#تجربه تجربتي بالقدرات من ٨٦ الى ٩٩ (الحمد لله) السلام عليك | قدرات ثانوي ( ورقي و محوسب )
#تجربه
تجربتيبالقدراتمن٨٦الى٩٩(الحمدلله)
السلام عليكم انا بندر حبيت اتكلم عن تجربتي من ٨٦ ( ورقي) الى ( ٩٩ ) محوسب
اول محاولة ( ورقي ) : زي اي شخص يسمع كلام ان الاختبار معقد وصعب والاغلب جايب ب ٦٠ او ٧٠ بالورقي ليش ؟ لأن اغلبنا يروح تجربه اول محاوله، وهذا اكبر خطأ تسويه في حياتك ان تضيع فرصه عشان تجرب ، طيب عندك مواقع كثير ( مجانيه ) يمديك تختبر اختبار محاكي . اولاً بديت بالتأسيس : الكمي : يخوان التأسيس حرفيًا اهم شي ، بديت بتأسيس فهد باليوتيوب وخلصته وحسيت انه مو شامل ف رحت جرير واخذت كتاب المعاصر ، بتشوفه كبير وطويل ولكن لو خلصته بتلاحظ الفرق بيصير تأسيسك توب التوب اللفظي : اخذت كتاب هدفك ٧ فتحته وقريت فيه شوي صراحه ما اعجبني ورحت تأسست بمقاطع ايهاب باليوتيوب لأنها مختصره بعدها بديت بمرحلة التدريب للورقي : ذاكرت حق اخر سنه من تجميعات السنين ودخلت الاختبار وكنت متوتر قليلًا ولكن بعد مادخلت القاعه راح التوتر وبديت احل . الحمد لله طلعت الدرجه ٨٦
المحاولة الثانية ( محوسب ) : دخلت محوسب وبما إني متأسس من اول ف ما يحتاج اتأسس مره ثانيه دخلت على طول على نموذج ١٠٥( كمي ولفظي ) كان النموذج جديد وقليل شارحينه باليوتيوب( الكمي ) ف واجهت بعض الصعوبات . واختبرت وجبت ٩٤ .
المحاولة الثالثه ( محوسب ) : الطمع وما يفعل كنت راضي ب ٩٤ بس كم شخص بالقروب حمسني لهم جزيل الشكل ، كانت درجتي بالكمي ٨٨ ف احتاج ارفعها فركزت عليه واخذت كتاب المعاصر ال ١٢٠ نموذج وختمته كامل ، الكتاب ذا جدًا فادني ، ولكن خطئي اني ركزت على الكمي وتركت اللفظي وبالنهايه لقمت جبت ٩٢ ( الكمي ٩٨.٦ واللفظي ٨٦ ) شعور احباط فظيع انك تنقص عن الي قبل ولكن تعلمنا من الدرس
المحاولة الرابعة والاخيرة ( محوسب ) : كنت مرتاح لاني تقريبًا فاهم اغلب الاشياء بس احتاج مراجعه، سويت نفس المحاوله الثالثه وراجعت نموذج ١٠٥ لفظي طبعًا فهمت وحفظت التناظر اما باقي الاقسام حفظ بس ، نموذج ١٠٥ اللفظي جدًا مهم لو اختبارك محوسب ، وجبت ٩٩ ( الحمد لله )
كم اخذ معك وقت عشان تجيب هذي الدرجه ؟ يختلف من شخص الى شخص في ناس يخلصونها ب شهر وفي ٣ او ٤ أشهر ف أنت الي تحدد كم ياخذ مدة
بالختام / اشكر جميع أعضاء قناة سحاب ما قصرو جميعًا معي ، ومافي شي يجيك بدون تعب لازم تجتهد وتتعب وبتجيب الدرجة الي تطمح لها ( بإذن الله ) ، "واذا اعجبك شي اذكر الله"
قناة قدرات ثانوي : https://t.me/Kodurat1 قروب قدرات ثانوي : https://t.me/Kodurat2 قناة تسريبات قدرات : https://t.me/Kodurat3 -