#تجربه ما شاء الله اول ما بديت اذاكر للقدرات كان في ثاني ثا | قدرات ثانوي ( ورقي و محوسب )
#تجربه
ما شاء الله اول ما بديت اذاكر للقدرات كان في ثاني ثانوي بالبدية قبل لا تبدأ المدرسة كنت اذاكر التأسيس حق فهد التميمي في اليوتيوب، بس خلصت المقاطع وقفت كنت اذاكر للمدرسة بعدها سجلت للاختبار الورقي الفترة الثانية و دخلت في دورة مع أستاذة شيماء ابو الخير للتأسيس كانت مدتها شهر ومره استفدت منها (كانت تشرح كتاب المعاصر ٦ بلس) و بعد ما خلصت الدورة بديت اذاكر كتاب التجميعات الي يجي مع المعاصر ٦ بلس ذاكرتو كلو و ذاكرت التسريبات و دخلت كان الاختبار مره حلو و الحمدلله جبت ٨٤ طبعا انا غلطت و كنت ما اذاكر اللفظي كنت مره مطنشيتو وهذا الي خلاني انقص كثير بعدها ارتحت من القدرات و رجعت للمذاكره دخلت دورة التأسيس المكثف للأستاذ فهد التميمي و كانت مرره حلوه و شرح الاستاذ كان مرره بسييط وشرحو على طول يدخل العقل و دخلت دورة مع الاستاذ احمد عرابي للفظي وكانت الدورة مرره جميله و استفدت منها بشكل كبير و بس خلصتها دخلت دورة للفظي برضو مع الأستاذة العنود العنزي كان شرحها مرره حلو و بسييط ( كان هدفي اجمع اكبر قدر ممكن من المعلومات من جميع النواحي) بعدها ذاكرت التجميعات وهي: * ال١٠٥ كمي ولفظي * كهف الفيلة * النوتة * تقفيلات المنصف *التكميلية ٧ * ملخص ال١٠٥ لفظي * الخواوزمي *و ملفات مراجعة مثل : ملف ليلة الامتحان - ملف أهم قوانين القدرات - ملف التقفيلات الإصدار الرابع * كان عندي كتاب الرابح التدريبات و كنت احيانا اتدرب منو سويت لي جدول ومشيت عليه و هذي احسن طريقة : كنت اقسم عدد الصفحات على عدد الايام و مشيت على هذي الطريقة على كل النماذج وبعدها دخلت الاختبار و كنت مره خايفة والحمدلله كان مررره سهل و بسييط بعدها طلعت درجتي بعد اربع ايام تقريبا و الحمدلله مره مبسوطة فيها طبعا كنت اذاكر كثيرر.. مستحيل احد يوصل لهدفو بدون ما يتعب عشانه طبعا حابه اشكر ماما و بابا كانو دايما يشجعوني و يساندوني من جميع النواحي الله يخليهم لي يارب كنت اذاكر مع صديقتي و كنا دايما نشجع بعض ع المذاكرة و الاستمرارية ++ كنت دايما اقرأ صفحتين من القرآن الكريم و اكيد هذا كان سبب في وصولي لهذي المرحلة بالاخير حابه اقول : اطلبوا من الله على قدر ملكه لا على قدر أحلامكم ، فمالك السموات والأرض لن يعجزة شي ... فاطلبوا المستحيل
