• شنو يعني #التقديم_المباشر ؟ - معناه أنه تروح مباشرةً للكلية | مكتبتي للتقديم على الجامعات 𖣂
• شنو يعني #التقديم_المباشر ؟
- معناه أنه تروح مباشرةً للكلية والقسم اللي تريد تقدم عليه وتقدم هناك مباشرة بدون أي استمارة الكترونية او شي ، هو اسمو مباشر يعني مباشرةً للكلية أو القسم اللي تريدو.
• شنو هو أساس القبول ؟!
- طبعا الأساس هو معدلك اذا يتوافق مع المعدل المطلوب.
• زين سالم ، التقديم المباشر يشمل منو ؟!
* كلية التربية البدنية وعلوم الرياضة. * قسم التربية البدنية وعلوم الرياضة/كلية التربية للبنات. * قسم رياض الأطفال/كلية التربية الأساسية. * كلية الفنون الجميلة بكل اقسامها. * قسم اللغة التركية/كلية التربية الإنسانية. * قسم اللغة الكردية/كلية التربية (في كل الجامعات عدا جامعة كركوك). * قسم القرآن الكريم والتربية الإسلامية/كلية التربية.
• زين اذا قدمت ونقبلت شحيصير ؟!
- إذا قدمت هناك ومعدلك مناسب وراها راح تخضع لاختبار لازم تنجح بي يلا يتم قبولك رسمي + من تنقبل بهاي الحالة راح ينحجب قبولك( المركزي والموازي والاهلي والمسائي ) مباشرةً ففكر زين قبل لا تقدم.
#ملاحظة :- الامتحان مو صعب ، يعني مثلا تقدم لتربية رياضة اختبار ركض او تمرين بسيط هذا امتحانك.