شو الفرق بيناتن ؟ شو استخدام كل زمرة منهن ؟ وليش العالم بتخربط فيهن ؟ سؤالٌ يراودنييي
بالبداية لازم نعرف انو آلية العمل مختلفة تماماً والتشابه هو بالاسم فقط.
الستيروئيدات أو المعروفة عموماً ب #الكورتيزون ومشتقاته : هيي أدوية مهمتا أنو تكبح جهاز المناعة عنا بشكل سريع وقوي ، وتوقف رد فعل الجسم لما يكون هاد الرد رح يأذي حياة المريض . متل حالات الربو ، رزاعة الأعضاء ، الأكزيما والذئبة والتصلب المتعدد وبعض أنواع السرطانات.
بينما الغير ستيروئيدية NSAIDs : هيي مسكنات الألم يلي منستخدما بالحالات الطبيعية (بروفين ، ديكلون ، كيتوفين ، اندوميتاسين ، أسبرين وغيرن كتير... ) هي الأدوية بتثبط البروستاغلاندين يلي هو ناقل كيميائي مسؤول عن نقل الاحساس بالألم ، لما نثبطو رح يخف أو يتوقف هاد الألم وهي الوظيفة الأساسية الهن.
معلومة عالهامش : الباراسيتامول كان يعتبر من NSAIDs لكن حالياً في اختلاف بالآراء بالنسبة لتصنيفو ومع هيك بضل هو مسكن الألم الأكثر أماناً لكافة الأعمار ومعظم الحالات المرضية
