الشاعرة الملة﴿ࢪﺣمة ﷲ تحسين﴾

2022-01-03 16:17:08 قصيده حزينه للامام المهدي "عج"
على طور (محبوبي حسين)
┈┉━❀❥❃❥❀━┅┄ ┈┉━❀❥❃❥❀━┅┄
هد حيله الزمن.. شاف اشگد محن
ااا يامحنة المهدي ويضيمه وياعذابه
عايــــش بالام..وبگلــــــبه سهـــم
جرحه للاهل مايبره ابد خزن صوابه

عايش بالام والحـسره والاه
وهوايه مصايب عاشت وياه
مهدينه غريب.. مهدينه غريب
┈┉━❀❥❃❥❀━┅┄ ┈┉━❀❥❃❥❀━┅┄
عايش بالــــــوعه.. تهمل ادموعه
وحزان موضوعه..عاش ابحـسره

مجروح مهدينه..عايش بونينه
تهمل دمه عينــه.. لامـــه الزهره

هذا اول مـــصاب اذاه عــصرة فاطمه امه
شافت عينه حرگت دار والضلع النزف دمه
اكبر فاجـــعه ياناس مـــــنها مابــــره همه

حسرات وانين.. بكل هاي السنين
ماناســيها ابد يافاجعتها وحرگة الدار
حزنــان الامام.. مافارحـــــله عام
ومثل نار الزجيه گلبه يسعر ملتهب نار

مصاب ام الحسن مهدينه ينعاه
وهوايه مصــــايب عاشت وياه
مهدينه غريب.... مهدينه غريب
┈┉━❀❥❃❥❀━┅┄ ┈┉━❀❥❃❥❀━┅┄

وثاني اجروحه.. لحيدر عله نوحه
الهامه مفتوحه..طـــــــــبرة راسه

لجده حسراته.. ويـــــــــــون وناته
لجله اهــــــاته.. وجــــرح احساسه

مجروح الامام ينوح للي بهامته الطبره
ليلة طـــــبرة الكرار خلته بالگلب حسره
صعبه مصيبته تفجع تهلب الها هالجمره

تلهب جـــمرته.. ااا ياطبرته
مهدينه علـــيها منفجع ومــــهدم الحيل
حيله منهدم.. ومــــاليه الالم
شاف ابهل مصيبه غصه ولوعات والويل

مصابه وطبرته اهـــــوايه اذاه
وهوايه مصــــايب عاشت وياه
مهدينه غريب.... مهدينه غريب
┈┉━❀❥❃❥❀━┅┄ ┈┉━❀❥❃❥❀━┅┄
واعضم فجعاته.. الطف ولوعاته
تهـــــــمل دمعاته.. لـــجل المنحر

شايف بعيــــونه.. ضلع يسحگونه
وجده يذبحونه.. وجــــبده اتفطر

ورحت عــــــمته الحره لارض الغرب ميسوره
بضرب وصياح وي الكوم منها الروح مكسوره
وكلــها مســــــطره گدام رگاب الاهل منحوره

فجعه فجـــــعته... لجده وغربته
متعذب ابو صالح يهـــل وادم دليله
ميطـــــــيب الجرح.. يبقى منفتح
وميبطل نياحه ومــرتفع منه عويله

وياهذا الجرح هــــيهات ينساه
وهوايه مصــــايب عاشت وياه
مهدينه غريب.... مهدينه غريب
┈┉━❀❥❃❥❀━┅┄ ┈┉━❀❥❃❥❀━┅┄
بسموم عدوانه... جداده خلصانه
روحه وجعـــانه.. بــــهاي الفجعه

مضلوم مثل اهله.. المهدي بي عله
صعبه وموسهله... ويــــهمل دمعه

ندعي الله الجبار هــــــــمه يزيله من گلبه
عايش وحـــــده ابحزان عاش دنيته غربه
مجروح وغريب ينوح والله عيشته صعبه

لو ســـــم لو قتل... وبهذا الفعل
خلصو كل هله وحده بقى مابين الاهات
ماتبره الجـــــروح... ولهله ينوح
يجره ونــــــــه باثر ونه ويـــــه حسرات

مايبطل ابد مـــن عينيه مبجاه
وهوايه مصــــايب عاشت وياه
مهدينه غريب.... مهدينه غريب
┈┉━❀❥❃❥❀━┅┄ ┈┉━❀❥❃❥❀━┅┄
تمت بعون الله تعالى
بقلم خادمة أهل البيت عليهم السلام
الــشــاعــره رحـمـة اللّٰـه تـحـسيـن
صـــاحبة ديـــوان [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman باز کردن / نظر دهید

2022-01-03 14:23:19 مربعه طلب العون من الإمام المهدي عج
ونسالكم الدعاء لتعجيل فرج المهدي «عج»

•┈•❈​❉ ❉❈ •┈•
مــنك يابــو صالح طالــب العون
الزمــن مولاي صار اعليه فرعون
•┈•❈​❉ ❉❈ •┈•
منــــــك يابو صالح رايــد الغوث
وانـــت أمن الجليل الهاي مبعوث
حزن وهموم وسط الكلب مبثوث
أريـــــدن فزعتــــك يانور العيون
•┈•❈​❉ ❉❈ •┈•
مولاي اوگعـــــت مابــين ضــلام
واريـــــدن فزعتــك ياخير الانام
من كثـــــــر القهر مولاي مــــانام
وانــــــــتو الي يحبكم ماتتركون
•┈•❈​❉ ❉❈ •┈•
فرعــــــون الزمان اعليه صـــاير
اوحــــــيد ابغربتي وعقلي حاير
اتعبــــت مولاي مابــــــــيه اكابر
مولاي اتعبـــــت وخابت اضنون
•┈•❈​❉ ❉❈ •┈•
ازغــــير وبالتعب كبرت اسنـــيني
وغيرك مالي يـــانضــــر عــــــيني
من همـــــــــي ادخيلـــك نجيني
خادم للـــحسين اتعوفني اشلون
•┈•❈​❉ ❉❈ •┈•
بعد منك اريـــد العــــون مـــولاي
فرعون الزمــــــــــن وجـــار وياي
الك يبن الحــــسن سلمت شكواي
اخذ حـــقي يمامي أمن اليضلمون
•┈•❈​❉ ❉❈ •┈•
اخذ حــــقي يمامي أمن الضلمني
هضـــــيمه يا يبوصالح وهضـمني
حجــــيت أنــه الك الــــي قهرني
وبعد امـــري انضره ولا تقصرون
•┈•❈​❉ ❉❈ •┈•
تمت بعون الله تعالى
بقلم خادمة أهل البيت عليهم السلام
الــشــاعــره رحـمـة اللّٰـه تـحـسيـن
صـــاحبة ديـــوان [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman باز کردن / نظر دهید

2022-01-03 14:23:07 قصيده مربعه {غياب الحبيب المهدي عج}

•┈•❈​❉ ❉❈ •┈•
عجل يابو صالح طال الاغياب
منتضرك أسنين وهالكلب ذاب
•┈•❈​❉ ❉❈ •┈•
عجل يا أمامي وارحم ابحالي
بـجيتك يبـــو صالح انه امالي
لو ذكروك يمــي دمعي هالي
تبجي العين منها الدمع سجاب
•┈•❈​❉ ❉❈ •┈•
الك ابكـل فريضـه الروح تدعي
غريب ابغيبتك هـذا انه وضعي
احلفك بلــي صاحت اه ضلعي
ارزقني شوفتك يانسل الاطياب
•┈•❈​❉ ❉❈ •┈•
اشــــوفك ياحبيبي حلم دنياي
مــــحتاجك يمامي والله وياي
جاوينه أمامــــك كالت اعداي
كلتلهم يجي شما طال الاغياب
•┈•❈​❉ ❉❈ •┈•
ذايب هالگلب ذايــــــب دليلي
غيابك يابـــو صالح اخذ حيلـي
ياجمعه التمـــــــر گلي تجيلي
جايمتئ واشوفك يغله الاحباب
•┈•❈​❉ ❉❈ •┈•
ماشوفك اخاف اتمــوت هالروح
وانه منتضرك وهل جرح مفتوح
لتخليني اموتن فـــدوه مجروح
بحسرة شــوفتك والگلب لهاب
•┈•❈​❉ ❉❈ •┈•
تمت بعون الله تعالى
بقلم خادمة أهل البيت عليهم السلام
الــشــاعــره رحـمـة اللّٰـه تـحـسيـن
صـــاحبة ديـــوان [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman باز کردن / نظر دهید

2022-01-03 14:22:59 قصيده ثقيله للامام المهدي عج
┈┉━❀❥❃❥❀━┅┄ ┈┉━❀❥❃❥❀━┅┄
يامــــــلاذي وياهواي
ضامـي انه وانت ماي
بشوفتك اروي ضماي
يابو صالح............... يابو صالح
┈┉━❀❥❃❥❀━┅┄ ┈┉━❀❥❃❥❀━┅┄

ياملاذي وعشـــگي انت هواي اودك
انه عايش بس جســـد وگلبي عندك
ســـــــيدي عذب گليبي وطال بعدك
فـرگتــــك صعبه تره
يمته شخصك انضره
گلبــــي اجبر خاطره
يابو صالح........................... يبو صالح
┈┉━❀❥❃❥❀━┅┄ ┈┉━❀❥❃❥❀━┅┄

فرگتــــك كلـفه يغالي وحيل صعبه
عيـــشتي والله بغيباك وحشه غربه
عيــــــني الجيتك حبيبي دوم تربه
تربــــي عيني لجيتك
والله صعـــــبه فرگتك
شوكت اشوفن طلعتك
يابو صالح........................... يبو صالح
┈┉━❀❥❃❥❀━┅┄ ┈┉━❀❥❃❥❀━┅┄
شوكــت اشوفن طلعتك ذيج البهيه
مــــنك اطلـــــــب سيدي نضره اليه
فركتـــك شبـــــــــت حبيبي نار بيه
نار بيــــــه مــــوجره
بگلبي جروح مسطره
روحـــي ليك محسره
يابو صالح.......................... يبو صالح
┈┉━❀❥❃❥❀━┅┄ ┈┉━❀❥❃❥❀━┅┄
انه ضامــــي وانته تسگيني بحنانك
عطـــــــش گلبي يرتوي بس ابامانك
سيدي طگ گلــــــــبي دليني بمكانك
ويـــن انت بيامكان
ســيدي يابو الحنان
والله عذبني الزمان
يابو صالح........................... يبو صالح
┈┉━❀❥❃❥❀━┅┄ ┈┉━❀❥❃❥❀━┅┄
ياهــــــــواي انه بغيابك حيل مخنوگ
انه احس بالغربه عايش گلبي محروگ
الفــــــــرحه ليـــــه ابدونك ابد متلوگ
ابد مــــا شفت الفرح
وگلبي بالفرگه انجرح
الدنيا ضلمه ابلا صبح
يابو صالح.................................. يبو صالح
┈┉━❀❥❃❥❀━┅┄ ┈┉━❀❥❃❥❀━┅┄
تمت بعون الله تعالى
بقلم خادمة أهل البيت عليهم السلام
الــشــاعــره رحـمـة اللّٰـه تـحـسيـن
صـــاحبة ديـــوان [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman باز کردن / نظر دهید

2022-01-03 14:22:51 موشح للحبيب الغائب {المهدي عج}
•┈•❈​❉ ❉❈ •┈•
يبو صالح يبو صالح
يبو صالح
•┈•❈​❉ ❉❈ •┈•
يــــابوصـــــالح جرح گلبي ملتهب
يمتئ اشوفك سيدي ودمعي يصب
سيــــــدي فرگاگ چتـــــال وصعب
عيني تربي لجيتك
گلبي طگ لشوفتك
يبو صالح يبو صالح
يبو صالح
•┈•❈​❉ ❉❈ •┈•
لشوفتك محبوبي اگليبي يرف
وانت تدري باليحب گلبه ترف
وبالمغيبه سيدي جرحه نزف
ملتـــــهب گلبي الك
شلون مولاي اوصلك
يبو صالح. يبوصالح
يبو صالح
•┈•❈​❉ ❉❈ •┈•
عيني مافارگها شخصك صورتك
وبالگلب مولاي تلهـــب جمرتك
يمتئ يايوم واشـــوفن طلعتك
يمتئ مولاي وتنور
واجي لبيتك وزور
يبو صالح يبو صالح
•┈•❈​❉ ❉❈ •┈•
خاف اموتن ســـيدي وماشوفك
حتئ لو بالحلم دزلي اطيوفك
انه عايش ابفــــــضل معروفك
ما اشوفك خاف اموت
والگلب ذايب مفتــوت
يبو صالح. يبو صالح
يبو صالح
•┈•❈​❉ ❉❈ •┈•
شوفتك ارزقني لو حتئ ابحلم
سيدي ابفـــــــرگاك موتني الام
فرگــــتك مولاي چــــتاله سهم
وسط الگلب يرميني
اغيابـــــــك امذيني
يبو صالح يبو صالح
يبو صالح
•┈•❈​❉ ❉❈ •┈•
ابذكرك اسمك سيدي اصحه وانـــــام
وبـــــــــالفرج ادعي يمامــي وللسلام
ربي عــــــجل فرجه هـــــذا الامــــام
من كل بليه احفضه
ووين ماراح ومـضه
يبو صالح. يبو صالح
يبو صالح
•┈•❈​❉ ❉❈ •┈•
تمت بعون الله تعالى
بقلم خادمة أهل البيت عليهم السلام
الــشــاعــره رحـمـة اللّٰـه تـحـسيـن
صـــاحبة ديـــوان [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman باز کردن / نظر دهید

2022-01-03 14:22:43 قصیدة شوق الى الحبيب الغائب
الامام المهدي «عج»
❥ــــــــ☆ــــــــ●ــــــــ☆ــــــــ❥

خاف اموت// وما اشوفك ياحبيبي
خاف اموت// زايد اونيني ونحيبي
خاف اموت//خاف اموت
❥ــــــــ☆ــــــــ●ــــــــ☆ــــــــ❥

خاف اموت وما تجي
اعلــيك تعبني البجي
راحت اعیــــوني یغالي امن النیاح

زاد ونــــــي والنحيب
لجرحي مالاگي طبيب
دوه وين لجرحي الگه حتى ارتاح

چیتــک هیه الدوه
خانگنی حتی الهوه
ابــــــد مو زين ابغیابگ کلي اجراح

لا هاد كلبي ولا سكت نوحي
كثرن وزادن ليك يجروحي
خاف اموت //خاف اموت
❥ــــــــ☆ــــــــ●ــــــــ☆ــــــــ❥

والله تعــــــبني الغياب
وراسـي ابيض كله شاب
وســـبب کلـــــه غیابگ عــــــذباني

هجـــــرك ايشيب تره
يمتى شخصك انضره
لجیــــــتك انه منتضــر ولیك اتاني

تجي وتفتح منزلك
واجـي زاير انه الك
وشکـــــــي الك اشسوه بیه یازماني

جدمك ابوسه هل حلم عندي
وحلمي يمتى يصير يل مهدي
خاف اموت //خاف اموت
❥ــــــــ☆ــــــــ●ــــــــ☆ــــــــ❥

احلـــــم اترد ابسلام
ونجتمع مثل الحمام
ابــــــعشك اکعد ونسه کل اهمومي

انسه هـــاي غیبتك
والتهي ابشـــوفتك
یمـــــك اگضیه بالفرح یاهذا یومي

من اشوفک انسعد
ونثــــر الدنیه ورد
خیر کلها خیر تـصــــــبح اعلومي

ابطــلعتك یامهدي یعدل حالي
ومسح ادموعي الي دوم اتلالي
خاف اموت //خاف اموت
❥ــــــــ☆ــــــــ●ــــــــ☆ــــــــ❥

شلون بیه لو متت
وجیتك لا ماشفت
وانـــه عایش امل تضهر من غیابك

والله یامهدي اتعبت
زغــــــیر انه وشیبت
شیـــــبتني غیبتك وجرحي صوابك

هجـــرك ابگلبي صواب
وخایف ایطمني التراب
ولا اشـــــــــوفك ولا اقبــــــل ترابك

ادعي الله ایــطول عمري لچیتك
حتی عیني اتشوف ذیج طلعتك
خاف اموت //خاف اموت
❥ــــــــ☆ــــــــ●ــــــــ☆ــــــــ❥

خلي اسولفلك بعد
جمـر بغــیابك گعد
چالیــــمته هیج اضل وکلبي مالوم

ذنبي هوه الاخرك
مولاي الله یصبرك
ذنوبي هـــیه السبب وتنعاد کل یوم

انه مـــــــذنب ما اتوب
من راسي لرجلي ذنوب
وعـــــن ذنوبي والعمل توصلك اعلوم

ماتــــــسرك کلها سیئه اخباري
لاچن احبـــــــــك والله الداري
خاف اموت //خاف اموت
❥ــــــــ☆ــــــــ●ــــــــ☆ــــــــ❥

تمت بعون الله تعالى
بقلم خادمة أهل البيت عليهم السلام
الــشــاعــره رحـمـة اللّٰـه تـحـسيـن
صـــاحبة ديـــوان [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman باز کردن / نظر دهید

2022-01-03 14:22:31 قصیده شوق للامام المهدي عج
┈┉━❀❥❃❥❀━┅┄ ┈┉━❀❥❃❥❀━┅┄
مثل شمعه وتذوب الروح بچفاك
یبــو صالح المهدي اشوکت الکاك
دلینی اعله دربك
عایــش بیه حبك
یبو صالح // یبو صالح
┈┉━❀❥❃❥❀━┅┄ ┈┉━❀❥❃❥❀━┅┄
مثل شمعه وتذوب الروح لو ذکروك یالغالي
احـــط ایدي علی راسي ومني دمعي ایلالي
حالـــي انه ابفـــــرگاگ حال الضیم یا حالي
ذکــــرگ. یاحبیب الروح عایش وسط دلالي
اذکــــرك یاحبیبي واهـــمل ادموع
موضوع الذکر عندی احله موضوع
گلبي یفدي گلبك
عایــش بیه حبك
یبو صالح // یبو صالح
┈┉━❀❥❃❥❀━┅┄ ┈┉━❀❥❃❥❀━┅┄

دلیني الدرب مولاي حتـــــی اتقرب ابشوگي
حبـــك ساکن الــدلال یســـــري دوم بعروگي
غیرك انه مـــــا حـــبیت انت صرت معشوگي
انه اشما اطیح ابضیج شخصك ینوجد فوگي
مغرکني ابخیرك یعضم انسان
احبــــك ابچنون وبیك هیمان
وحق ربي وربك
عایـش بیه حبك
یبو صالح // یبو صالح
┈┉━❀❥❃❥❀━┅┄ ┈┉━❀❥❃❥❀━┅┄
انه ادري الذنب مولاي حاجب بیني وبینك
ابفعــلي السئ الموزین طالت غیبة اسنینك
تــری اني یبعد الروح نادم مستحي وعینك
عچل کمت اصـیح ابصوت یامولاي چاوینك
انـه ابحاجتك یاصاحب الروح
گلبي ابغیبتك محترگ مجروح
مــزید انه تعبك
عایش بیه حبك
یبو صالح // یبو صالح
┈┉━❀❥❃❥❀━┅┄ ┈┉━❀❥❃❥❀━┅┄
عــــــذبني البعد مولاي ماجــاني حلم عنك
راح اقـــسم قسم یاذیک وبهل قسم اعذبنك
قمیص احسین امشي اعلیك الجله تجر ونك
ما احـــــمل بعـــد مولاي ریــــــد فد اثر منك
دلینـي علیك ابداعة احسین
وسلبة ثوب وگطع الوریدین
قسم ادري یعذبك
عــــایش بیه حبك
یبو صالح // یبو صالح
┈┉━❀❥❃❥❀━┅┄ ┈┉━❀❥❃❥❀━┅┄
انه امنیتي اشوفك جاي واقبل ایدك وراسك
لاچـن اني حقیر ویاك بذنبي جارح احساسك
اتمنئ اعیش ویاك وشتـــــم طــــیبة انفاسك
اضـــــهر یا ابوصالح وخـــذ ثار اهلك وناسك
اضهر وخذ ثار اهلك والاحباب
علیـهم مانشف دمعك السجاب
مصیبتهم تصوبك
عایـــش بیه حبك
یبو صالح // یبو صالح
┈┉━❀❥❃❥❀━┅┄ ┈┉━❀❥❃❥❀━┅┄
تمت بعون الله تعالى
بقلم خادمة أهل البيت عليهم السلام
الــشــاعــره رحـمـة اللّٰـه تـحـسيـن
صـــاحبة ديـــوان [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman باز کردن / نظر دهید

2022-01-03 14:22:24 اللهم صل على محمد وآل محمد وعجل فرجهم
قصائد للامام المهدي عج
ان شاء الله تنال اعجابكم باز کردن / نظر دهید

2022-01-02 21:23:58 اليحب السيد السيستاني ويحترم بقية المراجع يضغط هنا باز کردن / نظر دهید

2022-01-02 21:22:38 بس سؤال ليش اغلب الناس تبحث عن قنوات الاغاني واخبار الممثلات والمطربين وما شابهه مع أنهم مسلمين ويعرفون هاي القنوات محرمه ..والقليل منهم من يبحث عن القنوات الي اذكرهم بعظمة الله وبحكمته وحسن تدبيره ... المهم معلينه بيهم لان ربنه يوصينه ويقول : ((يَا أَيُّهَا الَّذِينَ آمَنُوا عَلَيْكُمْ أَنفُسَكُمْ ۖ لَا يَضُرُّكُم مَّن ضَلَّ إِذَا اهْتَدَيْتُمْ ۚ إِلَى اللَّهِ مَرْجِعُكُمْ جَمِيعًا فَيُنَبِّئُكُم بِمَا كُنتُمْ تَعْمَلُونَ)) ...
لهذا ادعوكم ان تنضموا لهذه القناة التي تجعلكم تتفكرون بآيات الله وبعظيم خلقه وحكمته ...انضم للقناة على حب الحسين عليه السلام
https://youtube.com/channel/UCkclgv-QhFZFeo-2WFS29mQ


أصحاب الدعومات لا أحلل لكم أخذ الاعلان ، باز کردن / نظر دهید