2021-08-15 20:54:46
الجولوكوز الأسترالي المستورد
(Gluconeogenesis)
انت عارف اننا بنجيب الجولوكوز من الكاربوهايدريت يعني من النشويات
طيب لو قررنا اننا نجيب الجولوكوز من مصادر غير النشويات يعني نستورده من مصادر ثانية يعني بلدان ثانية ليها صداقة قوية مع الجولوكوز
مهم جدا جدا جدا انك تراجع عملية تكسير الجولوكوز ودائرة كريبز عشان تفهم اللي يحصل هنا بسهولة
( glycoglysis +Krebs cycle)
مهم جدا جدا جدا تتابع معايا من كراسة او مرجع العمليات دي او تتابع من الصورة اللي تحت
متى تحصل عملية استيراد الجولوكوز؟
أكيد وانت صايم فترات طويلة
طبعا الجولوكوز مش حبا في الإستيراد
هو يحب انه يكون ابن بلده مايستورد بس هو مضطر لأن في اعضاء في جسمك محتاجة جلوكوز ف مضطرين نستورد جولوكوز
العملية دي بتحصل فين ؟
أكيد بتحصل في العضو اللي بنسميه مصنع الجسم اللي هو الكبد
طيب ايه هيا مصادر الجولوكوز المستورد؟
عندنا ٣مصادر
الأحماض الامينية amino acid( بروتين)
من الجليسرول glycerol (دهون)
(في الانسجة الدهنية اللي عندك حتتحول الTriacylglycerols ل جليسرول وثلاثة احماض دهنية)
من حمض اللاكتيك
طيب انك تجيب الجولوكوز من مصادر غير الكاربوهايدريت معناها Gluconeogenesis
Gluco معناها جولوكوز
Neo معناها جديد
Genesis معناها تكوين
يعني تكوين جولوكوز جديد والجولوكوز الجديد دى حنستورده من برا
كيف تتحول البروتينات والدهون وحمض اللاكتيك لجولوكوز؟
البروتينات (amino acid)
لمن تكسر البروتينات بتديك عدة احماض امينية amino acid
عندنا حمض اميني مهم بيتحول ل pyruvate وبعدين يدينا جولوكوز مستورد من البروتينات
الحمض الاميني اسمه alanine
وعندما بعض الأحماض الامينية تقدر تتحول لمركباات في دائرة كريبز Krebs cycle
وبعدين تديك برضو جولوكوز مستورد من البروتينات
وكدى يكون عندك جولوكوز مستورد من البروتينات
الدهون( Triacylglycerols)
عبارة عن (جليسرول +ثلاثة احماض دهنية
(Glycerol+ 3fatty acid
هنا حناخذ الجليسرول وتضيف ليها فوسفات واسم المركب يصبح جليسرول-٣-فوسفات
Glycerol-3-p
والجليسرول-٣-فوسفات حيتحول ل
Dihydroxyacetone-p (DHAP)
يالله هنا دخلنا في نص التفاعل على طول نقدر تطلع وتكمل عملية تصنيع الجولوكوز ويكون عندك جولوكوز مستورد من الدهون
حمض اللاكتيك
يتحول من lactic acid ل pyruvate بإنزيم
Lactate dehydrogenase
وانت عارف ان حمض اللاكتيك بيجي بعد تكسير الجولوكوز في عدم وجود الأكسجين
وكدى بيكون عندك جولوكوز مستورد من حمض اللاكتيك
مهم جدا جدا جدا انك تراجع عملية تكسير الجولوكوز ودائرة كريبز عشان تفهم اللي يحصل هنا بسهولة
( glycoglysis +Krebs cycle)
الخطوات
في التفاعل الجاي أنا حقلب العملية من تكسير لتصنيع يعني من تحت لفوق
والحاجة الحلوة في التفاعل دى انه عندي اغلب الإنزيمات بتمشي وترجع يعني عكسية reversible
بس عندي ثلاث انزيمات غير عكسية irreversible وأنا هنا حشرح على اللي غير عكسية دي
احنا قلنا في البوستات اللي فاتت
عشان نكسر جولوكوز في عملية تكسير الجولوكوز قلنا انك بتبدأ من الجولوكوز وتنتهي بالpyruvate
والpyruvate يخش المايتوكندريا
طيب لو انت عايز تصنع جولوكوز جديد بديهيا انت حتعكس العملية يعني من pyruvate للجولوكوز
سواء جبت الpyruvate من البروتينات او من حمض اللاكتيك مثل ماقلنا
طيب عندك pyruvate دخل المايتوكوندريا حتعمل ايه؟؟؟
اول شي حتحوله لمركب اسمه oxaloacetate
بإنزيم pyruvate carboxylase و كلمة carboxylase معناها اضفنا co2
طيب انت عملت الهيصة دي عشان تطلع
ال oxaloacetate برا المايتوكوندريا وهو مركب مايقدر يطلع برا فإنت حتركبه عربية اسمها malate shuttle حيتحول ل malate والعربية دي تقدر تطلع من كبري المايتوكوندريا وتخش على ال سايتوبلازم cytoplasm
ولمن خشت السايتوبلازم رجعت ثاني ل oxaloacetate وقال لها شكرا لأنك عبرتيني الكبري
طيب هنا اخونا الoxaloacetate عايز يخش في العملية حقت ال Gluconeogenesis والوحيد اللي يسمحله يخش من العملية دي هو ال phosphoenolpyruvate طبعا بإنزيم على اسم المركب والانزيم هو
Phosphoenolpyruvate carboxykinase
يعني هو الانزيم الذي يضيف فوسفات وينزع كاربون
كدى أنا دخلت جوة اللعبة وعايز اتحول لجولوكوز
العملية ماشة بالعكس زي الفل من تحت لفوق وأحنا ماشين لقينا انزيم غير عكسي
irreversible enzyme
يعني ما اقدر اعكس التفاعل اللي هو من
فركتوز ١,٦ بيز فوسفات ل فركتوز ٦-فوسفات
34 viewsأبو إبراهيم, 17:54