي الاولى بالجامعة مو تبسيط او تهويل لأحد أي تقدرون تتطمنون انها ممكن تكون نفس الطريقه بالبدايه .
2.5K views19:29