2019-05-14 14:04:53
للمتزوجات فقط حتى البنوتات يكدرون يستفادون من نصائح بالمستقبل نصائح حصريا الاحلى سنادس
نرجع وياكم وفقرة ديربالج تسويه وشوية نصائح بنات
تفاعلكم على فقرة النصائح مو شي ليييييش
وعندج علم ...
خليج مرحه شويه وعوفي النكد
مو دائما تحسسين الرجل انو هو سبب تعاستج لان راح تطك روحه منج وتدرين بيه نفسه ضيق
دائما تكونين حساسه وتأثرين بسرعه من الكلام الي تسمعيه وخاصة عن اهلج ..اوك گلبي بس لاتزوديها وتشلغمين على گلبه
الرجل قد يكون بليد في بعض الاحيان ولايفهم ماتريد المرأة لهذا راح نتطرق لبعض الامور الي مايفهموها والي ماتعرف المرأة ان تتصرف بهذه الحالة
1_عيني اذا سألج شبيج او شخيرج لاتكولين مابيه شيء ..لان هو موساحر حتى يعرف شنو بداخلج ولا يعرف يقرأ مابين السطور ولا راح يفهم من سكوتج سبب زعلج احجي وياه فضفضي لا تدلغمين
2_ من تضوجين ولما يشوفج حزينة ويحاول هو يضحكج ويتشاقى ..فهذا معناته هو يريد يخفف عنج ويريد يشوف سنيناتج
.فلا تضوجين لان هو مجاي يتشمت بيج .
3_وزنج زاد شوي وكرشج كبر .. خاتون مراح يأخذ باله من الكيلوين الي زادوا لان هو يحبج مثل ما انتي عاد لاتكلبها دراما وافلام هندية ومسلسلات تركية..خذيلج سنيكرز احسن.
4_عوفي الماضي للماضي ..لاتظلين تدورين دفاتر عتيكة لان هو وياج هسة..
5_لاتفتشين التلفون دخيل الله ..بعدين تخربين الاول والتالي بعصبيتج وتسرعج..عندج شي احتفظي بيه لنفسج
6_احبج كلمة قليل ماتسمعيها منه لكن تكون صادقة لان طالعة من قلبه
7_مهما كنتي جميلة لكن الشخصية هي العامل الرئيسي في الحياه الزوجيه
8_اذا كنتي موظفة او طالبة وعندج اصدقاءه وزملاء من الذكور فأن الزوج يشعر بلتهديد منهم ومايحب انو انتي تتواصلين وياهم مهما كانت علاقتهم الاجتماعية والنفسية تجاهج
9_الرجل يحتاج الى ان يشعر انو انتي محتاجته مهما كنتي معتمدة على نفسج ومستقلة وقوية
10_من وقت لثاني حاولي تفأجأيه بشغلة حلوة او هدية او تغيير ..مو بس انتي تحبين المفأجأت
باعي الرجال يتقشمر بسرعه باقل شي تسوينه
11_اذا كان عيونه زايغة ويباوع لغيرج فهذا شي موبيده هاي سولة او عادة مايكدر يغيرها بسهولة ولاتأخذيها على نفسج بانو انتي ماحلوة ..فأنتي حلوة غصب عنه
12_يحب ان تعتمدين على نفسج بحدود وبشغلات محددة بلبيت (اكو شغلات يحب اختياراتج بيها )
13_لاتحاولين ان تبعديه عن اصدقاءه او تقارنين نفسج بيهم ..لان راح تدخلين نفسج بمعمعة وياه
14_الرجال دائما يفضلون المكالمات للتواصل ومو الرسائل ..حتى يسمع صوتج سندوس
#اعـاده_توجيـــہ_لتنسون
2.0K views11:04