🎤قصائد خالده مكتوبه🎤

2022-05-25 10:45:37 باز کردن / نظر دهید

2022-05-25 10:45:36 باز کردن / نظر دهید

2022-05-25 10:45:35 باز کردن / نظر دهید

2022-05-25 10:45:31 #نسالكم_الدعاء باز کردن / نظر دهید

2022-05-25 10:45:31 عطر _

آجْرَك يالخــادِم عالزهـرَه
__
بهاي الخدمه الـ ما تتعوَّض
باچــر لو من گبــرك تـنهَض
گبال الزهره وَجهَـك أبيـض

الله وياهه الحَبهه يحشرَه
آجْــرَك يالخــادِم عالزهـرَه
__
شتـگول الزهـره المَـرضيّه
آجْـرَك يالتِــخدمني اعلـيّه
الواحِد عِدهه اتردّه بـ ميّه

و گلبك بالفردوس اتبشره
آجْــرَك يالخــادِم عالزهـرَه
___
من تصبح خادم متواضِع
باچــر عــنك هِــيّه ادافِـع
و مِن تـگول أول مو رابِع

حيدر سعيك هيّه اتشُكره
آجْرَك يالخــادِم عالزهـرَه
___
لـ خاطرهه لا مَتظل حاير
كل أمــلاك الخــالق بـاچر
شتـــريد ايگـلولك حاضر

شانَك يالتِخدمهه اشكبره
آجْــرَك يالخــادِم عالزهـرَه
___
يالتلطُم عالزهـره بصدرك
عــالي ابين الـوادم قَدرك
بس الله الي يعرف آجرَك

يامَنْ لَطــماتَك عالسَطره
آجْرَك يالخــادِم عالزهـرَه
___
بالمحشر من ايصيحونك
خادم لـ الزهره ايعرفونك
بچف العباس ايسجلونك

و حسين ايناديك بنحرَه
آجْرَك يالخــادِم عالزهـرَه
___
لـ الجنّه يشوفنك داخِل
و بأســمَك ناداك الكافِل
يالخـادِم والله تـستاهِل

عن كل دمعه و لطمه وحسره
آجْــــرَك يالخــادِم عالــــزهـرَه

الشاعر حاتم صبري الكاظمي



#نسالكم_الدعاء باز کردن / نظر دهید

2022-05-25 10:10:58 نعي بحق فاطمة بنت الحسين "عليها السلام" العليلة
الشاعر الشيخ كاظم المنظور الكربلائي
"رحمه الله تعالى"


* عن لسان حال إبنة الحسين العليلة فاطمة الصغرى العليلة

عليله والگلب يا ناس مالوم
إو چاتلني السهر وإمحاربه النوم
و هذا العلي من ألله مقسوم
مسگوم إو دمعي مسچوم
ذبني زماني إو مگدر أگوم
من علتي إو من ثگل الهموم
إو روحي عله إضعون إخوتي إتحوم
وين اليرد لهفة المهضوم
إيروح الكربله إو ياخذلي إعلوم
چني إبخبر والخبر ميشوم
وأشوف إخوتي إتغسلت بدموم
إو چن المخيم حرگته الگوم
وإتيسرت زينب إو چلثوم
أصبر وأحتسب والصبر محتوم
* * *

* أبوذيات :

جرعت إمن النوايب چاس مرهان
إو جسمي عله أشفار الموت مرهان
من يصعب عليّه المرض مرهان
إبدار أهلي إو غريبه إشلون بيّه
* * *
عله هونك يحادي النوگ تنواي
أشوف إضعون أهلنه وين تنواي
عليله إو فوگ علتي إبنار تنواي
روحي من لهيب الغاضريه
* * *


الشاعر الشيخ كاظم المنظور الكربلائي
"رحمه الله تعالى" باز کردن / نظر دهید

2022-05-25 10:08:44 قصيدة ٢
گعدة : يا علي نحبك ولا نبالي
«شيعتي»
الشاعر الشيخ كاظم المنظور الكربلائي
"رحمه الله تعالى"


يفاروق الديانه إلك عدنه أمانه
عهد من عالم الذر هذا مضمونه
نحبك لو عله حبك يگـطعونه
يفاروق الديانه
* * *
يا علي من ثمر حبك طابت إنفوس البرايه
إو من تطيب النفس تشعر جاذبة حبك هدايه
إو جوهر ألإكسير فضلك ما ترك للمحب سايه
من عالم الذر إنعرض حبك إو عالناس إنفرض
والجاثم إبگلبه المرض ما يقر لك بالولايه
عله عهدك ترانه إو نقدملك ولانه
وسام إبجبهة المؤمن تعرفونه
نحبك لو عله حبك يگـطعونه
يفاروق الديانه
* * *
يا علي صارم ودادك گطع گلب الجاهليه
والملك حبك دليله ملك حب ألله إو نبيّه
تأفل إنجوم الموده إو تطلع الشمس المضيه
وإحنه عله عهدك نزف بالحب عقايد تنوصف
إو منضيّع إبحبك عرف نحمل إبحبك هويه
هوية حب إمامه إو مكاسبها الكرامه
يبو حسين إو أهل بيتك يكرمونه
نحبك لو عله حبك يگطعونه
يفاروق الديانه
* * *
يا علي المرآة حبك جوهرة فضلك تسجل
صورة تعكس للرساله والجلال ألله مشعل
والصور تعكس معاجز والشدايد بيها تنحل
إوگلب الموالي يبتشر إبنورك ينبراس الفكر
إورددت حبك بالشعر إو حبك إمن الشعر أجمل
إو عله إبيوت ألأماجد مشينه إعلـه المقاصد
وصلنه إو سادة العالم يحبونه
نحبك لو عله حبك يگـطعونه
يفاروق الديانه
* * *
يا علي عشاگك إحنه إو يرعه كل عاش رقيبه
إو كامرات الحب تصور صور للعاشگ غريبه
إو ذكريات الطيب تجمع بين محبوب إو حبيبه
وإحنه إبولائك نتصل إو ما نگطع إحبال الوصل
والفرع يرجع للأصل والفته إيجيبه حليبه
إبثدايه الحب رضعنه إو عله الفطـره نشأنه
وأهلنه چانو إبحبك يغذونه
نحبك لو عله حبك يگـطعونه
يفاروق الديانه
* * *
يا علي گلب الموالي ورع ما يسمع ملامه
مدرع إبحبك إو حبك للعذل يشگف إسهامه
والعگل هايم إبشوگك مغرم إو مشتد غرامه
والعگل لو هام إبرشد يتسنم إبذروة مجد
إو عن ثمر حبك ما يصد إو لا يهد حبل التزامه
إلتزمنه إبحب علينه إو عله سنـة نبينه
ننادي والملك بسمك ينادونه
نحبك لو عله حبك يگـطعونه
يفاروق الديانه
* * *
خل يعاذل روحي خلها إبروضة الحب مستراحه
لو گلت مجنون حگك لاچن إجنوني فصاحه
ما تگلي يا فصيح إلما يشم ورد الملاحه
زهرة مصابيح ألأمل حيَّ على خير العمل
لا حيه إبديني إو لا خجل والمحب يحچي إبصراحـه
يبو حسين إقتدينه إو عله حبك بنينه
عهدنه والعواذل خل يعذلونه
نحبك لو عله حبك يگطعونه
يفاروق الديانه
* * *
يا علي إو ساعة البيها تشخص أبصار البريه
ناس تدركها الشفاعه إو ناس بجهنم رميه
وإحنه نعبر عالصراط إبلا عريضه إو دعوتيه
نمشي إبشفاعة فاطمه إو صـك العبر نتسلمه
منك يحماي الحمه إو ندخل الجنه الزهيه
إو لا مانـع يصدنه إو لاحارس يردنه
إنتقابل عالسُرُر والسرر موضونه
نحبك لو عله حبك يگطعونه
يفاروق الديانه
* * *
يا علي شيصير گلب البيك متعلگ وداده
لو سمع شيبك تخضب إو خضبته إدموم الشهاده
وإنجسم راسك إبطبره ما ثبت بألله إعتقاده
سيف إبن ملجم صوبك وإبفيض دمك خضبك
ياعلي إو ربك قربك إله إبمحراب العباده
يبو حسين إنفجعنه ولا ينشف دمعنه
إو عله إمصابك محبك تهمل إعيونه نحبك لو عله حبك يگـطعونه
يفاروق الديانه
* * *


الشاعر الشيخ كاظم المنظور الكربلائي
"رحمه الله تعالى" باز کردن / نظر دهید

2022-05-25 10:06:56 #ابوذيات_للزهراء_عليها_السلام
الشاعر الشيخ كاظم المنظور الكربلائي
"رحمه الله تعالى"



عگب عزنه علينه الدهر ينصاب
فجعنه وخله دمع العين ينصاب
أنه بت من ومني الضلع ينصاب
أو حمايه إمگيد إبحبل الوصيه
* * *
ثجيل الهم عله دهري يفضه
تراكم والصبر عني يفضه
سگط محسن دلحگيلي يفضه
يتمني الدهر وإنگطع بيّه
* * *
نشر حزنك عله راسي علامه
يبويه إو دم تهل عيني علامه
إبوجهي ظلت السطره علامه
أجيك إو شوف شنهو الصار بيه
* * *
عله عيني يمر النوم بسمار
شهد ما شفت من دنياي بسمار
عليله والضلع مصيوب بسمار
أنازع وأجرع إبچاس المنيه
* * *


الشاعر الشيخ كاظم المنظور الكربلائي
"رحمه الله تعالى" باز کردن / نظر دهید

2022-05-25 10:03:55 مشاهدة "نتيجة غيبتك | الرادود باسم الكربلائي" على YouTube


باز کردن / نظر دهید

2022-05-24 14:39:07 في هذا اليوم مكبرات الصوت في #العتبتين_المقدستين
أحزنتنا وأبكتنا وهي ترج بيوت الكربلائيين بالنعي، المحال
والدكاكين اغلقت بالكامل، والناس تتجمهر العتبتين المقدستين
تنعى وفاة الرادود الخالد الشيخ ((حمزة الزغير الكربلائي)) طاب ثراه ، بهذا اليوم ٢٢ شوال من عام ١٩٧٦م

قرأ المئات من القصائد الحسينية أبرزها وأشهرها
قصيدة (يا شهر عاشور ما مثلك شهر)
وقصيدة (احنه غير حسين ما عدنا وسيله)
وقصيدة (كلي يالميمون)
وقصيدة (جابر ياجابر ما دريت بكربلاء الصار)
وقصيدة (انا ام البنين ودهري ذبني)
وقصيدة (اشلون بيه وثگل وزن حسابي)
وقصيدة (يمة اذكريني من تمر زفة شباب)

نعم خدم الحسين بإخلاص فخلد الحسين (ع) ذكره
رحم الله من أهدى لروحه سورة الفاتحة باز کردن / نظر دهید