الأحياء : برأيي أحياء السادس أسهل من أحياء الخامس الي مواضيعه | مليارم (القناة الثانية)

الأحياء : برأيي أحياء السادس أسهل من أحياء الخامس الي مواضيعه مُعقدة و ممفهومة عكس أحياء السادس صح مادة هواية بس حلوو و ينفهم و ينحفظ .. ركزوا (ينفهم و ينحفظ)
خطأ من تقرون الأحياء تحفظون حفظ بس ، هيج المادة تقروها منا تنسوها منا ، فـ شتسوون ؟ ترحون اكو رسومات موجودة بالكتاب و خصوصًا الي مكتوب عليها للأطلاع أشرحوا لنفسكم عليها و أفهموا الموضوع عن شنو يحچي ورا متفتهمون من تجون تردون تحفظون المادة تلگون نفسكم حافظيها أو بسهولة تنحفظ عدكم و حتنطبع المعلومة عدكم و متنسوها أبد .. و أعيد و أگول الرسومات الي للأطلاع هذني مهمااات حتى تفهمون و تساعدكم بالحفظ ..

و هم مثل مگلت بالأدب لتنوعون بالمصادر أبد ، أقروا ع مصدر واحد و حلوا أسئلة وزارية
و الأحياء أسئلته أكثر شي وزاري مُكرر يعني ميجيبون بي لوفه فتريد تجيب درجة كاملة حل وزاري شگد متگدر
و هي أسئلتهم شنو ( عرف و علل و أذكر موقع و وظيفة و أرسم مع التأشير و أذكر عدد الكروموسومات في ما يأتي و بعد شنوو ها و اذكر نوع الانقسام و اذكر الطور .. )

و الي يقرون ع الكتاب ، بكُل صفحة دوروا ع نماذج السؤال الي كتبتها يعني شوفوا اكو بالصفحة تعريف او تعليل او وظيفة أشروها و هيج حتلخصون الكتاب الي بأيدكم ..

و أعيد ديروا بالكم ع الوزاريات .. لحيت مو ؟ يلا ميخالف حتى تبقون تذكرون و تحلون هواية وزاريات .