يوليدي من فرگاك ماتدري بيه= اتشب بدليلي النـار وأثـر عليه والع | قناة الشاعر ابواياد البيجاوي

يوليدي من فرگاك ماتدري بيه= اتشب بدليلي النـار وأثـر عليه
والعيشه حلوه وياك = مااگـدر بليــــــــــاك
إنت الضوه للعين وانت الهديه
****
يمــه أفــرح من تجينـــي = ومــن تگلـي هـا ييمــــــه
إنـت شريــان بدليلـــــــي = وإنت نِفسي اللي أشمــــه
وإنـت إالهامي وحياتــــي = وجسمـك الغالي من اظمه
تنتشـي روحي وأنامـــــن = وطيفــك بليلـي أكلمـــــــه
وين الوصـل چاوين = ياهـو البقـه لحسين
خذنـي يروحي هناك = مااگـدر بليــــــــــاك
إنت الضوه للعين وانت الهديه
****
ياحنيـن اللــي تشيلـــــه = يمـــه مــن خوفـك عليـــه
إنـت تحسـب لوهجرتـك = أووافـــت الروحي المنيـه
خايـف آنـه من أعوفـك = وآنــه أكلــك موبديــــــــه
وماحسبـت اللي جرالي = ومـاتــرد ســالــم أليــــــه
منـي تروح شلون = ماظلي طيب ولون
مني تريد انســــأك = مااگـدر بليــــــــاك
إنت الضوه للعين وانت الهديه
****
فـرّحِـت گلـب الشِماتــه = وظلــت الزهـره حزينــــه
هـذا كـون الله كلــــــــه = ينحـب وزايـــد ونينـــــــه
مـن فعـل أهـل النذالـــه = الذبحـوا الهادي نبيـــنـــه
بالشبـه أنـت وصفاتـــه = وانـــت منـّه موسمينــــه
شوف النبي المختار = منــّه الدمــع مدرار
بالحومـه يتلگاك = مااگـدر بليــــــــــاك
إنت الضوه للعين وانت الهديه
****
بوجـه الحسين من أعايـــن = نوبــه يفــرح نوبه واجم
وآنــي مستوره بخيامــــــي = أدعـي ربـي اليوم سالــم
التفـــت فخــر الامــامـــــــه = أدعي گلــي وكون غانـم
بكـر بـن غانـم برزلــــــــــه = وابني حيدروبيده صارم
گص راسه بالبتار = چنـه علي الكـرار
رب العرش يرعاك = مااگـدر بليــــــــــاك
إنت الضوه للعين وانت الهديه
****
رايـد الاكبــر هديـــــــــــــه = مــن أبــوه ومـــوثجيله
بشربـة أمــّـــــيه ايتگــــوه = بيهـــه ويبــرد دليلـــــه
مــد لسانـه أنطـاه لأبنــــــه = ماكـو چاره وماكوحيله
خشبــه شافه وبان سلهــه = ناشـــف وگاطـع مسيله
تشرب يروح الروح = يم النبي من تروح
چف النبي هنــّــــاك = مااگـدر بليــــــــــاك
إنت الضوه للعين وانت الهديه
****
يمــه يالاكبــريويلـــــــــي = تعمــه عينــي ولاأشـوف
جسمـك الغالـي نظرتـــــه = مــوذر أبيض السيــــوف
صرخه مبحوحه صحتهه = وظلــــت أجدامي تطـوف
ريتك أنـت الشاهدتنـــــي = يبني مابيــن الحتــــــوف
وي طولك انمديت = ميته آنه وتمنيت
وتذكريت صبـــاك = مااگـدر بليــــــــــاك
إنت الضوه للعين وانت الهديه
****
نسالكم الدعاء

خادم الحسين ع
الحاج ابو اياد البيجاوي

قناة الشاعر ابو اياد البيجاوي

لنشر قصائد الحسينية

للاشتراك اضغط على رابط

تلكرام

https://t.me/mhsn1955