الجد الشهيد المشمول هو : أ- الجد الشهيد : شهيد الحشد الشعبي ب- الجد الشهيد : شهيد النظام البائد
ملحقات :
أ_الجد الشهيد بحرب ايران ما مشمول ب_ الجد الشهيد على يد الارهاب ما مشمول
ملاحظة/ الجرحى هم انفسهم يستفيدون مو ذويهم يعني اذا كان الجريح اخوك او ابوك وانت طالب مراح تنشمل بالدرجات مال ذوي الشهداء ... لازم الجرحى هم نفسهم يكونون طلاب حتى يستفادون
الدرجات المضافة :
١- خمس درجات للي يقدمون مجموعة طبية وصحية. ٢- سبع درجات للي يقدمون باقي الاختصاصات.
شنو هي امتيازات ذوي الشهداء من يقدمون ع المسائي الحكومي ؟
١- ذوي شهداء الاخطاء العسكرية والعمليات الارهابية يتم دفع كامل اقساطهم بالنسبة للمسائي.
٢- ذوي شهداء النظام البائد والحشد الشعبي يتم تحمل ٥٠% من نفقتهم بالنسبة للتقديم المسائي.
٣- لا يوجد أي امتياز بالدرجات (يعني ماكو تقليل بالدرجات) ، لكن لكل فئة من فئات ذوي الشهداء ف يكون الها نسبة مقاعد ٥% من القبول بالدراسة المسائية يتنافسون عليه بيناتهم.
شنو هي امتيازات ذوي الشهداء من يقدمون ع الموازي ؟
| لا شيء .
شنو هي امتيازات ذوي الشهداء من يقدمون ع الاهلي ؟
١- بالنسبة للطب العام ف يكون معدل القبول اقل بخمس درجات على ان لا يكون معدل الطالب اقل من ٩٠
| مثال الطب العام يقبل ٩٣ بالاهلي ف يكون لذوي الشهداء ٩٠
هاي شنو ؟ مو كلت أقل بخمس درجات ؟
الجواب اي صحيح كلت خمس درجات بس بالطب العام للاهلي (ذوي الشهداء) يكون اقل شي معدله ٩٠ *هالشي ما بي نقاش*
٢- طب الاسنان والصيدلة نفس الحالة (يعني اقل بخمس درجات لكن ما يكون معدل الطالب اقل من ٨٠)
| مثال : الاسنان والصيدلة يقبلن ٨٣ ف لذوي الشهداء بالاهلي يكون اقل شي ٨٠
٣ - بقية الاختصاصات يكون المعدل بيهن لذوي الشهداء اقل ب٨ درجات من الحدود الدنيا الهن بالاهلي
| مثال : تقنيات الاجهزة الطبية بالاهلي تقبل معدل ٦٠ ف لذوي الشهداء تصير ٥٢.
شرح مفصل اكثر
ذوي الشهداء قبولهم شلون حيكون او على اي اساس يقبلوهم ؟
ذوي الشهداء نسبة قبولهم تكون ١٠% يعني اذا الكلية تستقبل 100 طالب ذوي الشهداء حيكونون بيها ١٠ طلاب فقط واذا 200 طالب تستقبل الكلية ذوي الشهداء يكونون ٢٠ طلاب فقط وتزيد وتنقص بزيادة ونقصان عدد الطلاب المقبولين بالكلية او القسم المراد التقديم عليه
الدرجات الي تنضاف الهم
اذا انت من ذوي شهداء كم درجة راح تحصل على المعدل ؟
الطلبة الي يقدمون على كليات المجموعة الطبية ( طب عام ، اسنان ، صيدلة ) لازم يكون معدلك كحد ادنى 90 بهذي الحالة الك حق تقدم على كليات الطب العام او الاسنان او الصيدلة وينطوك 5 درجات على المعدل يعني اذا معدلك 90 تصير 95 واذا معدلك مثلا 95 ينطوك 5 تصير 100 و اذا معدلك 89.9 وانت نازل ما الك حق تقدم على كليات المجموعة الطبية ( الطب ، الاسنان , الصيدلة )
الطلبة الي يقدمون على باقي الكليات والمعاهد عدا كليات المجموعة الطبية الذكرناها فوك ينطون الكم فوك معدلكم 7 درجات يعني مثلاً معدلك 89 ينطون الك 7 درجات يصير 96 هذا المعدل ال 96 الك حق تقدم بيه على اي كلية او معهد عدا ( طب العام ، الاسنان ، الصيدلة )
القبول في الجامعات التقنية :
مو كلنا كل 100 طالب يقبلون ١٠ طلاب ذوي شهداء ، هنا بالجامعات التقنية حصراً يقبلون ٥ طلاب لكن !طالب واحد من خريجي ( الاحيائي او التطبيقي او الادبي )و 4 طلاب من خريجي الاعداديات المهنية
التقديم المباشر :
يحق للطلبة ذوي الشهداء التقديم على الكليات الي قبولها مباشر مثل التربية الرياضية او بعض اقسام الجامعة التكنلوجية
