#منقوووووول مرة كنت سهران عند رفيقي خلصت السهرة وبدي روح ع ا | مــافــي شــي مـسـتـاهل
#منقوووووول
مرة كنت سهران عند رفيقي خلصت السهرة وبدي روح ع البيت ومشوار طويل ع بيتي المهم قلتلو خدلنا طريق شريك انا بدي روح قلي والله مابتروح وين بدك تطلع كهربا مقطوعة والساعة 10 مافي الدومري والدنيا شتوية قلتلو والله ما بحسن اهلي بيغلي قلبن عليي ولازم روح
المهم بعد نقاش نص ساعة بدي روح وهو يقلي ضل اصريت ع الرجعة ، سلمت ع الزلمة وطلعت عم اتمشا بالشارع ومافي الدومري وعتمة يعني اذا بترفع اصبعتك ما بتشوفها وفجأة بحس بصوت سيارة عم تمشي شوي شوي ومطفيين الاضوية تبعها و جاية بتجاهي
انا هون انقطع قلبي وتلبكت وقفت السيارة جنبي شبابيكها مفيمة لا انا قربت ع السيارة ولا حدا نزل منها المهم قلت رح اطلع بالسيارة مشان يوصلني ويلي بدو يصير يصير قويت قلبي وفتحت الباب ولا بتفاجأ ما في حدا بقلب السيارة وما عاد اعرف شو اعمل وقف شعر راسي ما حسيت غير السيارة صارت تمشي
ومشيت مشيت مشيت حتى صار قدامنا في سدة يعني لازم تلف السيارة قلت انا خلص عملنا حادث وقبل ما نوصل ع الحيط فجأة بتدخل ايد من الشباك وبتلف الدركسيون انا هون طق عقلي
قويت قلبي فتحت الباب وزتيت حالي وصرت اركض بسرعة لحتى الله جمعني ب محل فاتح وفيه رجال عم يلعبو شدة اجيت وحكيتلن قصتي فكروني اول شي مجنون او سكران وبعدها ضليت ساعة كاملة اقنعهم انو مالي سكران وما فيي شي وعم احكيلهم يلي صار معي وهنن مندمجين ولا فجأة بيفوتو تنين حالتن حالة وبيسلمو ع الموجودين واذ اطلع الأول بالتاني وقلو لك مو هاد هو الأجدب يلي ركب بالسيارة ونحن عم ندفشا
