#تجربه السلام عليكم.. معكم أخوكم أحمد .. حاب أنقل لكم تجربتي | قدرات ثانوي ( ورقي و محوسب )
#تجربه
السلام عليكم.. معكم أخوكم أحمد .. حاب أنقل لكم تجربتي لاختبار القدرات وكيف قدرت أخلص منه من أول محاولة الحمدلله .. طبعاً جبت ١٠٠ بالكمي و٩٦.٩ باللفظي والتوتل ٩٨ الحمدلله على كل حال
طبعاً بديت أذاكر في إجازة أولى ثاني وأنا رايح ثاني بديت تقريباً قبل بداية ثاني ب شهرين تقريباً واختبرت في اول أسبوع للدراسة وخلصت الحمدلله
ابدأ لكم بالتأسيس .. طبعاً أنا تأسست من مقاطع اليوتيوب من فهد التميمي وعماد الجزيري .. والسبب في أني تأسست منهم ولا احتجت كتب هو أن مستواي في الرياضيات يعني حيل كويس ويعني بس يبيلي تذكير فقط بالاشياء الأساسية ولا يحتاج لي تفصيل .. ف يعني إذا أنك انت عزيزي القارئ مستواك جداً ممتاز بالرياضيات ف أنا بوجهة نظري أشوف أنه ماله داعي أنك تتأسس من كتب أو من دورات .. إلا إذا تحس مستواك يعني مو لهناك بالرياضيات ويحتاج لك تفصيل زيادة ف في هالحالة أنك تاخذ كتاب أو دورة أفضل ..
طبعاً تأسيس اللفظي نفس الشي يعني تأسست من مقاطع في اليوتيوب من قناة إيهاب واشوف ان التأسيس من اليوتيوب يكفي يعني مايحتاج لاتخش دورة ولا يحتاج كتاب .. لأن اللفظي يعني انا اشوف اذا تبي نسبة لازم تحفظ .. افهم اللي ينفهم واحفظ اللي ماينفهم
نجي بعدها للتدريب .. طبعاً خلصت تأسيس كمي ولفظي تقريباً ب٧ أيام وبعدها بديت أذاكر النموذج الحالي نموذج ٨٥ (اللي هو الحين ١٠٥) ايي يعني وبديت اتدرب عليه في الكمي واللفظي في نفس الوقت .. مع الوقت حسيت روحي اتطور بالكمي .. احل مسائل اسرع .. كبداية أحل باليوم ١٠ صفحات وبعدين تطور الوضع وقمت احل ٢٠ ثم ٣٠ ثم الحمدلله قدرت أخلص أكثر من ١٠٠ صفحة في يوم واحد .. واللفظي نفس الشي معتمد على فهم التناظر اللفظي واللي مافهمه احفظه على طول والباقي حفظ مثل اكمال الجمل والخطأ السياقي واستيعاب المقروء ..
والحمدلله جا موعد اختباري ودخلت الاختبار وكلشي سهل الحمدلله .. مذاكرتي تقريباً شهرين أو اقل يمكن .. والحمدلله الحمدلله بعد تعب شهر وأكثر بعد قدرت أني أجهز دورة خاصة فيني أقدمها أنا بنفسي تشمل كل مايهم الطالب من تأسيس من الصفر + تدريب حطيت فيها كل خبرتي بالكمي وان شاء الله راح تفيد كثير من الطلاب وبس ان شاء الله ماطولت عليكم والله يوفقكم ويوفق الجميع يارب
واللي يبي يتواصل وياي أو يستفسر عن أي شي حياه الله
أخوكم أحمد : @AhmedQdRat
قناة تجارب القدرات : https://t.me/Kodurat1 قروب قدرات ثانوي : https://t.me/Kodurat2 قناة تسريبات قدرات : https://t.me/Kodurat3 - لمشاركة تجربتك أرسل هنا @Tgarpqudrat_bot
