ياخويه ياعباس ياخويـــه ياعبـــــــــاس ياخويه عندي احس | قناة الشاعر ابواياد البيجاوي

ياخويه ياعباس

ياخويـــه ياعبـــــــــاس ياخويه عندي احساس
ارجع وحيده بعيلتــــــي بعـــــده يخويه غربتي
ياخويه عندي احســاس
**
من جينه خويه اليــــوم أي والله شفت اهمـوم
ياخويه شوف حســـــين گلبــــــــه اظن مالــوم
شفت المنايه اشـــــبــاح خويه عليــــنه تحـــوم
وبصدري احس اوجـاع وبحلگي احس سمـوم
خله يعاين حالتــــــــــي بعده يخويه غربـــــتي
ياخويه عند ي احساس
*
ياخويه ظن تــــــدرون بكل الـجره والصـــــار
باچر يصير اشبــــــــاك خيـــول العدو تنـــــدار
خويه علينه اتغـــــــــير تصير الحرم طشـــــار
وتفزع علينه الگــــــوم خيامك تشب بالنـــــــار
شنهي بغيابه حالـــــتي بعده يخويه غربـــــتي
ياخويه عندي احسـاس
****
خويه ولفانــه اللــــــيل موحش علينه اتشوف
اگظيهـــه بالونــــــــات گلبي يظـــــــــل ملهوف
ياليلي ريتــه يطــــــول وماشوف صبـح الخوف
صدگ يــنور العــــــين اگبالي اشـــوف اطيوف
وعدوان حــرگوخيمتي بعده يخويــــــه غربتي
ياخويه عندي احساس
****
ياخويه أون لحســـــين اوجــدي بچــه يـمه
وامي وي علي الكــرار ناحوالجــــل همــــه
وگلب الصخر مصـدوع يمــه ونزف دمـــــه
وبعرشه اله الكـــــــون يـعاين لبو اليــــــمه
ايريد چتله وسبيتـــــي بعـده يخويه غربتي
ياخويه عندي احسـاس
***
تدري يبو الكلـفـــــــات ظيـم وقهر عشـــنه
شفنه الحزن الــــــوان ملـت مدامعـــــــــنه
وباچردگلي اشلــــــون وسارت محاملــــنه
بعيني اشوف النــــاس كلــــــــهم عده النه
اطفال عندي وعيلـــتي بعده يخويه غربتي
ياخويه عندي احسـاس
***
تقبل تجيني الگـــــــوم وانـــــه بلايه معين
ياخويه اظن واللـــــــه الگــــوم تطلب دين
ثارابدر وحنيــــــــــــن احــزاب وي صفين
من چان ابوي الـحـــيد يضربهـه بالسيفين
عفتوني والله بحسرتي بعده يخويه غربتي
ياخويه عندي احساس

نسالكم الدعاء

خادمك الحسين ع
الحاج ابو اياد البيجاوي

قناة الشاعر ابو اياد البيجاوي

لنشر قصائد الحسينية

للاشتراك اضغط على رابط

تلكرام

https://t.me/mhsn1955