#تجربه
السلام عليكم
تجربتي مع القدرات كانت متعبه بكل امانه ولكن ولله الحمد الله مايضيع تعب احد وحققت الي ابيه
على العموم بدايتي كانت مع القدرات الورقي اول اختبار رحت بدون ما اذاكر على اساس تجربه وكان اكبر غلط وجبت ٦٦
المحاوله الثانيه برضوا كانت ورقي وما ذاكرت ورحت على عماي وجبت ٧٧ وكنت مبسوطه صراحه اني ارتفعت ١٠ درجات بدون مذاكره
الثالثه كانت محوسب و خذيت الوضع سمردحه وقلت يلا مارح اذاكر وبجيب اكيد درجه اعلى ورحت ونقصت وجبت ٧٤ وصراحه زعلت على النقص
المحاوله الرابعه ذاكرت اسبوعين كذا وكلها لفظي وللأسف جبت ٦٩ وصدق صدق تحطمت وحجزت اختبار بعد شهرين و ١٤ يوم وبديت اذاكر منجد الكمي تأسست من المعاصر ٦ بلس بعدها مريت على نموذج ١٠٥ حفظت اللفطي حفظ والكمي تدربت شوي عليه والتسريبات الي قبل اختباري بأسبوع تدربت عليها وحفظتها ولله الحمد جبت ٩٤
المختصر ان مافيه شي بيجيك بدون اجتهاد او حظ ولا تضيعون فرص على اساس انها "تجربه" واسف على الاطاله والله يوفقكم جميع ويرزقكم الدرجات الي تتمنونها
