2022-04-22 00:20:18
قصيده ثقيله شوق للامام المهدي
{عجل ﷲ فرجه وسهل مخرجه}
على طور (الوداع الوداع)
❥ــــــــ☆ــــــــــ●ــــــــــ☆ــــــــ❥
الكلب طاگ الكلب طاگ.. يامهــــدي الگلب طاگ
امن الفراگ امن الفراگ.. نزف جرحه امن الفراگ
❥ــــــــ☆ــــــــــ●ــــــــــ☆ــــــــ❥
طگ كلبــــي يمهـــدي ورايد الملگه
كافي امــــن الهجر كافي من الفرگه
روحـــي بغيبتك يــل غالي مختنگه
وعايش عــل دموع وحسره وحرگه
النفس ضاگ النفس ضاگ..بغيابك هل نفس ضاگ
❥ــــــــ☆ــــــــــ●ــــــــــ☆ــــــــ❥
غيابك ذبح روحي وضاكت الوسعه
عيني اعليك تبجي وگلبـــي الينعه
اتنطــــر تجينـــي اتنطـــــر الرجعه
وشعلك شمـــع كـــــل ماتمـر جمعه
الزمن باگ الزمن باگ.. احلامـــي الزمن باگ
❥ــــــــ☆ــــــــــ●ــــــــــ☆ــــــــ❥
چم جمــعه التمـر وانطرك يل والي
واگول اليــــوم يظهر سيدي الغالي
وتخلــــص جمعتك وتتحطم امالي
وحـــزني يزيدلك وتتعذب احوالي
الهجر ساگ الهجر ساگ.. للوعــه الهجر ساگ
❥ــــــــ☆ــــــــــ●ــــــــــ☆ــــــــ❥
اقرالك عهـــد واقرالك النــــــــدبه
وحسبه اجيبني وتاخذني الحسبه
اگول بسـبب ذنبــــي وزيدت تعبه
ولا هــوه جايني ولا اني ادل دربه
والاشواگ والاشواگ.. اذبحتني نار الاشواگ
❥ــــــــ☆ــــــــــ●ــــــــــ☆ــــــــ❥
شوكت اجتمع بيك واحضه بالفرصه
بوسط روحي حرب وهوسه وخبصه
چن شاعــــر حزيــــــن ويقره بمنصه
اريدن هـــــل تعــــب اتزيله وتخلصه
حـــــراگ حـــــراگ.. جمـــر البعـــــد حراگ
❥ــــــــ☆ــــــــــ●ــــــــــ☆ــــــــ❥
تمت بعون الله تعالى
بقلم خادمة أهل البيت عليهم السلام
الــشــاعــره رحـمـة اللّٰـه تـحـسيـن
صـــاحبة ديـــوان [شهيدة ﷲ]
لا اجيز حذف الاسم أو التلاعب بالكلام
غير مبري الذمه من ينسب الكلام إله
https://t.me/MAHDE_alzaman
180 viewsالشاعره رحمـة اللّٰه تحسين, 21:20