2021-04-19 22:31:44
ودعتني بلا خبر
لو حجر ذاب الحجر
من غبت غاب القمر يا علي*
جمر ياكل بالجمر دمعاتي تجري
ابنار توديعك تبخر ماي صبري
ابحالي ليلة وحشتك بس الله يدري
من بعد عمرك عسن لاطال عمري
من شفت نورك رحل
فرغ بيتي امن الأهل
ما قلت ناوي السفر يا علي
ودعتني بلا خبر
لو حجر ذاب الحجر
من غبت غاب القمر يا علي*
جنت كل رمضان بويه اقبال عيني
ابد ما أفطر لمن شخصك يجيني
تدري مو للماي يالهفة حنيني
أفطر بوجهك كنت من تعتنيني
شوفتك تروي الضِمه
وحق دمعة فاطمة
قلبي بجفاك انكسر يا علي
ودعتني بلا خبر
لو حجر ذاب الحجر
من غبت غاب القمر يا علي*
كل أذان المغرب اسمع صوت أذانك
هسه تجري دموعي جي فارغ مكانك
راحت أيامي القبل حلوه ابزمانك
ولو بالعباس أشم ريحة حنانك
بي حنانك من تحن
يون وياي أمن اون
لو صحت يحني الظهر يا علي
ودعتني بلا خبر
لو حجر ذاب الحجر
من غبت غاب القمر يا علي*
بويه أذُكرك من تخلي ايدك عليه
وتمسح ابظهري التضربه اسياط أميه
شلون لو شايفني بعيونك سبيه
كون شايف يا علي قبالك رقيه
والله قلبك ينشلع
لو شفت نار الدمع
من تموت اعله النحر. يا علي*
ودعتني بلا خبر
لو حجر ذاب الحجر
من غبت غاب القمر يا علي*
تدري حال البت يبويه ابغير ابوها
اطيح خيمتها او غريبة يوصفوها
ياهي مثلي اقبالها اذبحون اخوها
وأنا اخت ساقي العطاشه ايعطشوها
عطشوني بلا ذنب
منعوا الماي العذب
والكفيل اعله النهر
يا علي**
ودعتني بلا خبر
لو حجر ذاب الحجر
من غبت غاب القمر يا علي*
من اودعك شرد اقولن لليتامه
من ينشدوني متى اتعود ابسلامه
بويه كون اتقوم هاليله القيامه
اولا اشوفن يبجي محراب أمامه
بعدك الياعين اصد
من اصيح واما ترد
والله يقتلني القهر
یاعلي
ودعتني بلا خبر
لو حجر ذاب الحجر
من غبت غاب القمر يا علي*
كلها تبجي الحالي من اشوف حالي
غالي راح او ينذبح كل لحظه غالي
يمته بويه تصيح يا زينب تعالي
موتي ارحم تدري من جور الليالي
بيك كنت امدلله
هسه أسيرة کربلا
مارحم بيه الدهر یاعلي
ودعتني بلا خبر
لو حجر ذاب الحجر
من غبت غاب القمر يا علي*
للشاعرعلاء الكربلائي
#نسالكم_الدعاء
138 views19:31